«Մտէ՛ք նեղ դռնով, քանի որ կորստեան տանող դուռը լայն է եւ ճանապարհը ընդարձակ, եւ շատ են նրանք, ովքեր մտնում են դրանով։ Մինչդեռ դէպի կեանք տանող դուռը նեղ է, եւ ճանապարհը՝ դժւարին եւ քչերն են միայն որ գտնում են այն։»
Մտ.7.13-14
Աւետարանը անփոխարինելի սրբազան այն մատեանն է, որի իւրաքանչիւր էջը, իր բովանդակութեամբ, մեր առաջ բաց է անում յաւիտենական, անանցանելի ճշմարտութիւն, որի վրայ պատւանդւած մարդ արարածը, ժողովուրդներ դառնում են յաւերժի ժառանգորդ։ Աւետարանը խաւարի մէջ քայլող մարդու ճանապարհը լուսաւորող անմար ճրագ է, լուսաշող ճառագայթ է, որ ջերմացնում ու լուսաւորում է ցրտահար ու մոլորեալ մարդ արարածը, որի փրկութեան համար ի լրումն ժամանակին, երկինքը պատռւեց եւ անիմանալի Լոյսով ներթափանցւեց ողջ աշխարհը։ Հայ Եկեղեցու երախտարժան վարդապետներից՝ Սարգիս Շնորհալին գրում է.- «Ինչպէս որ ջուրն է պտղաւէտ ու տերեւաշատ դարձնում ծառը, նմանապէս աստւածային գործերի ընթերցումն է աստւածասէրների միտքն ու հոգին աճեցնում եւ զարդարում առաքելութեան պտուղներով»։
Երեքշաբթի, 20 ապրիլ 2021 թւականին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց Իրանի Իսլամական Հանրապետութիւնում հաւատարմագրւած Ռուսիոյ Դաշնութեան Արտակարգ և Լիազօր դեսպան՝ մեծարգոյ պրն. Լեւոն Ջաղարեանին, որը եկած էր տօնական օրերի առիթով Առաջնորդ Սրբազանին շնորհաւորելու:
Պատմութիւնը չի մոռանում ոչինչ, թէ՛ արդարութիւնը եւ թէ՛ անարդարութիւնը...Մարդկանց հոգիներում չի ուրանում ճշմարտութիւնը:
Պատմական յիշողութիւնը վերածւում է վճռականութեան...Որի գոյութիւնը դառնում է մեր էութեան մի մասը եւ մղում է մեզ իրագործելու նպատակները:
Նկատի ունենալով երկրում տիրող համաճարակի հետ կապւած սահմանափակումները Հայոց Ցեղասպանութեան 106-ամեակի ոգեկոչման արարողութիւնը եւ ծաղկեմատոյցը տեղի է ունենալու Ապրիլի 24-ի առաւօտեան ժամը 11-ին, Ս. Սարգիս եկեկեցում, որտեղ միայն ներկայ են լինելու սահմանափակ թւով՝ ազգային կառոյցների եւ միութիւնների մէկական ներկայացուցիչները:
Այսու յայտնում ենք մեր հաւատացեալ ժողովրդի զաւակներին, որ նկատի ունենալով քորոնա համաճարակի վտանգաւոր երեւոյթը եւ մեկնելով մեր ժողովրդի առողջապահական տւեալներից ու նաեւ նկատի ունենալով պետութեան սահմանափակումները Հայոց ցեղասպանութեան 106-րդ տարելիցի առիթով, յիշատակի ոգեկոչումը սահմանափակւելու է շաբաթ 24 ապրիլ 2021-ի առաւօտեան ժամը 11-ին տեղի ունենալիք բարեխօսական-փառաբանական աղօթքով, Ս. Սարգիս եկեղեցու կից գտնւող Ապրիլեան Յուշարձանի առջեւ։
Շաբաթ, 17 ապրիլ 2021 թւականի կէսօրին, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Ապրիլ 24-ի Կենտրոնական յանձնախմբի ատենապետ՝ Ալեքս Կարապետեանին եւ Թ.Հ.Թ. Թեմական խորհրդի կապ Հարմիկ Աւետեանին:
Ուրբաթ՝ թւականիս ապրիլի 16-ին Ս. Սարգիս մայր եկեղեցու շրջափակում տեղակայւած Հայոց Ցեղասպանութեան նահատակների յուշարձանին կից ամրացւեց Հայոց Ցեղասպանութեան 106-ամեակի պաստառը, որի կենտրոնում պատկերւած է Շուշիի ռմբակոծւած Սուրբ Ամենափրկիչ Ղազանչեցոց մայր եկեղեցու պատկերը: Պաստառը իր ամբողջութեամբ ներկայացնում է ցայսօր նոյնը մնացած թուրքի անփոփոխ ձեռագիրը։
Թեհրանի եւ հիւսիսային իրանահայութեան պատգամաւոր՝ պրն. Արա Շահվերդեանը երեքշաբթի թւականիս ապրիլի 13-ին անակնկալ կերպով այցելեց Ա. Աւետիսեան ազգային բուժարան: Հանդիպման ընթացքում Պատգամաւորը մօտից ծանօթացաւ բուժարանի առկայ հարցերին ու խնդիրներն: Պրն. Շահվերդեանը ողջունելով ու յատուկ գնահատանքի արժանացնելով, բուժաշխատողների համաճարակի ժամանակաշրջանում կրած աշխատանքները՝ կարեւորեց համայնքի եւ բոլոր քաղաքացիների կողմից հակահամավարակային օրէնքների գործադրումը:
Նկատի ունենալով երկրում տիրող համաճարակային ահաւոր իրավիճակը եւ կորոնավիրուսից վարակւածների ու մահւան աճի արձանագրումը, Թեմիս հաւատացեալ եւ բարեպաշտ զաւակների ուշադրութեանն ենք յանձնում, ցնոր տնօրինում միայն Թեհրանի երեք եկեղեցիներում (Ս. Սարգիս, Ս. Թարգմանչաց եւ Ս. Գրիգոր լուսաւորիչ) մատուցւելիք Ս. եւ անմահ Պատարագները կանցկացւեն դռնփակ՝ առանց հաւատացեալների մասնակցութեան։
Թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը Ռամազանի ծոմապահութեան առիթով շնորհաւորական նամակներ է յղել՝ Իրանի Իսլ. Յեղափոխութեան առաջնորդ Այաթօլլահ Խամենէիին, Իրանի Իսլ. Հ. նախագահ դոկտ. Ռոհանիին, Ի. Իս. Հ. Խորհրդարանի նախագահ դոկտ. Ղալիբաֆին եւ Դատական ուժի ատենապետ Այաթօլլահ Ռաիսիին եւ նախարարներին ու վարչակարգի այլ պաշտօնեաներին:
Իրանի Իսլամական Հանրապետութիւնը մի երկիր է, որի սահմաններում՝ գտնւում են հարիւրաւոր պատմական հայկական եկեղեցիներ, որոնցից մի քանիսը վերակառուցւելով եւ յատուկ խնամքով, Մշակութային ժառանգութեան կազմակերպութեան կողմից` դառել են պատմամշակութային փայլուն գոհարներ։ Այդ սուրբ վայրերից մէկը, Ս. Թադէոս առաքեալի շիրիմի վրայ խոյացած Ս. Թադէի վանքն է: Այդ իսկ առիթով Իրանի փոստի ազգային ընկերութեան կողմից իրանական 1399 թւականին թողարկւեց վանքին նւիրւած մի նամականիշ: