Մեր եկեղեցու տօնացոյցի համաձայն թւականիս հինգշաբթի մայիսի 25-ը մեր Տիրոջ Յիսուս Քրիստոսի երկինք Համբարձման տօնն է:
Համբարձումը քրիստոնէական կրօնը իմաստաւորող եւ արժեւորող կարեւորագոյն տօներից մէկնն է, ընդ որում պարփակւում են յաւիտենական կեանքի գերագոյն եւ անխորտակելի յոյսը, Քրիստոսի երկրորդ գալստեան երաշխիքն ու մարմինների յարութեան ու երկնքի արքայութիւն մուտք գործելու բացարձակ ճշմարտութիւնը եւ Քրիստոսի իր հաւատացեալներին տւած լիարժէք խոստումների մեկնարկը:
Հինգշաբթի թւականիս մայիսի 26-ին, Թեմական խորհրդի ատենապետ ճրտպ. Նորայր Արամեանը հանդիպում ունեցաւ Իրանահայ ռեժիսոր Անահիտ Աբադի հետ:
Չորեքշաբթի թւականիս մայիսի 25-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Կրթական խորհրդի ատենապետ Ալֆրէդ Կարապետեանի, հրաւէրով՝ Իրանի Իսլ. Խորհրդարանում Թեհրանի եւ Հիւսիսային Իրանահայութեան պատգամաւոր Արա Շահվերդեանի, հանդիպում ունեցան Պատգամաւորի գրասենեակում:
Երկուշաբթի թւականիս մայիսի 23-ին, Թեմական խորհրդի ատենապետ ճրտպ. Նորայր Արամեանը, Հ.Մ. «Սիփան» միութեան յարկի ներքոյ հանդիպում ունեցաւ Ապրիլ 24-ի 107-րդ տարելիցի ոգեկոչման եւ Հայաստանի Առաջին Հանրապետութեան 104-ամեակի տօնակատարութեան Կենտրոնական յանձնախմբի հետ:
Դժբախտաբար, վերջին օրերի ընթացքին վկան եղանք Իրանի թշնամիների կողմից Իրանի եւ իրանցու խաղաղութիւնը, անվտանգութիւնն ու երկրի կարգը խանգարող ոճրագործութեան, որի ընթացքին նահատակւեց Իրանի նախանձախնդիր որդիներից մէկը՝ գնդապետ Սայեադ Խոդային:
Այսու անձնապէս եւ Յանուն Հայոց Ազգային Առաջնորդարանի, նրա ենթակայ կառոյցների եւ հայ համայնքիս, խստիւ դատապարտելով նմանատիպ ոճրագործական արարքները, ցաւակցում եւ մեր զօրակցութիւնն ենք յայտնում՝ Իրանի յեղ. հոգեւոր Առաջնորդ Այաթ. Խամէնէին, Ի.Հ Նախագահին, Իրանի յարգարժան ժողովրդին ու նահատակի ընտանիքին:
Յատկանշական է, որ միշտ դատապարտելի են Իրանի եւ իրանցու խաղաղութիւնն ու անվտանգութիւնը խաթարող իւրաքանչիւր ոճրագործութիւն:
Այս առիթով կաղօթենք առ Աստւած, որ Նահատակի հոգին խաղաղութեամբ հանգչի եւ իր ընտանիքին մխիթարութիւն պարգեւի:
ԱՂՕԹԱՐԱՐ՝
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
Թեհրանի «Սաադ Աբադ» թանգարանային համալիրի տարազների բաժնում մեկնարկել է հայկական աւելի քան 25 պատմական տարազների ցուցահանդէսը, որոնք ներկայացնում են թէ՛ պատմական Հայաստանի կանանց, եւ թէ՛ իրանահայ կանանց ժամանակի տարազները:
Այսու յայտնում ենք մեր հաւատացեալ ժողովրդի սիրելի զաւակներին, որ յառաջիկայ հինգշաբթի 26 Մայիս 2022-ին Տեառն մերոյ Յիսուսի Քրիստոսի Համբարձման տօնի առիթով Թեհրանի հետեւեալ եկեղեցիներում մատուցւելու է հանդիսաւոր Ս. եւ անմահ պատարագ:
- Ս. Սարգիս եկեղեցի
- Ս. Աստւածածին եկեղեցի
- Ս. Գրիգոր Լուսաւորիչ եկեղեցի
- Սրբ. Թարգմանչաց եկեղեցի
- Սրբ. Վարդանանց եկեղեցի
Հրաւիրում ենք մեր ժողովրդի զաւակներին ներկայ լինելու Ս. պատարագին եւ հաղորդւելու մեր Տիրոջ Յիսուս Քրիստոսի Համբարձման խորհուրդով:
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ
Այսու յայտնում ենք Թեհրանի թեմի մեր սիրելի ժողովրդի զաւակներին, որ 29 Մայիս 2022-ի առաւօտեան Թեհրանի մեր բոլոր եկեղեցիներում յընթացս Ս. Պատարագի, տեղի է ունենալու հանրապետական մաղթանք եւ դրօշի օրհնութիւն Հայաստանի Առաջին Հանրապետութեան հիմնադրութեան 104-րդ տարեդարձի առիթով:
Իսկ յաւարտ Ս. Պատարագին էլ կը կատարւի հոգեհանգստեան յատուկ արարողութիւն Ղարաքիլիսէի, Բաշաբարանի, Սարդարապատի եւ այլ վայրերում տեղի ունեցող ճակատամարտերում զոհւած նահատակների հոգու խաղաղութեան համար։
Ս. Սարգիս առաջնորդանիստ մայր եկեղեցում կրօնական արարողութեանց նախագահելու եւ յաւուր պատշաճի քարոզելու է թեմիս առաջնորդ Գերշ. Տ. Սեպուհ Ս. Արք. Սարգսեանը։
Հրաւիրում ենք մեր ժողովրդի զաւակներին ներկայ լինելու կրօնական արարողութեանց եւ հաղորդւելու հայրենիքի ազատութեան համար նահատակւած հայորդիների նահատակութեան խորհուրդով։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ
Տարիներ ի վեր Ուսանողների գնահատման ծրագիրն իրականացւում էր Թեհրանի Հայոց Թեմի Առաջնորդի բարձր հովանավորութեամբ՝ Թ.Հ.Թ. Թեմական խորհրդի կողմից, սակայն վերջին տարիներին այս գեղեցիկ աւանդոյթի իրականացումը յանձնարարւել է Թ.Հ.Թ. Կրթական խորհրդին, որն էլ իրականացնում է այն մեծ պատասխանատւութեամբ:
Ուրբաթ թւականիս մայիսի 6-ին, Հ.Մ. «Սիփան» միութեան «Նորայր Էլսայեան» դահլիճում Թ.Հ.Թ. Կրթական խորհրդի նախաձեռնութեամբ, Հայ մշակութային «Սիփան» եւ Հայ համալսարանականների ընդհանուր միութիւնների համագործակցութեամբ կազմակերպւեց եւ իրականացւեց մի ձեռնարկ, որտեղ գնահատւեցին անցեալ ուսումնական երկու տարեշրջաններում համալսարաններ ընդունւած աշակերտները:
Երկուշաբթի ապիլի 18-ին, մեռելոցի օրը Սուրբ եւ Անմահ Պատարագ Մատուցւեց Նոր Բուրաստանի Ս. Ստեփանոս մատուռում նախագահութեամբ Թեմակալ Առաջնորդ Գերշ. Տ. Սեպուհ Արք. Սարգսեանի ու ձեռամբ Արժ. Տ. Սահակ քհնյ. Խոսրովեանի, իսկ Դուլաբի գերեզմանատան Ս. Յովհաննէս Մկրտիչ Մատուռում նախագահութեամբ Գերշ. Տ.Մակար Ս. Եպս. Աշգարեանի եւ ձեռամբ Արժ. Տ. Յակոբ քհնյ. Քեշիշեանի:
Պատարագի աւարտին տեղի ունեցաւ հոգեհանգստեան յատուկ արարողութիւն հայ ազգի բոլոր հին ու նոր ննջեցեալների, ինչպէս նաեւ արցախեան եռեակ պատերազմների նահատակների հոգիների խաղաղութեան համար։