Կիրակի, 10 դեկտեմբեր 2023 թւականին, Թեմական խորհրդի ատենապետ ճրտպ. Նորայր Արամեանը Ազգ. Առաջնորդարանի դահլիճում հանդիպում ունեցաւ Թեհրանի նահանգի քաղաքների Նահատակների Հիմնարկի (Բոնեադ Շահիդ) ներկայացուցիչներ՝ Քարոզչական բաժնի տնօրէն՝ պրն. Մոհսէնիի եւ Մշակութային հարցերով տեղակալ՝ տկն. Թաբիրէյի հետ: Հանդիպմանը ներկայ էր նաեւ Ազգ. Առաջնորդարանի դիւանապետ՝ պրն. Զօրիկ Կարապետեանը:

Չորեքշաբթի, 6 դեկտեմբեր 2023 թւականի երեկոյեան, Թեմական խորհրդի ատենապետ ճրտպ. Նորայր Արամեանը մասնակցել է Թեհրանի 6-րդ շրջանի քաղաքապետ՝ Սէյեդ Մորթէզա Ռոհանիի հրաւէրով, շրջանի քաղաքապետարանի ժողովասրահում կազմակերպւած խորհրդակցական հանդիպմանը, որտեղ նաեւ ներկայ են եղել պատկան շրջանի մշակութային կենտրոնների պատասխանատուները:

Չորեքշաբթի, 6 դեկտեմբեր 2023 թւականին, Ռուս ուղղափառ եկեղեցու հոգեւոր հովիւ եւ եկեղեցու հաղորդակցութեան բաժնի տնօրէն՝ Դանիալ Գրիգարի Մատրոսաֆը, որը հիւրաբար գտնւում էր Ղոմի Ալմոստաֆայ համալսարանում, պատկան պատասխանատուների ընկերակցութեամբ այցելեց Ս. Սարգիս եկեղեցի եւ Ազգ. Առաջնորդարան: Պատւիրակութեանը դիմաւորեցին Թեմիս Առաջնորդ Գերշ. Տ. Սեպուհ Ս. Արք. Սարգսեանի հրաւէրով Թեհրան գտնւող՝ Հոգեշնորհ Տ. Վիգէն Վրդ. Տալգլըճեանը, Իրանի Իսլ. Խորհրդարանում Իրանահայութեան զոյգ պատգամաւորներ՝ պրն. Ռոբերթ Բեգլարեանը եւ պրն. Արա Շահվերդեանը, Թեմական խորհրդի ատենապետ ճրտպ. Նորայր Արամեանը, Կրօնական խորհրդի ատենապետ Տ․ Մաշտոց քհնյ. Խաչատրեանը եւ ատենադպիրներ՝ Տ․ Գրիգորիս քհնյ. Ներսէսեանսը եւ Տ․ Արիստակէս քհնյ. Շահմիրեանը եւ Ազգ. Առաջնորդարանի դիւանապետ՝ պրն. Զօրիկ Կարապետեանը:

Այսու Թեհրանի մեր հաւատացեալ ժողովրդի զաւակներին յայտնում ենք, որ յառաջիկայ երկուշաբթի 11 դեկտեմբեր 2023-ին, տօնն է Ս. Մինասի: Ս. Մինասի տօնը համընկնում է Վանաքի Ս. Մինաս եկեղեցու անւանակոչութեան տօնին:

Արդարեւ այս առիթով, Ս. Մինաս եկեղեցում, հովանավորութեամբ Թեհրանի Հայոց Թեմի Առաջնորդ Գերշ. Տ. Սեպուհ Ս. Արք. Սարգսեանի, երկուշաբթի 11 դեկտեմբեր 2023-ին, մատուցւելու է հանդիսաւոր Ս. եւ անմահ պատարագ:

Պատարագելու եւ քարոզելու է՝ հիւրաբար քաղաքս գտնւող Հոգեշնորհ Տ. Վիգէն Վրդ. Տալգլըճեանը:

Սկիզբ ժամերգութեան ժամը 9:00-ին
Ս. Պատարագ          ժամը 10:00-ին
Քարոզ                  ժամը 11:00-ին

Մեր ժողովրդի զաւակներին հրաւիրում ենք՝ ներկայ լինելու կրօնական արարողութեան եւ Ս. պատարագին՝ հաղորդւելու համար սուրբի յիշատակով եւ վերաթարմացնելու Քրիստոնէական իրենց հաւատքը:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Ծանօթ: Բոլոր այն հաւատացեալ ուխտաւորները որոնք ուզում են նւիրատւութիւն եւ կամ մատաղ անել, թող բարի լինեն կապ պահել Ս. Մինաս Եկեղեցու Խորհրդի հետ:

Նկատի ունենալով Թ.Հ.Թ. Պատգամաւորական Ժողովի հաշւետու նիստի յետաձգման պարագան, Թեմական խորհուրդն իր աշխատանքը շարունակելով, կիրակի, 3 դեկտեմբեր 2023 թւականին, ատենապետութեամբ ճրտպ. Նորայր Արամեանի գումարեց իր հերթական՝ 96-րդ նիստը:

Թեհրանի Հայոց Թեմի Թեմական խորհրդի դիւանի հրաւէրով, հինգշաբթի, 30 նոյեմբեր 2023 թւականին, Ազգ. Առաջնորդարանի դահլիճում գումարւեց 17-րդ շրջանի Պատգամաւորական Ժողովի եւ Թեմական Խորհրդի դիւանների համատեղ խորհրդակցական հանդիպումը, որի հիմնական օրակարգում քննարկւեցին Պատգամաւորական Ժողովի հաշւետու նիստի յետաձգման պարագան՝ տարբեր դիտանկիւններից եւ շրջանաւարտ Թեմական խորհրդի գործունէութեան շրջանի երկարաձգման դէպքում առաջացւող դժւարութիւնները:

Չորեքշաբթի, 29 նոյեմբեր 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Հայ Համալս. Ընդհանուր Միութեան վարչութեան ատենապետ Խաչատուր Խաչատրեանին, որը եկել էր Սրբազան Հօր հովանաւորութիւնը եւ օրհնութիւնը խնդրելու Միութեան հիմնադրման եւ գործունէութեան 80-ամեակին նւիրւած նախաձեռնութիւնների կապակցութեամբ:

Թեմական խորհրդի երկամեայ գործունէութեան շրջանի աւարտի շէմին, Խորհրդի ատենապետ ճրտպ. Նորայր Արամեանը, կիրակի, 26 նոյեմբեր 2023 թւականին, ներկայ գտնւեց Կրթական խորհրդի հերթական նիստին:

Չորեքշաբթի, 22 նոյեմբեր 2023 թւականին, Թեմական խորհրդի ատենապետ ճրտպ. Նորայր Արամեանը ընկերակցութեամբ Ազգային Առաջնորդարանի դիւանապետ Զօրիկ Կարապետեանի, այցելեցին Թեհրանի Կուսակալութիւն եւ հանդիպում ունեցան Քաղաքական հարցերի տեղակալ դկտր. Համէդ Շայանի հետ:

Շաբաթ, 25 նոյեմբեր 2023 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանն իր գրասենեակում ընդունեց Թեհրանի Փերիոյ Կրթասիրաց Միութեան վարչութեան ներկայացուցիչներին, ովքեր եկել էին Սրբազան Հօր հովանաւորութիւնը եւ օրհնութիւնը խնդրելու Միութեան հիմնադրման եւ գործունէութեան 32-ամեակին նւիրւած նախաձեռնութիւնների կապակցութեամբ, նշելով նաեւ, որ այս տարի լրանում է Փերիոյ Կրթասիրաց Միութեան Սպահանի մասնաճիւղի 95-ամեակը: