Այս տարի ցաւօք՝ նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, կիրակի 15 օգոստոս 2021 թ.-ին Վերափոխման Ս. Աստւածածնի եւ խաղողօրհնէքի արարողութիւնը կատարւեց Թեհրանի եկեղեցիներում դռնփակ կարգով։ Սուրբ Սարգիս Մայր եկեղեցում կրօնական արարողութեանը նախագահում էր Թեմիս Բարեխնամ Առաջնորդ՝ Գերաշնորհ Տ․ Սեպուհ Ս․ Արք․ Սարգսեանը։ Արարարողութիւնը առցանց սփռւեց եկեղեցիների ինստագրամային էջով։Արարողութեանը ներկայ էր Թ.Հ.Թ. Թեմական խորհրդի ատենապետ՝ ճրտպ. Նորայր Արամեանը ու ստւարաթիւ հաւատացեալներ:
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների, Հաշւեքննիչ մարմնի եւ ողջ ժողովականութեան խորազգաց ցաւակցութիւնն ենք յայտնում պրն. Մայիս Մինասեանին, Մինասեան, Օհանեան եւ Քեշիշեան ընտանիքներին եւ միւս բոլոր հարազատներին իրենց կրած ծանր ու անփոխարինելի կորստի՝ ՍԻԼՒԱ ՄԻՆԱՍԵԱՆ (ՕՀԱՆԵԱՆ)-Ի ցաւալի մահւան առթիւ:
Այսու անձնապէս եւ յանուն մեր Պատգամաւորական Ժողովի, Կրօնական, Թեմական Խորհուրդների, Հաշւեքննիչ մարմնի եւ ողջ ժողովականութեան խորազգաց ցաւակցութիւնն ենք յայտնում տկն. Ալվարդ Մինասեանին, Մինասեան ընտանիքին եւ միւս բոլոր հարազատներին իրենց կրած ծանր ու անփոխարինելի կորստի՝ ԱԼԲԵՐՏ ՄԻՆԱՍԵԱՆ-Ի ցաւալի մահւան առթիւ:
Օգոստոսի 9-10 2021-ին Ասիայի Եկեղեցիների Խորհուրդի Գործադիր Վարչութիւնը ունեցաւ առ ցանց հերթական իր ժողովը խորհուրդի անդամ եկեղեցիների ներկայացուցիչների մասնակցութեամբ։ Ժողովին մասնակցեց նաեւ թեմիս առաջնորդ Գերշ. Տ. Սեպուհ Ս. Արք. Սարգսեան որպէս մնայուն անդամ Գործադիր Վարչութեան։
Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, որ յառաջիկայ կիրակի 15 օգոստոս 2021 թ.-ին Վերափոխման Ս. Աստւածածնի եւ խաղողօրհնէքի արարողութիւնը կը կատարւի Թեհրանի Ս. Սարգիս, Ս. Աստւածածին, Ս. Գրիգոր Լուսաւորիչ, Ս. Թարգմանչաց եւ Սրբոց Վարդանանց եկեղեցիներում դռնփակ կարգով։
Չորեքշաբթի 11 օգոստոս 2021 թւականի առաւօտեան, Թեմիս Բարեխնամ Առաջնորդ Գերշ․ Տ․ Սեպուհ Ս․ Արք Սարգսեանը ընկերակցութեամբ Թ.Հ.Թ. Թեմական խորհրդի ատենապետ՝ ճրտպ․ Նորայր Արամեանի եւ նոյն խորհրդի անդամ ու զոյգ գերեզմանատների հետ կապ՝ պրն. Ռաֆիկ Մէլիքսեթեանի այցելեց նոր բուրաստան գերզմանատուն։
Շաբաթ, օգոստոսի 7-ին, Ազգային առաջնորդարանի դահլիճում, Կրթական խորհրդի ատենապետ՝ Ալֆրէդ Կարապետեանը, նոյն խորհրդի անդամներ՝ Խաչատուր Խաչատրեանը, Մարլէն Աշուղեանը և Կարօ Պետրոսեանը հանդիպում են ունեցել Բարեգործական ընդհանուր միութեան անդամներ՝ Թայիկ Տէր Դանիէլեանի, Մարի Մարտիրոսեանի, Ռոման Սարգսեանի և Վահէ Միրզաբէգեանի հետ:
Երեքշաբթի թւականիս յուլիսի 27-ի երեկոյեան, Մեծի Տանն Կիլիկիոյ կաթողիկոս Ն.Ս.Օ.Տ.Տ. Արամ Ա. Վեհափառ հայրապետի թելադրութեամբ եւ ի շարունակութիւն տնօրինած Կաթողիկոսարան-Թեմ հանդիպումների, Թեմիս Առաջնորդ Գերշ. Տ. Սեպուհ Ս. Արք. Սարգսեանը ընկերակցութեամբ Թեմական խորհրդի ատենապետ՝ ճրտպ. Նորայր Արամեանի առցանց հանդիպում ունեցան Վեհափառ Հայրապետի եւ Ազգ. Կենտրոնական Վարչութեան դիւանի երկու ատենապետների հետ։
«Ա.Մանուկեան» Ազգ. Թանգարանը Աւանդական արւեստի գիտահետազօտական հաստատութեան համագործակցութեամբ կազմակերպել է՝ «ԻՐԱՆԱՀԱՅ ԱՐԾԱԹԱԳՈՐԾ ՎԱՐՊԵՏՆԵՐԻ ԱՇԽԱՏԱՆՔՆԵՐԻ ՑՈՒՑԱՀԱՆԴԷՍ», որը կայանալու է թւականիս սեպտեմբերի 5-ին, Հաստատութեան կենտրոնատեղիում։
Այսու յայտնում ենք մեր սիրելի ժողովրդի զաւակներին, որ քորոնայ համաճարակի պատճառած սահմանափակումները խիստ կերպով պիտի գործադրւի։