Թւականիս դեկտեմբեր 27 եւ 28-ին ընթացքին Իրանի իսլամական հանրապետութեան կարգապահական ուժերի յատուկ ջոկատայինները Սուրբ Ծննդեան եւ Ամանորի առիթով իրենց հրամանատարութեան եւ հոգեւոր քաղաքական կազմակերպութեան պատասխանատուների ընկերակցութեամբ այցելեցին Սուրբ Աստւածածին եւ Սուրբ Սարգիս Մայր եկեղեցի, որոնց ընդունեցին Արժ. Տ. Յակոբ Քահանայ Քէշիշեանն ու Արժ. Տ. Գրիգորիս Քահանայ Ներսէսեանը:
Երկուշաբթի թւականիս դեկտեմբերի 27-ի առաւօտեան, Ի.Ի. Հանրապետութիւնում հաւատարմագրւած Ռուսիոյ Դաշնութեան Արտակարգ եւ Լիազօր դեսպան Լեւոն Ջաղարեանը պաշտօնական այցով այցելեց Ազգային Առաջնորդարան:
Կիրակի թւականիս դեկտեմբերի 26-ի առաւօտեան, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Քոյէթի ազգայիններից պրն. Զարէհ Յակոբեանին, ով եկել էր քաղաքավարական այցելութիւն տալու Առաջնորդ Սրբազանին:
Հինգշաբթի թւականիս դեկտեմբեր 23-ի առաւօտեան ժամը 9-ին, Թեմիս Բարեխնամ Առաջնորդ՝ Գերշ. Տ. Սեպուհ Սրբ. Արք. Սարգսեանը ընկերակցութեամբ հանրային կապի հոգեւոր խորհրդատու Արժ. Տ. Գրիգորիս Քահանայ Ներսէսեանի եւ Արժ. Տ. Սարգիս Քահանայ Խոսրովեանի իր մասնակցութիւնը բերեց Ներքին գործոց նախարարութեան եւ Իսլամական քարոզչութեան նախաձեռնութեամբ կազակերպւած կանանց միջազգային չորրորդ կոնգրեսին՝ «Սուրբ Կոյս Մարիամ Աստւածածինը արդարութեան հայելի» թեմայով:
Նոր տարւայ եւ Ս. Ծննդեան տօների առիթով՝ այսօր դեկտեմբերի 27-ին, Հայոց ազգային «Արաքս» դպրոց են այցելել կրթադաստիրակութեան նախարար Իւսէֆ Նուրին եւ նրան ուղեկցող պատւիրակութիւնը, հաղորդում է կրթադաստիրակութեան նախարարութեան պաշտօնական կայքը:
Ամանորի եւ Ս. Ծննդեան տօների առիթով, երէկ, դեկտեմբերի 27-ին, Թ. Հ. թեմի առաջնորդ Տ. Սեպուհ արք. Սարգսեանը ազգային առաջնորդարանի դահլիճում ընդունեց կանանց հարցերով Իրանի Հանր. նախագահի օգնական դոկտ. Խազալիին եւ իրեն ընկերակցող պատւիրակութեանը: Հանդիպմանը, ներկայ էին Թ. Հ. Թ. Թեմական խորհրդի անդամները եւ «Ա. Աւետիսեան» ազգային բուժարանի խնամակալ մարմնի նախագահ Արմինէ Սէթխանեանը: Հանդիպմանը թեմակալ առաջնորդը կարեւորութեամբ ընդգծեց, որ Իրանը պատմութեան ընթացքում զանազան կրօնների խաղաղ գոյակցութեան վայր է եղել եւ սա հարստութիւն է հանդիսանում Իրանի համար, որովհետեւ դրանով Իրանը իր դրական պատկերն է ցոյց տալիս աշխարհին: Դոկտ. Խազալին եւս կարեւորութեամբ անդրադարձաւ քրիստոնէութեան եւ իսլամի համամարդկային արժէքներին:
Այսու յայտնում ենք Թեհրանի մեր սիրելի ժողովրդին, որ գեղեցիկ եւ դաստիարակիչ աւանդութեան համաձայն, յառաջիկայ ուրբաթ, 31 Դեկտեմբերի կէս գիշերւայ ճիշդ ժամը 12:00-ին Նոր տարւայ առիթով մատուցւելու է հանդիսաւոր Ս. եւ Անմահ Պատարագ, Թեհրանի մեր հետեւեալ եկեղեցիներում Ս. Սարգիս, Ս. Աստւածածին, Սրբոց Վարդանանց, Սրբոց Թարգմանչաց եւ Ս. Գրիգոր Լուսաւորիչ եկեղեցիներում:
Իրանում բոլոր կրօնական ազգային համայնքները վայելում են կառավարութեան եւ գլխաւորաբար գերագոյն իշխանութեան պաշտպանութիւնն ու յարգանքը: Այդ իրողութեան կենդանի փաստերից է Ամանորեան եւ Սուրբ Ծննդեան տօներին փոքրամասութիւննեի նահատակաց ընտանիքներին եւ կազմակերպութիւններին պետական այրերի եւ հիմնարկների ներկայացուցիչների կողմից տրւած շնորհաւորական ու գօտեպնդիչ այցելութիւնները: Այս տարի եւս շարունակւեց կառավարութեան բարեբաստիկ այդ սովորութիւնը:
Այսու յայտնում ենք մեր ժողովրդի սիրելի զաւակներին, որ նկատելով աշխարհում եւ մեր երկրում տիրող համեմատաբար մեղմացող համաճարակի պարագան, Կրօնական Խորհուրդը իր վերջին նիստում գումարւած 20 դեկտեմբեր 2021-ին, Ազգային առաջնորդարանի դահլիճում եւ նախագահութեամբ թեմիս առաջնորդ Գերշ. Տ. Սեպուհ Ս. Արք. Սարգսեանի որոշեց պատշաճ ձեւով կատարել կրօնական արարողութիւնները հետեւեալ ժամանակացոյցով՝
Հայ համայնքիս կազմակերպութիւններին ու կառոյցներիս պետական այրերի կողմից տրւած այցելութիւնների շրջանկում, յատկանշական է նաեւ կառավարութեան խօսնակ Ջահրոմիի շաբաթ օրւայ այցը «Ա. Աւետիսեան» Ազգային բուժարան: