2021 ԱՌ 2023

Թեհրանի հայոց թեմի առաջնորդի նախագահութեամբ Թեմական խորհրդի անձնակազմ`

• Պրն. Նորայր Արամեան
  Ատենապետ
• Պրն. Վահէ Թարոյեան
  Փոխ Ատենապետ
• Տկն. Լինդա Ղարախանեան
  Ատենադպիր
• Պրն. Հայրիկ Աղանեան
  Փոխ Ատենադպիր
• Պրն. Արէն Յովսէփեան
  Նիւթականի Պատասխանատու
• Տկն. Անի Միրզախանեան
• Պրն. Արմէն Նազարեան
• Պրն. Հայկազ Շիրւանեան
• Պրն. Ռաֆիկ Մելիքսէթեան
• Պրն. Աշոտ Սինանի
• Պրն. Մհեր Օհանեան

Թեմական Խորհրդին Ենթակայ Մարմիններն են՝

• Կրթական Խորհուրդ
  Պատասխանատու է հայոց ազգային դպրոցների ներքին կեանքի, ուսումնադաստիարակչական հարցերի, ուսուցիչների, դասագրքերի, հայերէնի դասաւանդման, աշակերտութեան յառաջադիմութեան, նիւթականի ապահովման եւ այլ հարցերի համար:
• Շինարարական մարմին
  Հետեւում է ազգապատկան բոլոր կառոյցներում՝ դպրոցներ, եկեղեցիներ, բուժարան եւ այլն, անհրաժեշտ նկատւած նորոգութիւններ եւ այլ աշխատանքներ կատարելու գործին՝ նրանց կողմից ստացւած դիմումի հիման վրայ:
• Կարիքաւորներին Օժանդակող Մարմին
  Ընթացք է տալիս իրեն դիմող կարիքաւոր ընտանիքներին իր բիւջէից ամսական վճարումներ կատարելով, ինչպէս նաեւ օգնելով նրանց՝ բնակարան վարձելու կամ բնակարանի կանխավճար տալու համար:
• Դատական Խորհուրդ
  Հանդիպումներ է ունենում ընտանեկան դժւարութիւններ ունեցող ամուսինների հետ եւ խորհրդատւութեամբ օժանդակում է նրանց դժւարութիւնները վերացնելու գործին, նաեւ տնօրինում է ապահարզանի եւ ընտանեկան այլ հարցերին առընչւող դիմումները:
• Գերեզմանատների վարչութիւն
  Հետեւում է գերեզմանատների՝ Դուլաբ եւ Նոր Բուրաստան, ներքին վարչական հարցերին, գերեզմանատներում աշխատող անձանց՝ քարտաշ, գերեզմանափոր, ծաղկավաճառ, պահակներ եւ այլնի աշխատանքին, ներքին մաքրութեան եւ կարգաւորման: Եկեղեցական Խորհուրդներ- Թեհրանահայ իւրաքանչիւր եկեղեցի ունի իր առանձին եկեղեցական Խորհուրդը, որը սովորաբար կազմւած է լինում պատկան թաղի ազգայիններից: Խորհուրդը հետեւում է եկեղեցու լուսաւորութեանը, պահպանմանը, արարողութիւնների անխափան կատարմանը, երգչախումբ, պաշտօնէութիւն եւ այլն:
• «Ա. Աւետիսեան» բուժարանի խնամակալ մարմին
  Մարմինը հսկում եւ տնօրինում է բուժարանի ներքին եւ արտաքին, նիւթական, վարչական եւ այլ կարգի բոլոր հարցերը եւ հետեւում սոյն հաստատութեան ամբողջական գործունէութեանը:
• Կտակա-կալւածային մարմին
  Հետեւում է ազգապատկան կալւածների արխիւների պահպանմանը, իրաւական հարցերին, կալւածների վաճառման, վարձակալման եւ այլ ձեւերով օգտագործման խնդիրներին: Ծխական տուրքի մարմին- Նշանակում է Ծխական տուրքի համապատասխան գումար՝ գանձելու համար համայնքի բոլոր եկամուտ ունեցող ազգայիններից: Իւրաքանչիւր թաղում անհրաժեշտ է առանձին ենթայանձնախումբ:
• Ուսանողական Ֆոնդեր
  Մարմինն ընդունում է դիմումներ՝ Ֆոնդից օգտւել ցանկացող ուսանողներից եւ Ֆոնդի կանոնադրութեան համապատասխան՝ ընթացք է տալիս այդ դիմումներին եւ տարեկան յատկացումներ կատարում:
• Յարաբերական մարմին
  Իր հաղորդագրութիւններով, տեղեկութեամբ ու բացատրութիւններով կապ է պահում հայ համայնքի, ինչպէս նաեւ պետական շրջանակների եւ պարսկական կազմակերպութիւնների կամ պարսիկ անհատ հայրենակիցների հետ՝ ընթացք տալով նաեւ նրանց կողմից եղած դիմումներին եւ հարցումներին:
• Ծխական Տուրքի Կենտրոնական Մարմին
• Տնտեսական-Կալւածային Մարմին
• Եկեղեցական խորհուրդներ

  Թեհրանի Ս. Սարգիս, Ս. Աստւածածին, Ս. Գր. Լուսաւորիչ, Սրբոց Թարգմանչաց, Սրբոց Վարդանանց, Ս. Մինաս, Ս. Գէորգ և Ս. Թադէսո-Բարդուղիմէոս եկեղեցիների 7 եկեղեցական խորուրդները հետևում են սոյն եկեղեցիներին առընչւող բոլոր աշխատանքներին:

• Իրան-Իրաք ութամեայ պարտադրեալ պատերազմի հայ անձնուրացների արժէքների պահպանման յանձնախումբ 

Թեմական Խորհրդին Ենթակայ Շրջաններն են՝

• Արաքի Հոգաբարձութիւն
• Ղազւինի Հոգաբարձութիւն
• Ռաշտի Հոգաբարձութիւն
• Անզալիի Հոգաբարձութիւն
• Սարիի Հոգաբարձութիւն
• Գորգանի Հոգաբարձութիւն
• Ղարաղանի Ս. Մեսրոպ եկեղեցու Խորհուրդ

Դիտեք Թեմական Խորհրդի Կազմերը (Լուսանկարներով)