Շաբաթ թւականիս մարտի 12-ին, Ազգայի Առաջնորդարանի դահլիճում, նախագահութեամբ թեմիս Առաջնորդ գերշ. Տ. Սեպուհ Ս. Արք. Սարգսեանի եւ ներկայութեամբ Թեմական խորհրդի անդամ եւ «Ա.Մանուկեան» թանգարանի հետ կապ՝ Ռաֆիկ Մելիքսէթեանի գնահատւեցին Իրանցի երեք գիւտարարներ՝ Մահմուդ Ռեզա Գորջին, Սալար Բասիրին եւ Մարջան Հաջի Ռահիմին, որոնց միջոցով նախագծւած եւ պատրաստւած՝ Թանգարանը խելացի դարձնելու սարքի գիւտը, 2021 թւականի դեկտեմբերի 12-ին, որպէս փորձարկման առաջին կենտրոն տեղադւեց «Ա.Մանուկեան» Ազգային թանգարանում:
Երեքշաբթի թւականիս մարտի 8-ին, Թեմական խորհրդի ատենապետ ճրտպ. Նորայր Արամեանը ընկերակցութեամբ Խորհրդի ատենադպիր եւ Բուժարանի հետ կապ՝ Լինդա Ղարախանեանի, ներկայ եղան «Ա.Աւետիսեան» բուժարանի Խնամակալ մարմնի հերթական նիստին:
Այսու մեր սիրելի համայնքին տեղեկացնում ենք, որ Թեմական Խորհրդի կողմից կեանքի է կոչւել 2022 թւականի Ապրիլ 24-ի 107-ամեակի ոգեկոչման եւ Հայաստանի Առաջին Հանրապետութեան 104-ամեակի տօնակատարութեան Կենտրոնական յանձնախումբը:
Յանձնախմբի Անդրանիկ նիստը գումարւեց երեքշաբթի թւականիս մարտի 8-ին Ազգային Առաջնորդարանի դահլիճում, նախագահութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի եւ ներկայութեամբ Թեմական խորհրդի ատենապետ ճրտպ. Նորայր Արամեանի, որի ընթացքում յանձնախմբի դիւանն ընտրւեց ըստ հետեւեալի՝
Ալֆրէդ Քեշիշեան Ատենապետ
Արա Գալստեան Փոխատենապետ
Սինթիա Ռեհանեան Ատենադպիր
Ժորժիկ Խուդավերդեան Նիւթականի պատասխանատու
Մհեր Ամրանեան
Արթուր Թարվերդեան
Սարինէ Թորոսեան
Վանէ Մակարեան
Թալին Մեհրաբեան
Արմոնդ Մովսիսեան
Հարմիկ Նաւասարդեան
Մելինդա Քարիմ Մասիհի
Թ.Հ.Թ. Թեմական Խորհրդի կապ՝ Մհեր Օհանեան
Թ.Հ.Թ. ԹԵՄԱԿԱՆ ԽՈՐՀՈՒՐԴ
10 ՄԱՐՏ 2022թ.
Երկուշաբթի թւականիս մարտի 7-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում հիւրընկալեց Ի.Ի. Հանրապետութիւնում հաւատարմագրւած Հայաստանի Հանրապետութեան Արտակարգ եւ Լիազօր Դեսպան պրն. Արսէն Աւագեանին:
Չորեքշաբթի թւականիս մարտի 2-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Իրանում հաւատարմագրւած Էսթոնիոյ հանրապետութեան պատւոյ հիւպատոս տիար՝ Արմէն Մութաֆեանին եւ իր եղբօր՝ պրն. Ալբերտ Մութաֆեանին, ովքեր եկել էին յայտնելու, որ սիրով կստանձնեն Առաջնորդ Սրբազան Հօր Քահանայական ձեռնադրութեան 50-ամեակին եւ Թեհրանի Թեմի Առաջնորդութեան 20-ամեակին նւիրւած գրքի հրատարակութեան մեկենասութիւնը:
Կիրակի թւականիս մարտի 6-ի առաւօտեան, Թեմական խորհրդի ատենապետ ճրտպ. Նորայր Արամեանը ընկերակցութեամբ նոյն խորհրդի անդամ եւ եկեղեցական խորհուրդների կապ՝ Հայկազ Շիրւանեանի, Ս. Աստւածածին եկեղեցի կատարած այցելութեան ընթացքում հանդիպում ունեցան Եկեղեցական խորհրդի հետ: Հանդիպմանը ներկայ էր նաեւ Ս. Աստւածածին եկեղեցու հոգեւոր հովիւ Արժ. Տ. Յակոբ քհնյ. Քեշիշեանը:
Մարտ ամսւայ առաջին շաբաթը հետաքրքրականօրէն առնչւած է կանանց հետ, այսպէս Մարտ ամսւայ առաջին ուրբաթ օրը նւիրւած է կանանց միջազգային աղօթքի օրւան, երբ կանայք առանց դասակարգի խտրութեան իրենց հաստատութիւնների, եկեղեցիների մէջ հաւաքւում եւ աղօթում են ընտանիքի, ընկերութեան, եկեղեցու եւ աշխարհի խաղաղութեան համար։ Ինչպիսի ազնիւ եւ դաստիարակիչ երեւոյթ։
Երկրորդ Մարտ 8-ն նւիրւած է կանանց եւ որպէս կանանց միջազգային օր այդ օրը աշխարհում ուշադրութեան կենտրոնական առանցքը կազմում են կանայք։ Այդ օրը նրանք շնորհաւորութիւններ են ընդունում, ստանում նւէրներ, իսկ կրօնական կամ եկեղեցական կազմակերպութիւններն էլ յատուկ աղօթքի պահեր են ստեղծում եւ աղօթքով իրարմով զօրանում։
ՇՆՈՐՀԱՒՈՐԱՆՔ ԵՒ ՕՐՀՆՈՒԹԻՒՆ
Իրանահայ հանրայայտ գործարար՝
ՍՄԲԱՏ ՅԱԿՈԲԵԱՆԻՆ
Թեհրանի Առեւտրի պալատի կողմից որպէս լաւագոյն ձեռնարկատէր՝
«ԱՄԻՆ ՕԼ ԶԱՐԲ»
շքանշանով եւ գնահատագրով պարգեւատրւելու կապակցութեամբ։
Օրհնութիւն, քաջառողջութիւն, արեւշատութիւն եւ նորանոր յաջողութիւններ ազնւասիրտ Պրն. Սմբատ Յակոբեանին։
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ
Չորեքշաբթի թւականիս մարտ 2-ի երեկոյեան ազգային առաջնորդարանի դահլիճում Թեհրանի հայոց թեմի առաջնորդ Տ. Սեպուհ արք. Սարգսեանը, ընդունեց՝ պաշտօնական այցով Թեհրան ժամանած Եկեղեցիների համաշխարհային խորհրդի WCC-ի գլխաւոր քարտուղար Իան Սայոքային եւ ընկերակցող պատւիրակութեանը:
Ամէն տարի, Բուն Բարեկենդանին նախորդող հինգշաբթի օրը, Հայոց եկեղեցին եւ ժողովուրդը ոգեկոչում են յիշատակը «Սուրբ Վարդանանց» Զօրավարների: «Վարդանանք» ասելով հասկանում ենք այն 1036 սուրբ նահատակները, որոնք հայոց Զօրավար՝ Վարդան Մամիկոնեանի գլխաւորութեամբ 451 թւականին Աւարայրի դաշտում իրենց կեանքը ընծայաբերեցին հայրենիքի ու հաւատքի պաշտպանութեան զոհասեղանին։