Երկուշաբթի՝ 19 փետրւար 2024 թւականին, Թեհրանի Իրանագիտութեան հիմնադրամի նախաձեռնութեամբ եւ «Արտակ Մանուկեան» թանգարանի համագործակցութեամբ՝ Իրանագիտութեան հիմնադրամի կենտրոնի ցուցասրահում իր աշխատանքն սկսեց իրանահայ անւանի գեղանկարիչ Գրիգոր Յակոբեանի (Եաղուբի) կտաւների ցուցահանդէսը:

Երեքշաբթի 20 փետրւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց, դաշնակահար՝ Արին Աւանէսեանին, ով եկել էր Սրբազան Հօր հովանաւորութիւնը խնդրելու հայկական կենտրոններում ծրագրած դաշնամուրային ռեսիտալի կապակցութեամբ:

Երկուշաբթի, 19 փետրւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր բնակարանում ընդունեց Ի. Իսլ. Հ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանին, նրա տիկնոջը եւ որդուն, ովքեր քաղաքավարական այցելութեամբ հանդիպեցին Սրբազան Հօրը:

Երկուշաբթի, 19 փետրւար 2024 թւականի առաւօտեան, Թեմիս Առաջնորդ Գերշ. Տ. Սեպուհ Ս. Արք. Սարգսեանի հովանաւորութեամբ Ս. Մինաս եկեղեցում տեղի ունեցաւ Արեւագալի ժամերգութիւն մասնակցութեամբ՝ Քահանայից դասի, Դպրաց դասի ներկայացուցիչների եւ նկատառելի թւով հաւատացեալների։

Կիրակի, 18 փետրւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց յատուկ հրաւէրով Թեհրան ժամանած ՀՅԴ Գերագոյն մարմնի անդամ, ՀՀ Ազգային ժողովի «Հայաստան» խմբակցութեան պատգամաւոր Լիլիթ Գալստեանին:

Կիրակի, 18 փետրւար 2024 թւականի առաւօտեան Թեհրանի Ս. Սարգիս առաջնորդանիստ մայր եկեղեցում կիրակնօրեայ Ս. պատարագից յետոյ կատարւեց Հոգեհանգստեան արարողութիւն՝ Արցախի ազատագրական պայքարի եւ յատկապէս Բաքւում եւ Սումգայիթում նահատակւած մեր անմեղ զոհերի, ինչպէս նաեւ քառօրեայ եւ 44-օրեայ պատերազմների նահատակների հոգիների խաղաղութեան համար:

Թեհրանի Հայ Դատի յանձնախմբի նախաձեռնութեամբ՝ «Հայ Դատն այսօր» 15-րդ խորհրդաժողովի շրջանակներում, կիրակի փետրւարի 18-ին, Հայ Հասարակական միութեան (Հայ ակումբ) սրահում, իրանցի փորձագէտների եւ լսարանի մասնակցութեամբ, կազմակերպւել էր մէկօրեայ խորհրդաժողով, որի խորագիրն էր՝ «Իրանի ու Հայաստանի ազգային անվտանգութիւնը, տարածաշրջանային ու արտատարածաշրջանային սպառնալիքների շրջագծում»:

Հինգշաբթի, 15 փետրւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում հիւրընկալեց Տաւուշի թեմի առաջնորդ Բագրատ Արք. Գալստանեանին, ով Թեհրան է ժամանել մասնակցելու՝ «ՀՈՒՍԿ» հաստատութիւն նախաձեռնութեամբ կազմակերպւած «Հայ Դատն Այսօր» 15-րդ խորհրդաժողովին:

Արցախի հիմնահարցն ու կորուստը, Հայաստանի ներքաղաքական իրավիճակը, Հայաստան -Սփիւռք յարաբերութիւնները, տարածաշրջանային իրավիճակը եւ այն ամէն մտահոգութիւններն ու ապագայ հնարաւոր զարգացումներն ու մեր անելիքները այն թեմաներն էին, որոնք քննարկւեցին «Հայ Դատն այսօր» 15-րդ խորհրդաժողովում:

Երեքշաբթի, 13 փետրւար 2024 թւականի երեկոյեան ժամը 4-ին, Թեհրանի բոլոր եկեղեցիներում կատարւեց երեկոյեան ժամերգութիւն, որին յաջորդեց Տեառնընդառաջի հանդիսաւոր նախատօնակի արարողութիւնը: Ապա տեղի ունեցաւ անդաստանի արարողութիւն եւ Սուրբ խորանից իջեցւած Աշխարհի Լոյս Յիսուս Քրիստոս խորհրդանշող մոմով վառւեց ատեանում դրւած սեղանի մոմերը, ապա Քրիստոս փառաց թագաւոր շարականի երգեցողութեան ներքոյ Քահանայ Հայրերի միջոցով տեղի ունեցաւ նորածինների եւ փոքրիկ երեխաների տաճար ընծայման արարողութիւնը եւ ընծայւած երեխաներին պարգեււեց մէկական խաչ: