Նոր տարւայ եւ Սուրբ Ծննդեան տօների առիթով՝ երկուշաբթի, դեկտեմբերի 16-ի առաւօտեան, Իրանի Իսլամական Հանրապետութեան բանակի նախաձեռնութեամբ Նոր Բուրաստան գերեզմանատանը յարգանքի տուրք մատուցւեց Իրան-Իրաք պարտադրեալ պատերազմի տարիների Հայ նահատակների յիշատակին, որին մասնակցութիւն էին բերել՝ Իրանի Իսլամական հանրապետութեան բանակի շտաբի հանրութեան հետ կապի եւ մշակութային հարցերի տեղակալ՝ հոջաթոլէսլամ Սաիդ Նասիրոլ Էսլամին, Սրբազան պաշտպանութեան արժեքների եւ հրատարակութիւնների պահպանման կազմակերպութեան նախագահ՝ Գեներալ մայոր Ֆուլադին, Բանակի մասնաւոր ծառայութիւնների զօրամիաւորը, Իրանի Իսլ. խորհրդարանում հիւսիսային շրջանի իրանահայութեան պատգամաւոր՝ դոկտ. Կարէն Խանլարեանը, Թ.Հ.Թ. Թեմական խորհրդի անդամ՝ պրն. Ռաֆիկ Մելիքսէթեանը, առաջնորդարանի դիւանապետ՝ պրն. Զօրիկ Կարապետեանը, Թ.Հ.Թ. գերեզմանատան վարչութեան ներկայացուցիչները ու մի շարք հրամանատարներ և պետական պաշտօնեաներ:
Չորեքշաբթի 18 դեկտեմբերի 2019 թւականին թեմիս առաջնորդ Գերշ. Տ. Սեպուհ Ս. Արք. Սարգսեանը առաջնորդարանի գրասենեակում ընդունեց Իրանի Իսլամական Հանրապետութիւնում Հայաստանի Հանրապետութեան Արտակարգ եւ Լիազօր Դեսպան՝ պրն. Արտաշէս Թումանեանին։
Չորեքշաբթի, 18 դեկտեմբեր, 2019 թւականի կէսօրին, Թեմիս Առաջնորդ՝ գերշ. Տ. Սեպուհ Ս. Արք. Սարգսեանը առաջնորդարանի դահլիճում ընդունեց, Իրանում հաւատարմագրւած Պաղեստինի դեսպան՝ պրն. Սալահ Զավաղիին, որ տօնական տօների առիթով եկած էր իր եւ իր պետութեան տօնական բարեմաղթանքները փոխանցելու Սրբազան հօրը եւ Հայ համայնքին:
Չորեքշաբթի, 18 դեկտեմբեր, 2019 թւականի առաւօտեան, Թեմիս Առաջնորդ՝ գերշ. Տ. Սեպուհ Ս. Արք. Սարգսեանը առաջնորդարանի իր գրասենեակում ընդունեց, գաղութիս յարգարժան ազգայիններից, բարերար եւ Կիլիկեան Իշխան տիար՝ Լեւոն Ահարոնեանին, որին ընկերակցում էր պրն. Միր Ղասէմի Մոմէնին:
Այսու յայտնում ենք Թեհրանի թեմի մեր հաւատացեալ ժողովրդի զաւակներին, որ յառաջիկայ երեքշաբթի 24 դեկտեմբեր 2019-ին Սրբոյն Ստեփանոսի նախասարկաւագին եւ առաջին մարտիրոսին տօնն է: Այս տօնը մեր թեմում յայտարարւած է որպէս Սարկաւագաց եւ դպրաց դասերի օր:
Երկուշաբթի, 16 դեկտեմբեր, 2019 թւականի կէսօրին, Թեմիս Առաջնորդ՝ գերշ. Տ. Սեպուհ Ս. Արք. Սարգսեանը առաջնորդարանի իր գրասենեակում ընդունեց Հայաստանից ժամանած Հայաստանի Հայ Հոգեւոր Եղբայրակցութեան Աւագ երղբայր եւ քարոզիչ՝ պրն. Համլետ Զագարեանին, ընկերակցութեամբ իր դստեր՝ Աստղիկ Զագարեանի եւ Թեհրանի Հայաստանեայց Առաքելական Եկեղեցու հոգեւոր եղբայրակցութեան վարչութեան ատենապետ՝ պրն. Վալոդ Հախինեանի եւ վարչութեան անդամ՝ Սիլւա Գրիգորեանի:
Երկուշաբթի, 16 դեկտեմբեր, 2019 թւականի առաւօտեան, Թեմիս Առաջնորդ՝ գերշ. Տ. Սեպուհ Ս. Արք. Սարգսեանը առաջնորդարանի իր գրասենեակում ընդունեց, Իրանում հաւատարմագրւած Հունաստանի Լիզօր եւ Արտակարգ դեսպան՝ պրն. Դիմիրտի Ալէքսանդրագիսին:
Ասիայի Եկեղեցիների Խորհրդի կազմակերպութեամբ, թւականիս նոյեմբեր ամսի 19-ից 26, տեղի ունեցաւ Ասիայի Համաշխահրային Եկեղեցիների Կանանց Համագումարը, Թայվանի Շինչու քաղաքում։ Սոյն համագումարին մասնակցեցին աւելի քան 250 կանայք, ովքեր ներկայացնում էին շուրջ 48 երկրներ եւ համայնքներ։ Այս շարքում էր նաեւ Իրանի Հայոց Առաքելական եկեղեցին, որը ներկայացրեց օրդ. Արինէ Մինասեանը։
2019-ի դեկտեմբերի 12-ը պատմական եւ որպէս յիշարժան մի օր սեպւեց, արդի ժամանակների Հայոց Ցեղասպանութեան Ամերիկայի ներկայացուցիչների տան եւ Սենատի կողմից ճանաչել տալու գործընթացում։ Աւելի քան կէսդարեայ անընդմէջ ու առանց յուսահատութեան տարւող պայքարը ի վերջոյ պիտի յանգէր հինգշաբթի, դեկտեմբերի 12-ի արդար յաղթանակին, երբ ԱՄՆ-ի Սենատը միաձայնութեամբ հաստատեց Հայոց Ցեղասպանութիւնը դատապարտող սենատորներ Ռաբըրտ Մենենդէսի ներկայացրած թիւ 150 բանաձեւը։ Ի վերջոյ պատմական ճշմարտութիւնը յաղթանակեց։
Կիրակի 2019 թ. դեկտեմբերի 1-ի երեկոյեան Թ.Հ.Թ. Թեմական խորհուրդը հանդիպեց Հ. Մ. Մ. «Րաֆֆի» Համալիրի նորընտիր վարչութեան անձնակազմի հետ: Հանդիպմանը ներկայ էին Թեմական խորհրդի ատենապետ՝ պրն. Նորայր Արամեանը, փոխ ատենապետ՝ պրն. Արա Շահվերդեանը, առաջին ատենադպիր՝ Վահէ Թարոյեանը եւ նոյն խորհրդի անդամներ՝ Հայկազ Շիրւանեանը, Ռաֆիկ Մելիքսէթեանը եւ Աշոտ Սինանին: