Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Saturday, 02 January 2021

Սուրբ Բարսեղ Հայրապետի, նրա եղօոր Գրիգոր Նիւսացու, Հռոմի Սեղբեստրոս Հայրապետի և Աբբա Եփրեմ Խուրի Ասորու յիշատակութեան օր Բարսեղ Կեսարացի Հայրապետ

Սուրբ Ծննդյան պահքի Դ օր Սուրբ Բարսեղ Հայրապետի, նրա եղօոր Գրիգոր Նիւսացու, Հռոմի Սեղբեստրոս Հայրապետի և Աբբա Եփրեմ Խուրի Ասորու յիշատակութեան օր
Բարսեղ Կեսարացի Հայրապետ

Բարսեղ Հայրապետը իր եղբայր Գրիգոր Նիւսացու և իրենց ընկեր Գրիգոր Նազիանզացու հետ միասին եկեղեցուն ծանօթ են «Կապադովկեան Հայրեր» անունով։
Նրանք իրենց սրբութեամբ և մեզ համար թողած հոգեւոր ժառանգութեամբ հաստատում եւ ամրացնում են մեր հաւատքը Քրիստոսի նկատմամաբ։

Ս․Բարսեղը ծնւել է 330 թ-ին Կեսարարիայում մի քրիստոնեայ և պատւական ընտանիքում: Իր սկզբնական ուսումը ստացել է նախ Կեսարիայում և ապա Կ. Պոլսում: Հետագայում իր ուսումը, լրացրել է Աթենքում: Բարձրագույն ուսում ստանալուց վերադառնում է հայրենիք և ինքն իրեն նւիրում վանական կեանքին: Նա սարկաւագ է ձեռնադրւել Անտիոքի Մելիտոս պատրիարքի կողմից: Գրիգոր Նազիանզացու հետ միասին Պոնտոսի և Կապադովկիայի գաւառներում տարածեց քրիստոնէութիւնը: Ընդառաջ գնալով իր քաղաքի եպիսկոպոս Եւսեբիոսի հրամանով 364 թւին,յանձն է առնում Արիոսականների դէմ պայքարը։
Նա յաջորդեց իր վերադաս եպիսկոպոսին, արդիւնաւոր և մեծ գործունէութիւն ծաւալեց:
Նա հմուտ հոգեւորական էր եւ իր քարոզներով հաւատք էր ներշնչում ժողովրդին։

Նա արևելյան վանական կեանքի հիմնադիրն է, որտեղ դեռևս տեսականորեն կիրառում են Բարսեղյան կարգերը և կանոնները: Վանքերից բացի աղքատների և հիւանդների համար բազմաթիւ բարեգործական հաստատութիւններ, երեխաների համար դպրոցներ և որբանոցներ է հիմնել:
Նա խմբագրել է իր Սուրբ Պատարագը, որից շատ տարրեր են պարունակում մեր պատարագը, «Վեցօրէք»-ը , որը վեցօրեայ ստեղծագործութեան վերաբերեալ է և բաղկացած է ինը ճառերից: Ինչպէս գրեթեէ իր բոլոր գործերը, նոյնպէս էլ այս երկուսը՝ ոսկեդարից սկսած թագմանւած են հայերէն, շուրջ 60 միաւոր: Յայտնի են նրա մեծ աղօթքները, որոնք մինչ օրս եկեղեցական մեծ տօներին ընթերցւում են:

Բարսեղ Կեսարացի Հայրապետի տօնը նշւում է երկու անգամ՝ Յունւարի 1-ի մերձակայ շաբաթ օրը և տասներկու Վարդապետների տօնին առընթեր:

 

Ս. Գրիգոր Նիւսացի

Գրիգոր Նիւսացին ծնւել է 335 թ.-ին, նա Բարսեղ Կեսարացու կրտսեր եղբայրն է և ուսումը ստացել է եղբօր հետ: Նա նախ ամուսնացաւ, յետոյ միայն, փոխադարձ համաձայնութեամբ, ընտրեցին վանականութիւնը: 371 թ.-ին իր եղբոր կողմից ձեռնադրւում է Նիւսա քաղաքի եպիսկոպոս: Որոշ ժամանակ յետոյ, արիոսականների կողմից, գահընկեց է արւում և մինչև Վաղես արիոսական կայսեր մահը՝ 378 թ.-ը աքսորւում է, ապա նորից վերադառնում է իր եպիսկոպոսութռանը: 379 թ.-ին ընտրւում է Սեբաստիայի մետրոպոլիտ, բայց հրաժարւում է թողնել իր սիրելի փոքրիկ թեմը: 381թ.-ին մասնակցում է Կ. Պոլսո տիեզերական ժողովին և Նիկիական Հանգանակի հզօր պաշտպանը հանդիսանում, որը (Հանգանակը) արիոսականների և ուղղափառների մէջ աւելի քան կէս դար կռւախնձոր լինելով՝ վերջնականապէս հաստատւեց եկեղեցիներում: Ս. Գրիգոր Նիւսացին վախճանւեց 395 թ.-ն:
Նիւսացին մեծ մատենագիր է, ունի աստւածաբանական, մեկնողական բազմաթիւ գործեր, եւ ճառեր:
Նիւսացու տօնը մենք տօնում ենք տարին երկու անգամ` Յունւարի 1-ին մօտ շաբաթ օրը և երկոտասան Վարդապետների հետ հոկտեմբերի վերջին շաբաթ օրը:

 

Սեղբեստրոս Հռոմի Հայրապետ

Սեղբեստրոսը գահակալելով Կոստանդիանոս կայսրի օրոք՝ 314-335 թթ.-ին, եղաւ այն երջանիկ քահանայապետը, որը ողջունեց Քրիստոնէական Եկեղեցու ազատագրումը հալածանքներից: Թերևս Նիկիայի ժողովը իր գահակալութեան տարիներին գումարւեց, բայց ինքը չմասնակցեց, այլ ուղղակի երկու ներկայացուցիչներ ուղղարկեց: Սեղբեստրոսի պաշտոնավարութեան շրջանին էր, որ սկիզբ դրւեց եկեղեցաշինութիւնը հռոմում։
Նա հռոմէական եկեղեցու ծիսական, վարչական և այլ բնագավւռների կազմակերպիչներից և բարեզարդիչներից մէկն է:
Նրա տօնը երկու անգամ է տօնւում՝ մէկը Յունւարի 1-ին մօտ շաբաթ օրը ՝ Սուրբ Բարսեղի և նրա ընկերների հետ, միւսը՝ երկոտասան Վարդապետների հետ՝ հոկտեմբերի վերջին շաբաթ օրը:

 

 

Եփրեմ Խուրի

Մի մեծ մատենագիր և սրբակենցաղ անձ էր, որ մեծապէս յարգւում էր Արևելյան և թէ Արևմտեան եկեղեցիների կողմից:

Սուրբը ծնւել է Մծբինում 306 թ.-ին: Աշակերտել է Յակոբ Մծբնայ Հայրապետին և համարւում է, որ նրա հետ մասնակցել է Նիկիայի տիեզերական ժողովին։ Երբ Մծբինը անցնում է Բիւզանդական կայսրութիւնից Պարսկաստանի տիրապետութեան տակ, Եփրեմը փոխադրւում է Եդեսիա, այնտեղ ստեղծում իր մատենագրական վաստակի մեծ մասը և այնտեղ էլ վախճաւում 373 թ.-ին:
Նա հմուտ հոգևորական էր եւ ունէր բազում աստւածաբանական ճառեր, քարոզներ եւ ներբողնար։Նա եւս իր հերթին պայքարել է աղանդաւորների դէմ,պաշտպանելով անաղարտ եւ ճշմարիտ հաւատքը։
Սուրբը եկեղեցու կաղմից անւանւել է «Ասորիների արեգակ», «Եկեղեցու սիւն», «Ս. Հոգու քնար»:

 
 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 17 Մայիսի 2022;
ԱՒԵՏԱՐԱՆ ԸՍՏ ՂՈՒԿԱՍԻ 12.32‐48։ ԳՈՐԾՔ ԱՌԱՔԵԼՈՑ 18.1‐11։ Ա Յովհաննէս 2.7‐17։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 7.37‐8.11։ ԱՒԵՏԱՐԱՆ ԸՍՏ ՄԱՏԹԷՈՍԻ 14.13‐21։ ԱՒԵՏԱՐԱՆ ԸՍՏ ՄԱՐԿՈՍՒ 7.1‐16։

Չորեքշաբթի 18 Մայիսի 2022;
ԼԲ օր Յինանց Ղկ 12.49‐13.9։ Գրծ 18.12‐28։ Ա Յհ 2.18‐23։ Յհ 8.12‐20։ Մտ 14.22‐36։ Մր 7.17‐30։

Հինգշաբթի 19 Մայիսի 2022;
ԼԳ օր Յինանց Ղկ 13.10‐21։ Գրծ 19.1‐20։ Ա Յհ 2.24‐25։ Յհ 8.21‐30։ Մտ 15.1‐20։ Մր 7.31‐37։

Ուրբաթ 20 Մայիսի 2022;
ԼԴ օր Յինանց Ղկ 13.22‐35։ Գրծ 19.21‐40։ Ա Յհ 2.26‐28։ Յհ 8.31‐59։ Մտ 15.21‐28։ Մր 8.1‐9։

Շաբաթ 21 Մայիսի 2022;
ԼԵ օր Յինանց Ղկ. 14.1-24։ Գրծ. 20.1-16։ Ա. Յհ. 2.28-3.1։ Յհ. 9.1-38։ Մտ. 15.29-16.12։ Մր. 8.10-26։

Կիրակի 22 Մայիսի 2022;
Զ կիր Յինանց Ղկ. 14.25-15.32։ Գրծ. 20.17-38։ Ա. Յհ. 3.2-6։ Յհ. 9.39-10.10։ Մտ. 16.13-17.13։ Մր. 8.27-9.12։

Երկուշաբթի 23 Մայիսի 2022;
ԼԷ օր Յինանց Ղկ 16.1‐31։ Գրծ 21.1‐14։ Ա Յհ 3.7‐10։ Յհ 10.11‐21։ Մտ 17.14‐20։ Մր 9.13‐28։

Երեքշաբթի 24 Մայիսի 2022;
Գշ. ԼԸ օր Յինանց ԱՒԵՏԱՐԱՆ ԸՍՏ ՂՈՒԿԱՍԻ 17.1‐19։ ԳՈՐԾՔ ԱՌԱՔԵԼՈՑ 21.15‐26։ Ա Յովհաննէս 3.10‐20։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.22‐42։ ԱՒԵՏԱՐԱՆ ԸՍՏ ՄԱՏԹԷՈՍԻ 17.21‐18.9։ ԱՒԵՏԱՐԱՆ ԸՍՏ ՄԱՐԿՈՍՒ 9.29‐49։

Չորեքշաբթի 25 Մայիսի 2022;
ԼԹ օր Յինանց Ղկ 17.20‐37։ Գրծ 21.27‐36։ Ա Յհ 3.2‐4.6։ Յհ 11.1‐46։ Մտ 18.10‐35։ Մր 10.1‐12։

Հինգշաբթի 26 Մայիսի 2022;
ՀԱՄԲԱՐՁՈՒՄՆ Քրիստոսի Աստուծոյ մերոյ Ղկ. 18.1-14։ Գրծ. 1.1-14։ Մտ. 28.16-20։ Մտ. 19.1-15։ Մր. 10.13-27։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ