Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թեհրանահայ աշակերտները Համահայկական հայագիտական 9-րդ օլիմպիադայից վերադարձան 2-րդ եւ 3-րդ կարգի դիպլոմներով եւ վկայագրերով

Թւականիս օգոստոսի 5-ից, 11-ը ՀՀ Կրթութեան եւ գիտութեան նախարարութեան նախաձեռնութեամբ Աղւերանում տեղի ունեցաւ Համահայկական հայագիտական 9-րդ օլիմպիադայի մրցոյթը:

Թ. Հ. Թ. Թեմական եւ Կրթական խորհուրդների աջակցութեամբ մեր թեմից վերոյիշեալ մրցութեանը մասնակցեցին 8 աշակերտուհիներ ըստ հետեւեալի՝ Սաթենիկ Շահիջանեան, Նայիրա Եաղուբեան, Փիւնէ Սարդարեան, Մելանի Խաչատրեան, Սելին Իսայեան, Վահէ Աւանէսեան, Լիա Դարուսի եւ Սինտիա Փիրջանեան: Խմբին ուղեկցում էին «Թունեան-Թովմասեան» դպրոցի փոխտեսչուհի՝ Արսինէ Բոնիադեանը եւ նոյն դպրոցի մայրենի լեզւի ուսուցչուհի՝ Աղաւնի Մինասեանը:

Օլիմպիադային մասնակցել են 5 երկրներից 14-18 տարեկան շուրջ 80 աշակերտ-աշակերտուհիներ:

Բացումը կատարւեց օգոստոսի 5-ին Առնօ Բաբաջանեանի անւան համերգասրահում: Մասնակիցներին ողջունեցին ՀՀ Կրթութեան, գիտութեան, մշակոյթի եւ սպորտի նախարարի տեղակալ Արեւիկ Անափիոսեանը, ԿԳՄՍ լեզւի կոմիտէի նախագահ՝ Դաւիթ Գիւրջինեանը, Օլիմպիադայի Հայոց պատմութեան եւ մշակոյթի յանձնաժողովի նախագահ՝ Արտակ Մովսիսեանը: Բոլոր մասնակիցները ճանապարհւեցին Աղւերան:

Օլիմպիադան անցկացւեց հայոց լեզւի գրականութեան, պատմութեան եւ մշակոյթի պատմութեան շրջանակներում: Այն ընթացաւ երկու փուլով՝ գրաւոր եւ բանաւոր: Գրաւոր փուլից առաւելագոյն միաւորներ վաստակած աշակերտները անցան բանաւոր փուլ: Մեր խմբի ութ սաներն էլ գնահատելի նիշերով յաղթահարեցին գրաւոր փուլը:

Օլիմպիադայի մասնակիցների համար նախատեսւած էին աւանդական դարձած ասմունքի, հայկական երգերի եւ պարի մրցոյթներ: Մեր խմբից ասմունքով ելոյթ ունեցան Սելին Իսայեանը, Նայիրա Եաղուբեանը եւ Լիա Դարուսին, վերջինս յաղթող ճանաչւեց եւ ստացաւ ՀՀ ԿԳՄՍ նախարարութեան շնորհակալագիր: Պարով ելոյթ ունեցաւ Նայիրա Եաղուբեանը, ստանալով վկայագիր մասնակցութեան համար:

Մասնակիցների համար նախատեսւած էին նաեւ տարաբնոյթ մշակութային, ուսուցողական եւ ժամանցային միջոցառումներ: Կոմիտասի 150-ամեակի առիթով, տեղի ունեցաւ Կոմիտասին նւիրւած զրոյց եւ երգի ուսուցում, որը վարեցին Կոմիտասի թանգարան-ինստիտուտի կրթական ծրագրերի մասնագէտներ՝ Անահիտ Մուղալեանը եւ Սոնա Սիմոնեանը: Անցկացւեց ազգային պարերի ուսուցում Գագիկ Գինոսեանի ուսուցմամբ, որը մեծ խանդավառութիւն առաջացրեց մասնակիցների մէջ:

Աշակերտները մեծ հետաքրքրութեամբ մասնակցեցին Հայաստանի տարածքում պեղումների վերաբերեալ զրոյց - դասախօսութեանը, որը վարում էր Էրեբունի պատմագիտական արգելոց-թանգարանի տնօրէն՝ Միքայէլ Բադալեանը: Ունեցան նաեւ պատմաճանաչողական բնապահպանական շրջայց Սեւանավանք եւ Սեւանի բուսաբանական այգու տարածքում:

Մրցութեան արդիւնքները ամփոփւեցին օգոստոսի 10-ի երեկոյեան կազմակերպւած գեղեցիկ գեղարւեստական ծրագրի ընթացքում:

Ուրախութեամբ պիտի նշենք, որ մեր աշակերտներից Վահէ Աւանէսեանը դարձաւ 2-րդ կարգի դիպլոմակիր, եւ չորս հոգի՝ Սաթենիկ Շահիջանեանը, Փիւնէ Սարդարեանը, Մելանի Խաչատրեանը եւ Սելին Իսայեանը դարձան երրորդ կարգի դիպլոմակիրներ, իսկ մնացած մասնակիցները արժանացան վկայագրերի եւ որպէս նւէր ստացան հետաքրքրաշարժ գրքեր:

Շնորհաւորում ենք մեր սիրելի աշակերտներին եւ մաղթում ենք նորանոր յաջողութիւններ ուսման մէջ:

Թ.Հ.Թ. Կրթական Խորհուրդ

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com