Հինգշաբթի 25 Փետրւար 2021-ի կազմակերպութեամբ Թեհրանի համալսարանի Աստւածաբանութեան ֆակուլտէտի եւ Ամերիկայի Ղուկաս 10 (Luke 10) քրիստոնէական կազմակերպութեան կէսօրեայ առ ցանց մի համաժողով տեղի ունեցաւ «Բարեկամութեան Աստւածաբանութիւն եւ երկխօսութիւնը Աբրահամեան կրօնների միջեւ» (Theology of friendship and dialogue in Abrahamic Religions) թեմայով։
Սիրելի հայրենակիցներ,
Կորոնավիրուսի պատճառով երկրում առաջացած իրավիճակը ցայսօր հնարաւոր չի դարձրել, որպէսզի ՊԺ-ի պատգամաւորները հանդիպում ունենան հանրութեան հետ: Միւս կողմից՝ երբ արդէն լրացել է ՊԺ-ի 16-րդ շրջանի գործունէութեան 4-րդ տարին, մեր պարտքն ենք համարում սոյն հաղորդագրութեամբ մեր սիրելի հայրենակիցներին իրազեկել ազգային կեանքի մի շարք կարեւոր հարցերի, որոնք անցեալ 4 տարիների ընթացքում եղել են եւ մնում են մեր հիմնական խնդիրները, եւ անհրաժեշտ է մի շարք պարզաբանումներ կատարել թէ՛ ներկայ, եւ թէ՛ ապագայ գոծունէութեան ի խնդիր:
Կիրակի փետրւարի 21-ին, թեմիս առաջնորդ Տ. Սեպուհ Ս. արք. Սարգսեանի հովանաւորութեամբ Ազգային առաջնորդարանի դահլիճում տեղի ունեցաւ Թ.Հ.Թ. Կրթական խորհրդի ատենապետ՝ Ալֆրէդ Կարապետեանի, նոյն խորհրդի փոխատենապետ՝ Կարինէ Բալըքչեանի եւ Կրօնի ուսուցիչների հանդիպումը, որին մասնակցում էին նաեւ Քրիստոնէական Դաստիարակութեան Բաժանմունքի պատասխանատու՝ Շաքէ Եղիայեանը եւ Քրիստոնէական Դաստիարակութեան յանձնախմբի ատենապետ՝ Անի Մանուկեանը:
Մի պահ մտածել, որ Սասուն քաղաքամաս ես գնում եւ այնտեղ պիտի չգտնես այդ քաղաքամասի շունչն ու ոգին հանդիսացողը, քաղաքամասի բնակիչների՝ մեծի ու փոքրի բարեկամը, միութիւնների, դպրոցների եւ ընտանիքների սրտցաւ հայորդին՝ Խեչում Խեչումեանը, որ իր կեանքի մեծագոյն բաժինը նոյնացուցած էր Սասուն քաղաքամասի կեանքի հետ, խոր ցաւ ու ափսոսանք ես ապրում։
Սիրելի հայ ուսանող-ուսանողուհիներ եւ երիտասարդ-երիտասարդուհիներ՝
Ուրախութեամբ տեղեկացնում ենք, Թեհրանի հայոց թեմի բարեխնամ առաջնորդ Գերշ. Տ. Սեպուհ Ս. արք. Սարգսեանի հրամանով, Whatsapp հասարակական սոցցանցում, բացւել է ազգային առաջնորդարանի Հանրային կապի հոգեւոր հարցերի վերահասու broadcast-ը, որի միջոցով հայ ուսանողները՝ համալսարանական եւ հասարակական կեանքում իրենց յուզող խնդիրները կը կարողանան անհատապէս ներկայացնել հոգեւոր պատասխանատուին, որի միջոցով կը ստանան իրենց պատասխանները:
Նկատի ունենալով այժմէական մարտահրաւէրները եւ համայնքիս հայկական դպրոցների աշակերտութեան թւային պատկերը, այսօր առաւել քան երբեւէ անհրաժեշտ է դառնում դպրոցների վերադասաւորման եւ օպտիմալ օգտագործման համար ծրագրեր մշակելու եւ իրագործելու հրամայականը:
Առ այդ երկուշաբթի՝ թւականիս փետրւարի 22-ին, Թեմական խորհրդի ատենապետ՝ ճրտպ. Նորայր Արամեանը եւ նոյն խորհրդի անդամ եւ Կրթական խորհրդի հետ կապ՝ պրն. Աշոտ Սինանին խորհրդակցական հանդիպում ունեցան Կրթական խորհրդի ատենապետ՝ Ալֆրէդ Կարապետեանի եւ միւս անդամների, «Արաքս» դպրոցի տեսչուհու նաեւ «Թունեան» տարր. եւ «Նայիրի» տարր. դպրոցների փոխտեսչուհիների հետ:
Կիրակի՝ թւականիս փետրւարի 21-ին Թ.Հ.Թ. Թեմական խորհրդի հերթական նիստին էին հրաւիրւել Թեհրանի «Ազատ» Համալսրանի Հայոց լեզւի եւ գրականութեան ամբիոնի տնօրէն՝ դոկտ. Անդրանիկ Սիմոնեանը եւ ամբիոնի հովանաւոր հիմնադրամի ատենապետ՝ տկն. Իռեն Աբնուսեանը:
Հիւրերին ազգային առաջնորդարանի դահլիճում դիմաւորեցին, Թեմական խորհրդի ատենապետ՝ ճրտպ. Նորայր Արամեանը եւ խորհրդի միւս անդամները: Ի հետեւումն ամբիոնի հովանաւոր հիմնադրամի կողմից ներկայացւած դիմումին, հանդիպման ընթացքին տեղի ունեցաւ խորհրդակցութիւն վերոյիշեալ ամբիոնին մասնակցող ուսանողներին նիւթական օժանդակութեան եղանակների վերաբերեալ: Խօսւեց նաեւ համալսարանի ընթացիկ հարցերի, մտահոգութիւնների, հայ երտասարդութեանը ուսուցման մէջ ներառելու կարեւորութեան եւ դասւանդման եղանակների բարելաւման կապակցութեամբ:
Կիրակի՝ թւականիս փետրւարի 21-ին Թ.Հ.Թ. Թեմական խորհրդի անդամ եւ ազգային գերեզմանատների հետ կապ՝ պրն. Ռաֆիկ Մելիք սէթեանը հանդիպեց ԻԻ հանրապետութիւնում Լեհաստանի դեսպանատան առաջին խորհրդատու՝ Վոյչէխ Օնոլթին եւ երկրորդ քարտուղար եւ քաղաքական խնդիրների պատասխանատու՝ Քամիլ Վիժբինիսքիի եւ մշակոյթի տարածման եւ մամուլի գործով օգնական՝ Թարանէ Քաբոլիի հետ:
Կիրակի, թւականիս փետրւարի 21-ին, ի հետեւումն՝ Մեծի Տանն Կիլիկիոյ Կաթողիկոս Ն. Ս. Օ. Տ. Տ. Արամ Ա. վեհափառ հայրապետի թելադրութեան Թեհրանի բոլոր եկեղեցիներում յաւարտ ս. եւ անմահ պատարագի կատարւեց հոգեհանգստեան արարողութիւն՝ Հոգելոյս Տ. Մեղրիկ Եպս. Բարիքեանի մահւան քառասունօրեակի առիթով:
Հոգեհանգստան արարողութիւն եւս կատարւեց Արցախեան գոյամարտի ընթացքին յաւերժի հերոս դարձած իրանահայ հայրեիքի պաշտպան՝ Աւետիս Պուլուզեանի հոգւոյ հանգստեան համար։
Սուրբ Սարգիս Մայր եկեղեցում, կրօնական արարողութիւնը նախագահում էր Թեմիս Բարեխնամ Առաջնորդ Գերշ․ Տ․ Սեպուհ Ս․ Արք․ Սարգսեանը։ Պատարագիչն էր Արժ․ Տ․ Սահակ Քհնյ․ Խոսրովեանը։
Կիրակի, թւականիս փետրւարի 21-ին ի հետեւումն՝ Մեծի Տանն Կիլիկիոյ Կաթողիկոս Ն. Ս. Օ. Տ. Տ. Արամ Ա. վեհափառ հայրապետի թելադրութեան Թեհրանի բոլոր եկեղեցիներում, յաւարտ ս. եւ անմահ պատարագի կատարւելու է հոգեհանգստեան արարողութիւն՝
Հոգելոյս Տ. ՄԵՂՐԻԿ ԵՊՍ. ԲԱՐԻՔԵԱՆ-Ի
մահւան քառասունօրեակի առիթով: