Հայոց ազգային «Արաքս» դպրոցից տեղեկացել ենք, որ երկուշաբթի՝ կէս գիշերը անց դպրոցում հրդեհ է բռնկւել:
Փետրւարի 16-ին, Ժամը 00:35-ին ակտիւացել է դպրոցի հրդեհային ազդանշանի համակարգը եւ միաժամանակ հեռախօսային ազդանշանով տեղեկացւել է դպրոցի տեսչուհի Անի Մանուկեանը: Տեսչուհին դպրոցի պահակի հետ կապ հաստատելով տեղեկացել է իրավիճակի մասին եւ ժամը 00:38-ին հրշէջ կայանին կանչ է գրանցել: Նա անմիջապէս տեղեկացրել է նաեւ դպրոցի ծնողական խորհրդի նախագահ՝ Վիգէն Մակարեանին, ով իր հերթին տեղեկացրել է ծնողական խորհրդի անդամ՝ Արմոնդ Միրզախանեանին:
Դէպքից րոպէներ անց դպրոց են հասել հրշէջները, տեսչուհին եւ ծնողականա խորհրդի անդամները եւ վերահսկւել է իրավիճակը:
Այս տարի եւս Թեհրանի բոլոր եկեղեցիներում սկսւեց մեծ պահքի շրջանի «Հսկում»-ի եւ «Արեւագալ»-ի արարողութիւնները:
Երկուշաբթիից ուրբաթ օրերի ժամանակահատւածում երեկոյեան ժամը 5-ին, տեղի կունենայ խաղաղական ժամերգութիւն։
Չորեքշաբթի եւ ուրբաթ օրերին առաւօտեան ժամը 9-ին կը կատարւի Արեւագալի արարողութիւն եւ երեկոյեան խաղաղական ժամերգոթեանը կյաջորդի հանգստան ժամերգութեանը։
Ուստի հակիրճ տեղեկութիւն կը փոխանցենք Արեւագլի ժամերգութեան մասին։
Երեքշաբթի, փետրւարի 9-ին, ԻԻՀ խորհրդարանի Թեհրանի եւ Հիւսիսային Իրանահայութեան պատգամաւոր՝ պրն. Արա Շահվերդեանի այցը, հայոց ազգային «Թունեան» տարր. «Թունեան-Թովմասեան» դպրոցներ: Կրթական խորհրդի ատենապետի և անդամների ուղեկցութեամբ պատգամաւորը այցելել է գրեթէ բոլոր հայկական դպրոցները և մանկապարտէզները, մտերմիկ զրոյցների արդիւնքում հնարաւորութիւն է ունեցել աւելի մօտիկից ծանօթանալու առկայ խնդիրներին ու հարցերին:
Թւականիս փետրւարի 4-ին «Արտակ Մանուկեան» թանգարանի տնօրինութիւնը հիւրընկալեց Իրանի Իսլամական Հանրապետութիւնում Հայաստանի Հանրապետութեան Արտակարգ եւ Լիազօր Դեսպան՝ պրն. Արտաշէս Թումանեանին եւ դեսպանատան աշխատակազմին: Պրն. Դեսպանը թանգարան էր այցելեց մօտիկից դիտելու Արւեստագէտ՝ Արսէն Յակոբանի երկաթէ թափոններից պատրաստւած արւեստի նմուշները:
Կիրակի, 14 փետրւար 2021 թւականի կէսօրին, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Պատգամաւորական ժողովի ատենապետ՝ պրն. Ժոզէք Մեհրաբեանի։
Հանդիպումը առիթ եղաւ խօսելու պատգամաւորական ժողովի վերջերս գումարւած նիստին կապւած հարցերի, ինչպէս նաեւ մեր ազգային եկեղեցական կեանքը յուզող կրթական, առողջապահական եւ ընկերային հարցերի մասին։
Շաբաթ՝ թւականիս փետրւարի 13-ի երեկոյեան Թեհրանի բոլոր եկեղեցիներում ըստ եկեղեցական աւանդութեան կատարւեց Տեառնընդառաջի նախատօնակի արարողութիւնը։
Ս. Սարգիս Մայր եկեղեցում կրօնական արարողութեանը նախագահում էր Թեմիս Բարեխնամ Առաջնորդ` Գերշ. Տ. Սեպուհ Ս. Արք. Սարգսեանը։ Սրբազան Հայրը ակնարկելով քառասունօրեայ Տիրոջ տաճար ընծայման եւ Սիմէոն Ծերունու կողմից գգւելու պատմութեանը, ասաց որ եկեղեցու հայրերի տնօրինումով այսօր մեր զաւակները եւս ընծայւելով ստանում են Աստւածային օրհնութիւնը։ Սրբազան Հայրը գնահատելով իրենց նորածիններին եւ մանուկներին եկեղեցու օրւայ արարողութեանը մասնակից դարձնելու համար, յաւելեց որ նրանք իրենց մանուկներով հանդերձ եկել են Տիրոջն ընդառաջ Նրա օրհնութեանը արժանանալու համար։ Ապա հաստատելով այն իրողութեանը` որ շատ մայրեր երկրում տիրող համաճարակի բերումով չեն կարողացել մասնակից դարձնել իրենց մանուկները, ազգի հարստութիւնը համարւող բոլոր մանուկների համար հայցեց Աստծու օրհնութիւնը եւ շեշտեց նրանք են որ պիտի ժառանգեն իրենց պապերից կտակւած եկեղեցին եւ շնորհազարդւելով Աստծու կողմից, պահպանեն իրենց վստահւած հոգեւոր հարստութեանը։
Ամէն տարի, Բուն Բարեկենդանին նախորդող հինգշաբթի օրը, Հայ եկեղեցին եւ ժողովուրդը ոգեկոչում են յիշատակը "Սուրբ Վարդանանց" Զօրավարների: "Վարդանանք" ասելով հասկանում ենք այն 1036 սուրբ նահատակները, որոնք հայոց Զօրավար՝ Վարդան Մամիկոնեանի գլխաւորութեամբ 451 թւականին Աւարայրի դաշտում իրենց կեանքը ընծայաբերեցին հայրենիքի ու հաւատքի պաշտպանութեան զոհասեղանին։
Երեքշաբթի, թւականիս փետրւարի 9-ին, կէսօրից յետոյ, ժամը 4-ին, ԻԻ յեղափոխութեան 42-րդ տարեդարձի առիթով, Ազգային առաջնորդարանի եւ հանրապետութեան նախագահական հիմնարկի կրօնական եւ ազգային փոքրամասութիւների գրասենեակի համագործակցութեամբ եւ Նախագահութեամբ Թեմիս Բարեխնամ Առաջնորդ Գերշ․ Տ․ Սեպուհ Ս․ Արք․ Սարգսեանի տեղի ունեցաւ «Խաղաղական ժամերգութիւն եւ փառաբանական աղօթք»։
2021 թւականի փետրւարի 9-ին տօնն էր Ղեւոնդեանց քահանայից։ Հոգեւոր հայրեր, որ Աւարայրի մեծ ճակատամարտին 451 թւականին Ղեւոնդ երէցի նման արիացեալ ոգով զինավառեցին վասն հաւատքի եւ վասն հայրենեաց մարմնաւոր բանսարկոյի դէմ դուրս եկած զօրավաններին։
Թեհրանի շուրջ 47.000 քառակուսի մետր տարածութիւն ունեցող Բուրաստան (Դուլաբ) անւամբ գերեզմանատունն ունի վաղեմի պատմութիւն։ Այն գտնւում է Թեհրանի քաղաքապետարանի 14-րդ շրջանում, որտեղ ամփոփւած են Հայաստանի Առաջին Հանրապետութեան նախարարների, զինւորականների նաեւ համայնքիս ազգային հասարակական գործիչների եւ նշանաւոր դէմքերի աճիւնները։
Ըստ Դուլաբի գերեզմանատան գրանցամատեանի տւեալների, առաջին թաղումը կատարւել է 1817 թւականին (հանգուցեալ Եղիսաբէթ Առաքելեան), որը հիմք ընդունելով կարելի է համարել, որ Դուլաբի գերեզմանատունն ունի շուրջ 200 տարւայ պատմական անցեալ։ Սակայն այն ինչ ակնյայտ է, գերեզմանատնում առկայ են նաեւ չգրանցւած աւելի հին թւականներ կրող շիրմաքարեր։