Շատ սիրելի աշակերտներ, աշակերտուհիներ

Ահա կրկին անգամ դպրոց էք եկել ամառնային ձեր արձակուրդից յետոյ: Աւելի քան երեք ամիսներ վայելեցիք ձեր արձակուրդը եւ այժմ կազդուրւած նոր եռանդով եւ վստահաբար կարօտով վերադարձել էք դպրոց:

Շատ սիրելի աշակերտներ, աշակերտուհիներ,

Քրիստոնէական սուրբ սիրով եւ անկեղծ ու ջերմ զգացումներով ողջունում եւ օրհնում եմ ձեզ սիրելիներ՝ աշակերտներ, աշակերտուհիներ, ուսուցիչներ, ծնողներ եւ դպրոցի ողջ աշխատակազմ:

Մանկապարտէզտի եւ նախակրթարանի իմ սիրելի բալիկներ,

Շատ ուրախ եմ, որ կրկին անգամ մանկապարտէզում էք, ձեզանից ոմանք նոր են, իսկ մի մասն էլ արդէն կարօտով է գալիս մանկապարտէզ:

Գիտելիքը, հազարամեակներ շարունակ լինելով մեր ժողովրդի ամենամեծ հարստութիւնը, իսկ գիտելիքի ձեռքբերման ձգտումը գերագոյն արժէքներից մէկը, պարտաւորեցնում է մեզ սովորել եւ սովորել, ձգտել կուտակել հնարաւորինս շատ գիտելիքներ:

Այսու մեր սիրելի հաւատացեալ ժողովրդի զաւակներին յայտնում ենք, որ շաբաթ 28 սեպտեմբեր 2024 թւականին Ս. Գէորգ Զօրավարի տօնն է: Այդ օրը նաեւ Թեհրանի Ս. Գէորգ Եկեղեցու անւանակոչութեան տօնն է:

Արդարեւ Ս. Գէորգ Եկեղեցում Տնօրինութեամբ Թեհրանի Հայոց Թեմի Առաջնորդ` Գերաշնորհ Տ. Սեպուհ Ս. Արք. Սարգսեանի, հինգշաբթի, ուրբաթ եւ շաբաթ սեպտեմբերի 26-ին, 27-ին եւ 28-ին, երեկոյեան ժամը 7:00-ին տեղի է ունենալու հսկումի արարողութիւն եւ ուխտաւորները եկեղեցում գիշերելու հնարաւորութիւն ունեն:
Շաբաթ սեպտեմբերի 28-ին Ս. Գէորգ Զօրավարի տօնի առիթով մատուցւելու է հանդիսաւոր Ս. եւ անմահ պատարագ:

- Սկիզբ ժամերգութեան առ. ժամը 9:00-ին
- Սկիզբ ս. պատարագի առ. ժամը 10:00-ին
- Քարոզ առ. ժամը 11:00-ին
Յաւարտ ս. պատարագի կատարւելու է ջրի օրհնութիւն սրբալոյս միւռոնով:

Ս. Գէորգ Զօրավարի տօնի առիթով մատաղ բերողները կարող են իրենց մատաղացու ոչխարները Եկեղեցու խորհրդին յանձնել՝ ուրբաթ առաւօտից մինչեւ գիշեր:

Կիրակի 29 սեպտեմբեր 2024 թւականին, Վարագայ Սրբոյ Խաչին տօնն է, այս առիթով Թեհրանի մեր բոլոր եկեղեցիներում մատուցւելու է հանդիսաւոր Ս. եւ անմահ պատարագ:

Յիշեցնենք, որ հարկ է բոլոր արարողութիւններին եւ Ս. պատարագի պահին անաղմուկ եւ պատշաճ ձեւով հետեւել բոլոր արարողութիւններին, որպէսզի կարողանանք, որպէս ուխտաւորներ՝ երկիւղածութեամբ հաղորդւել սուրբի նահատակութեան խորհրդով եւ ինչու չէ նաեւ վերանորոգել մեր քրիստոնէական հաւատքը:

Թ.Հ.Թ. ԿՐՕՆԱԿԱՆ ԽՈՐՀՈՒՐԴ

Այսու ուրախութեամբ մեր ժողովրդի սիրելի զաւակներին յայտնում ենք, որ յառաջիկայ կիրակի 22 սեպտեմբեր 2024 թւականի առաւօտեան, Թեհրանի մեր բոլոր եկեղեցիներում յընթացս Ս. պատարագի, տեղի է ունենալու հանրապետական մաղթանք Հայաստանի Հանրապետութեան վերանկախացման տօնի առիթով:

Հրաւիրում ենք մեր ժողովրդի սիրելի զաւակներին, ներկայ գտնւելու եկեղեցական արարողութեանց եւ հաղորդւելու օրւայ խորհրդով:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Կիրակի, 15 սեպտեմբեր 2024 թւականին, Հայ Առաքելական Սուրբ Եկեղեցին տօնեց համաքրիստոնէական Սուրբ Խաչվերացի տօնը։ Այս տօնը հինգ տաղաւար տօներից վերջինն է, որը Հայ Եկեղեցին տօնում է սեպտեմբերի 11-ից-17-ի միջեւ ընկած կիրակի օրը։

Նախաձեռնութեամբ Հ. Մ. «Արարատ» կազմակերպութեան Մարզական միութեան, Հ.Մ.Ա.Կ.-ի 80-ամեակին նւիրւած Իրանի 55-րդ Համահայկական խաղերի բացման հանդիսութիւնը տեղի ունեցաւ երէկ՝ սեպտեմբերի 10-ի երեկոյեան՝ «Արարատ» մարզաւանում:

Այսու տեղեկացնում ենք, որ ի հետեւումն Թեհրանի Ազատ Համալսարանի Հայոց Լեզւի եւ Գրականութեան Ամբիոնի Հովանաւոր Հիմնադրամի կողմից ներկայացւած դիմումի, Թեմական խորհուրդն ինչպէս նախորդ տարիներ, այս տարի դարձեալ շարունակելու է նիւթական աջակցութիւն կատարել յիշեալ ամբիոն յաճախող ուսանողներին:

Նշելի է, որ Թեմական խորհուրդը հայոց լեզւի եւ գրականութեան պահպանման եւ ուսուցման ի խնդիր՝ 2021 թւականից սկսեալ հիմնադրամի կողքին լինելով, իր հնարաւորութեան սահմաններում սատար է հանդիսացել հայ ուսանողին եւ ամբիոնի հովանաւոր հիմնադրամին:

Թ.Հ.Թ. ԹԵՄԱԿԱՆ ԽՈՐՀՈՒՐԴ

Այսու մեր ժողովրդի սիրելի զաւակներին յայտնում ենք, որ կիրակի, 15 սեպտեմբեր 2024 թւականին Խաչվերաց է, այսինքը՝ տօն վերացման սրբոյ խաչին: Այս առիթով Տնօրինութեամբ Գերշ. Տ. Սեպուհ Ս. Արք. Սարգսեանի Թեհրանի մեր բոլոր եկեղեցիներում մատուցւելու է հանդիսաւոր Ս. եւ անմահ պատարագ:

Նոյն օրը, երեկոյեան ժամը 4:30-ին, «Արարատ» մարզաւանի Ս. Խաչ մատուռի անւանակոչութեան տօնի առիթով, համանուն մատուռում մատուցւելու է Ս. եւ անմահ պատարագ, որի աւարտին տեղի է ունենալու աւանդական Խաչվերացի ռեհանով անդաստան:
Պատարագելու է Արժ. Տ. Գրիգորիս Քհնյ. Ներսիսեանը:

Սկիզբ Ս. պատարագի ժամը 16:30-ին
Քարոզ ժամը 17:30-ին
Անդաստան ժամը 18:00-ին

Երկուշաբթի 16 սեպտեմբեր 2024 թւականին, յիշատակ մեռելոց է:

Մեր ժողովրդի զաւակներին կոչ ենք ուղղում, որ ներկայ լինեն վերոյիշեալ կրօնական արարողութեանց՝ հաղորդւելու համար խաչի ու խաչեալի խորհրդով:

Երթեւեկութեան համար նկատի են առնւել հանրակառքեր հետեւեալ վայրերից՝
• Ս. Սարգիս եկեղեցու շրջափակից
• Ս. Գրիգոր Լուսաւորիչ եկեղեցու շրջափակից
• Սրբ. Թարգմանչաց եկեղեցու շրջափակից
• Սրբ. Վարդանանց եկեղեցու շրջափակից
Յաւելեալ տեղեկութիւնների համար կապ հաստատել պատկան եկեղեցու Եկեղեցական խորհրդի հետ:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ