Շաբաթ թւականիս յունւարի 29-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Հ.Մ. «Սիփան» Միութեան նորընտիր վարչութեան անդամներին, ովքեր եկել էին իրենց գործունէութեան առաջին հանգրւանում Սրբազան Հօր օրհնութիւնն ստանալու եւ լսելու իր թելադրութիւններն եւ ուղղութիւնները:

Սրբազան Հայրը շնորհաւորեց նորընտիր կազմին եւ յաջողութիւն մաղթեց իրենց: Առաջնորդը թելադրեց, որ հարկ է աշխատել վերատեսել իրենց կեանքը եւ գործունէութիւնն ի մասնաւորի Վեհափառ Հայրապետի 2022 թւականի Սփիւռքի տարւայ առիթով թեմերին յղւած պատգամի լոյսի ներքոյ: Թեմակալ Առաջնորդն իր խօսքերի մի այլ բաժնում կարեւորութեամբ շեշտեց վարչութեան համագործակցութիւնը շրջանում գործող միութիւնների եւ նաեւ Սրբ. Թարգմանչաց եկեղեցու խորհրդի հետ:

Ազգային Առաջնորդարանի Հանրային կապ