Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Sunday, 25 October 2020

Գիւտ Խաչ

ՏՕՆ ԳԻՒՏ ԽԱՉԻ (Ք.Յ. 326 թւականին)
Հրատարակւած՝ Երեքշաբթի, Հոկտեմբերի 20, 2015, ժ. 13:22 | Տպել | Ուղարկել էլ-փոստով
Դ դարասկզբին Հռոմէական կայսրութիւնը Արեւելքում նոր նւաճումների շրջան է թեւակոխում: Պայքար էր մղւում նաեւ խղճի եւ կրօնների ազատութեան համար:

Կոստանդիանոս Մեծը (ծնւած մօտ 275 թւականին եւ մահացած 337-ին), 306 թւականից սկսած Հռոմի արեւմտեան աշխարհի կայսրն էր, 312 թւականին Հռոմի պարիսպների առաջ տարած յաղթանակը քրիստոնէութեան թշնամի Մաքսենսի (Maxence) դէմ, վճռական է լինում քրիստոնէութեան հաստատման համար եւ ի նպաստ նրա պաշտօնական հաստատման, որովհետեւ 313 թւականին Միլանում ստորագրւած հրովարտակը այնուհետ ազատութիւն պիտի շնորհէր կրօններին, այդ թւում նաեւ քրիստոնէութեանը:
Կոստանդիանոս Մեծը 325 թւականին վերջ է դնում նաեւ Արեւելքի Լիկիանոս (Licinius) զօրավարի ինքնիշխանութեանը. Կայսրութեան միութիւնն ի կատար է ածւում: Այնուհետեւ թագաւորը (323-325 թւականների միջեւ) անձամբ քրիստոնէութիւն է ընդունում, դէպք եւ թւական, որոնք կապ չունեն 313 թւականին քրիստոնէութիւնն ազատ կրօն հռչակելու յիշեալ հրովարտակի հետ: Այնուհետ կրօնական տիեզերաժողով է հրաւիրում 325 թւականին, Նիկիայում, որպէսզի այնտեղ լուծւեն ստեղծւած դաւանաբանական վէճերը:
Ահա այս կայսեր մայրն է սրբուհի Հեղինէն (Sainte Helene), որի մասին ասւում է, թէ իր զաւակի բարի գործերի մղիչ ոգին է եղել եւ որՆիկիայի ժողովից մէկ տարի յետոյ` 326 թւականին, իբրեւ կայսերամայր եւ հեղինակութիւն, գնում է Երուսաղէմ` կարեւոր գաղափարներն ու յղացումներն իրագործելու:
Սրբուհի Հեղինէն Յիսուսի գերեզմանափոսի վրայ Ս. Յարութեան տաճարն է կառուցել տալիս, միեւնոյն ժամանակ հետեւելով հնագէտ, բանգէտ Յուդա անունով հրեայ մի անձնաւորութեան մատնանշումներին, պեղումների շնորհիւ գտնում են Յիսուսի եւ երկու աւազակների խաչափայտերը:
Դժւար չի եղել ճշտել Յիսուսի համար գործածւած Խաչը: Ըստ աւանդութեան, նոր մահացած մի պատանու են բերում եւ յաջորդաբար դնում գտնւած երեք խաչերի վրայ: Եւ երբ պատանին դրանցից մէկին դիպչելով յարութիւն է առնում, գտնւած է համարւում Ճշմարիտ ԽԱՉԸ:
Հրեայ բանգէտը հիանում է եւ ինքը եւս քրիստոնեայ դառնում: Նւիրւում է անդուլ քարոզչութեան եւ ապա կրօնական ասպարէզում բարձրանում եպիսկոպոսութեան աստիճան. նշանաւոր Կիւրեղ եպիսկոպոսն էր նա:
Այսպէս իսկական Խաչափայտը իր պատւաւոր տեղն է գտնում Քրիստոսի գերեզմանի վրայ կառուցւած Ս. Յարութեան մեծ տաճարում. քրիստոնեայ եկեղեցիներն այդ բացառիկ առիթով իսկական Խաչափայտից մասունքներ են ստանում:

Այս գիւտն է եւ գիւտով խանդավառւած Խաչը բարձրացնելու, պատւելու մեծ շարժառիթն է ահա ԳԻՒՏ ԽԱՉ տօնը, որն իբրեւ Երկրորդ դրւագ է հանդիսանում Ս. Խաչի պատմութեան մէջ:
Դարեր շարունակ այն կամ մեծ բաժինը իսկական Խաչից մնում է այնտեղ` Ս. Յարութեան տաճարի գանձատանը, երբ պատմութեան մէջ հզօր ուժերը (պարսկաբիւզանդական) այն ձեռքից ձեռք են փոխանցում:
Այս տօնն իր իմաստի եւ կարեւորութեան կարգով, յոյները նոյնացրել են Խաչվերացի հետ: Գիւտի նշումը կատարւում է առանձին` հոկտեմբերի վերջին կամ Խաչվերացից 6 շաբաթ յետոյ:
Գիւտ Խաչի տօնը՝ Պատւական անունը կրողների անւանակոչութեան օրն է:
Այստեղ պէտք է նշել, որ իրապէս Խաչի պատմութեան մէջ Գիւտը կարեւորագոյն իրողութիւն է եւ թերեւս արդար է, որ այն դասւած լինի մեծ տօների շարքում:

 
 

ՏՕՆԵՐ

Կրօնական Տօների Օրացոյց


Երեքշաբթի 07 Դեկտեմբերի 2021;
Սրբոցն հարցն Եգիպտացւոց, ՍՈՒՐԲ ՀԱՅՐԵՐ ՊՕՂՈՍԻ, ՊՕՂԻ, ՄԱԿԱՐԻ, ԵՒԱԳՐԻ, ՅՈՎՀԱՆՆԷՍ ԳԲՆԵՑՈՒ, ՅՈՎՀԱՆՆԷՍ ԿԱՐՃԱՀԱՍԱԿԻ, ՆԵՂՈՍԻ, ԱՐՍԷՆԻ, ՍԻՍԻԱՆՈՍԻ, ԴԱՆԻԷԼԻ, ՍՐԱՊԻՈՆԻ, ՄԱԿԱՐԻՈՍԻ, ՊԻՄէՆԻ ԵՒ ՄՒՒՍ ՍՈՒՐԲ ՀԱՅՐԵՐԻ ՅԻՇԱՏԱԿՈՒԹԵԱՆ ՕՐ

Հինգշաբթի 09 Դեկտեմբերի 2021;
Տօն՝ Յղութիւն Ս․Աստւածածնի ի Աննայէ Ս. Աննայի՝ Սուրբ Աստւածածնով յղիութիւնը նկարագրւած չէ Աստւածաշունչ մատեանում: Այն մեզ է փոխանցւել Եկեղեցու Սրբազան աւանդութեան շնորհիւ:

Շաբաթ 11 Դեկտեմբերի 2021;
Տօն՝ Սրբոյն Նիկողայոսի Զմիւռնացւոյ Սքանչելագործ հայրապետին

Երկուշաբթի 13 Դեկտեմբերի 2021;
Սրբոցն՝ Մինասայ,Երմոգինեայ, Եւ Գրափոսի, եւ կամաւոր աղքատացն՝Յովհաննէսի եւ Ալէքսիանոսի։

Երեքշաբթի 14 Դեկտեմբերի 2021;
Տօն Կորնելիոս հարիւրապետին եւ Շմաւոնին Ազգականին Քրիստոսի, որ խաչեցաւ Երուսաղէմ, Պօղիկարպոսի հայրապետին Զմիւռմնաիոյ եւ սրբոց վկայիցն որք յարեւելս կատարեցան։

Շաբաթ 18 Դեկտեմբերի 2021;
Տօն՝ Ս. Յակոբ Մծբնայ Հայրապետի, Մարուգէ ճգնաւորի եւ Մելիտոս եպիսկոպոսի յիշատակութեան օր

Երեքշաբթի 21 Դեկտեմբերի 2021;
Ս. Աբգար նախավկայի եւ Քրիստոսին հաւատացող մեր անդրանիկ թագաւորի յիշատակութեան օր

Հինգշաբթի 23 Դեկտեմբերի 2021;
Ս. Դաւիթ մարգարէի եւ Յակոբոս Տեառնեղբայր առաքեալի յիշատակութեան օր

Շաբաթ 25 Դեկտեմբերի 2021;
Ս. Ստեփանոս Նախավկայի եւ առաջին մարտիրոսի յիշատակութեան օր

Երկուշաբթի 27 Դեկտեմբերի 2021;
Ս. Պետրոս եւ Ս. Պօղոս առաքեալների յիշատակութեան օր

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ