Չորեքշաբթի թւականիս փետրւարի 2-ին, Թեմական խորհրդի ատենապետ ճրտպ. Նորայր Արամեանը եւ փոխատենապետ Վահէ Թարոյեանը խորհրդակցական հանդիպում ունեցան Ազգային Առաջնորդարանի իրաւաբան Մորթէզա Ռուզբէհի հետ:
Չորեքշաբթի թւականիս փետրւարի 2-ին, Ազգային Առաջնորդարանի դահլիճում ատենապետութեամբ ճրտպ. Նորայր Արամեանի կայացաւ Թեմական խորհրդի ներքին տնտեսական յանձնախմբի անդրանիկ նիստը, որին ներկայ էին Խորհրդի փոխատենապետ Վահէ Թարոյեանը, նիւթականի պատասխանատու Արէն Յովսէփեանը եւ խորհրդի անդամ Մհեր Օհանեանը: Սոյն հանդիպման ներկայ էր նաեւ Ազգային Առաջնորդարանի հաշւապահական բաժնի պատասխանատու տկն. Նայիրի Յարութիւնեանը:
Երկուշաբթի թւականիս յունւարի 31-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Ազգային Առաջնորդարանի դիւանապետ Զօրիկ Կարապետեանի, այցելեցին Իրանի Իսլամական Մշակոյթի եւ Առաջնորդութեան (Էրշադ) նախարարութեան Կրօնական փոքրամասնութիւնների բաժնի կենտրոն եւ հանդիպում ունեցան Մշակութային աշխատանքների եւ միութիւնների բաժնի նորանշանակ գլխաւոր տնօրէն Էսմայիլ Ջանալիփուռի հետ:
Կիրակի թւականիս յունւարի 30-ին, Թեմական խորհրդի ատենապետ ճրտպ. Նորայր Արամեանը Ազգային Առաջնորդարանի դահլիճում հանդիպում ունեցաւ «Ռեֆահ» բանկի մշակութային-հասրակական բաժնի տնօրէն դոկտ. Համիդ Ռէզա Սաֆայեանի եւ իրեն ընկերակցող պատւիրակութեան հետ: Հանդիպմանը ներկայ էր նաեւ Ազգային Առաջնորդարանի դիւանապետ Զօրիկ Կարապետեանը:
Ամիսներ առաջ Սուրբ Աստւածածին եկեղեցու Եկեղեցական Խորհուրդն, Եկեղեցու ժրաջան հոգեւոր հովիւ՝ Արժ. Տ. Յակոբ քհնյ. Քեշիշեանի մատուցած 14 տարիների բարի ծառայութեան առիթով, ազնիւ մտածումն ունեցաւ նամակով խնդրամոտոյց լինել Առաջնորդ Սրբազան Հօրը, որպէզի Քահանայ հօրը լանջախաչ կրելու իրաւունք շնորհի:
Թեմիս Առաջնորդ Գերշ. Տ. Սեպուհ Ս. Արք. Սարգսեանն ընդառաջելով Ս. Աստւածածին եկեղեցու խորհրդի խնդրագիր նամակին, դիմեց Ն.Ս.Օ.Տ.Տ. Արամ Ա. Վեհափառ Կաթողիկոսին, որպէսզի Հայրապետական կոնդակով արժանապատիւ Քահանայ հօրը շնորհւի լանջախաչ կրելու արտօնութիւնը։
Այսու ուրախութեամբ` մեր ջերմագին շնորհաւորանքներն եւ բարեմաղթանքներն ենք յղում դոկտ. Արփի Մանուկեանին Թեհրանի Բժշկագիտական պետական համալսարանի մանկաբարձութեան եւ բուժքույրութեան ֆակուլտետի միջազգային յարաբերութիւնների բաժնի պատասխանատուի տեղակալ նշանակւելու կապակցութեամբ եւ մաղթում նորանոր նւաճումներ եւ յաջողութիւններ:
Թ.Հ.Թ. ԹԵՄԱԿԱՆ ԽՈՐՀՈՒՐԴ
Իրանի հայկական եկեղեցիները, իրենց վաղեմութեամբ այն գանձերն են, որոնք ապացուցում են իրանահայ համայնքի դարաւոր գոյութիւնը Իրանում:
Ահաւասիկ, այս մասին գիտական հետազօտութիւնը եւ արդիւնքում գրքի հրատարակութիւնը յոյժ կարեւոր գործօն է, որը իրականացել է Իրանի պատմական եկեղեցիների կենտրոնի տնօրէն, Հայաստանի ճարտարապետութիւնն ուսումնասիրող հիմնադրամի, յուշարձանների ու զբօսաշրջային վայրերի միջազգային կազմակերպութեան ազգային կոմիտէի անդամ, իրանահայ ճրտ. դոկտ. Շերլի Աւետեանի ջանքերով: Յատկանշական է, որ գրքի շնորհանդէսը կատարւել է 2021 թւականի դեկտեմբերի 2-ին Հ. Ուս. «Չհարմահալ» միութեան «Յովհ. Թումանեան» սրահում:
Սակայն, հնարաւոր չէր նման պատմական նշանակութեամբ աշխատանքը չգնահատւէր ամենաբարձր մակարդակով:
Շաբաթ թւականիս յունւարի 29-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Հ.Մ. «Սիփան» Միութեան նորընտիր վարչութեան անդամներին, ովքեր եկել էին իրենց գործունէութեան առաջին հանգրւանում Սրբազան Հօր օրհնութիւնն ստանալու եւ լսելու իր թելադրութիւններն եւ ուղղութիւնները:
Հինգշաբթի թւականիս յունւարի 27-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանն իր գրասենեակում ընդունեց, Ի.Ի.Հ. խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանին եւ խիստ կարեւորեց Պատգամաւորի նման հանդիպումները Սրբազանի հետ:
Այսու ուրախութեամբ՝ մեր խորին շնորհաւորանքներն եւ բարեմաղթանքներն ենք յղում Ամիր-քաբիր արդիւնաբերական համալսարանի Էլեկտրատեխնիկական ֆակուլտետի հայ անւանի դասախօս եւ խելացի ցանցերի եւ էներգահամակարգերի ոլորտում հանրայայտ հետազօտող՝ ՊՐՈՖ. ԳԷՈՐԳ ԿԱՐԱՊԵՏԵԱՆԻՆ՝ «Բաշխիչ ցանցերում միկրոցանցերի յաճախականութեան վերահսկման բարելաւում» թեման ուսումնասիրելու բերումով, Համաշխարհային ճարտարագիտական մեծագոյն ասոցիացիայի՝ Էլեկտրական և էլեկտրոնիկայի ինժեներների ինստիտուտի (IEEE) կողմից, որպէս 2022 թւականի յունւար ամսւայ ականաւոր հեղինակ ներկայացւելու, Իր հպարտալի ձեռքբերման եւ յաջողութեան առիթով:
Յատկանշական է, որ պրոֆ. Կարապետեանը եղել է ժամանակի Պատգամաւորական ժողովի պատգամաւոր, նաեւ Կրթական խորհրդի անդամ եւ ընդմիշտ իր սերտ համագործակցութիւնն եւ ակտիւ մասնակցութիւնն է ունեցել համայնքիս ազգային եւ հասարակական կեանքում:
Այս հպարտալի առիթով՝ կրկին անգամ շնորհաւորում ենք իրանահայ անւանի գիտնական պրոֆ. Գէորգ Կարապետեանին եւ մաղթում նորանոր նւաճումներ եւ յաջողութիւններ:
Թ.Հ.Թ. ԹԵՄԱԿԱՆ ԽՈՐՀՈՒՐԴ