Այսու յայտնում ենք  Թեհրանի Թեմի մեր սիրելի ժողովրդի զաւակներին, որ յառաջիկայ ուրբաթ եւ կիրակի 29 եւ 31 Յունւար 2016-ին Թեհրանի մեր բոլոր եկեղեցիներում յընթացս Սուրբ եւ անմահ պատարագի ընթերցւելու է Մեծի Տանն Կիլիկիոյ վեհափառ հայրապետ Ն.Ս.Օ.Տ.Տ. Արամ Ա. Կաթողիկոսի պատգամը, որով Նորին Սրբութիւնը 2016 տարին յայտարարում է «Ծառայութեան Տարի»։

Կոչ ենք անում մեր ժողովրդի զաւակներին վերոյիշեալ օրերին ներկայ գտնւելու Ս. պատարագին հաղորդւելու վեհափառ հայրապետի ծառայութեան կոչին ու պատգամին։

Ալիք - Իսլամական Յեղափոխութեան յաղթանակի տարեդարձի ծրագրերի նախապատրաստական աշխատանքների առիթով, երեքշաբթի յունւարի 19-ին, Ազգային Առաջնորդարանի դահլիճում կայացաւ հանդիպում հայ, ասորի, զարդաշտական եւ հրէա ներկայացուցիչների մասնակցութեամբ: Հանդիպումը նախաձեռնութիւնն էր՝ Իսլ. Մշակոյթի եւ Առաջնորդութեան Նախարարութեան Կրօնական Փոքրամասնութիւնների Գրասենեակի պատասխանատու Սաիդ Թաղաւիի: Ներկայ էին Թեհրան նահանգի Նահատակների հիմնարկի եւ Նահատակների հիմնարկի մշակութային գերատեսչութեան պատասխանատուներ՝ հոջ. Սադրին եւ պրն. Մոշիրին, Իսլամական մշակոյթի եւ առաջնորդութեան նախարարութեան կառոյցների գերատեսչութեան ներկայացուցիչ՝ տկն. Մոբարհանը, Թ.Հ.Թ. Թեմական խորհրդի փոխատենապետ Վարուժ Յովհաննիսեանը, Ազգային առաջնորդարանի վարիչ՝ Սերոժ Օհանեանը, Տ. Գրիգորիս քհն. Ներսիսեանը, Յարաբերական մարմնի ատենապետ Գասպար Ամիրխանեանը:

«ԱԼԻՔ» - Պաշտօնական այցով Իրան ժամանած Հայաստանի Հանրապետութեան տրանսպորտի եւ կապի նախարար՝ Գագիկ Բեգլարեանը, ընկերակցութեամբ Իրանում ՀՀ արտակարգ եւ լիազօր դեսպան Արտաշէս Թումանեանի եւ դեսպանութեան դիւանագիտական անձնակազմի, չորեքշաբթի՝ յունւարի 20-ին, այցելեցին ազգային առաջնորդարան:

«ԱԼԻՔ» - Երկխօսութիւնը գոյանում է այն ժամանակ, երբ կողմերը իրար չհասկանալու կողմն են բացայայտում: Այսօրինակ մեկնաբանութեամբ էր, որ երեքշաբթի, յունւարի 19-ին, Հ. Մ. «Սիփան» միութեան նախաձեռնած դասախօսական երեկոյին Սրբազան Հայրը ելոյթ ունենալով, խօսեց կրօնների միջեւ իր հարիւրամեակների պատմութեամբ երկխօսութեան շարունակականութեան, ինչպէս նաեւ միմեանց դաւանանքի կապակցութեամբ գիտակցութեան եւ տեղեկացւած լինելու կարեւորութեան շուրջ:

Թեհրանի հայոց ազգային առաջնորդարանում Թեհրանի պահակազօրի Սրբազան պաշտպանութեան կոթողների պահպանման եւ արժէքների տարածման կազմակերպութեան պատասխանատու զօրավար Մոջթաբա Ասկարու ներկայութեամբ Թեհրանի հայոց թեմի առաջնորդին փոխանցւեց Միաստուածային կրօնների նահատակների յիշատակի մեծարման համաժողովին մասնակցելու հրաւէրը:

Կիրակի յունւարի 17-ին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը իր գրասենեակում ընդունեց թեմիս հաշւեքննիչ մարմինը, որ իր լրիւ կազմով ներկայացաւ Սրբազան Հօրը՝

Տէր Գրիգորիս քհնյ. Ներսիսեանը Նոր Տարւայ յատուկ արարողութեան հետ կապւած ԻՍՆԱ լրատւական ցանցի լրագրողին ասաց. «Ամանորեան արարողութեան ընթացքում Յիսուս Քրիստոսի Ս. Ծննդեան և Մկրտութեան յիշատակին մատուցւեց Ս. Պատարագ: Այս արարողութեան միջոցով մենք կապւում ենք Յիսուս Քրիստոսին եւ միաւորւում ենք իրար շուրջ: Այս արարողութիւնը պատճառ է դառնում, որ վերացւեն տարաձայնութիւններն ու թշնամութիւնները»:

Կիրակի յունւարի 3-ի կէսօրից առաջ Թեհրանի 7-րդ շրջանի քաղաքապետ՝ դոկտ. Նեգահբանը, 5-րդ բաժնի քաղաքապետ՝ ճրտգ. Մոսայէբիի, ինչպէս նաեւ 7-րդ շրջանի քաղաքապետարանի 5-րդ բաժնի մի խումբ պատասխանատուների եւ «Արամանէ», «Հեշմաթիէ» եւ «Ղասր« քաղաքամասերի խորհուրդների մի խումբ անդամների ընկերակցութեամբ այցելեց Թեհրանի Սրբոց Վարդանանց եկեղեցի:

Գերաշնորհ Տ. Սեպուհ Ս. Արք. Սարգսեանի ուղերձները Իրանի Յեղափոխութեան Հոգևոր Առաջնորդին և Հանրապետութեան Նախագահին Իրանի և 5+1-ի միջև ժամանակին կնքւած Համաձայնագրի գործադրութեանը

2016-ի յունւարի 11-ից 14-ը, Փորթուքալիայի մայրաքաղաք Լիզբոնում գումարւեց Միջին Արեւելքի, Հիւսիսային Ափրիկէի եւ Եւրոպայի երկրների աստւածաշնչական ընդհանուր քարտուղարների եւ պատասխանատուների տարեկան ընդհանուր ժողովը, որի կազմակերպիչ յանձնախմբի ատենապետն էր դոկ. Հրայր Ճէպէճեանը։