ՏՕՆԵՐ

Կրօնական Տօների Օրացոյց


Երեքշաբթի 06 Հոկտեմբերի 2020;
տօն՝ կուսանացն Թէղկիի,Վառվառայի եւ Պեղիգեայի

Շաբաթ 10 Հոկտեմբերի 2020;
Տօն թարգմանիչներ Սրբոցն՝ Մեսրոպի,Եղիշէի,Մովսէս Քերթողի,Դաւիթ Անյաղթի,Գրիգոր Նարեկացու եւ Ներսէս Կլայեցու։

Երկուշաբթի 12 Հոկտեմբերի 2020;
Գիւտ նշխարաց Սրբոյն Գրիգորիսի Աղւանից կաթողիկոսի եւ Սրբոց հարցն՝Թաթլոյ,Վարոսի, եւ Թումասու,Անտոնի եւ կրօնիդեայ եւ եօթն խոտաճարակացն,որք յԻննակնեան վանսն կատարեցան։

Երեքշաբթի 13 Հոկտեմբերի 2020;
Տօն՝ Սրբոց առաքելոց Անանիայի,Մատաթիայի,Բառնաբայի, Փիլիպոսի,Յովհաննու, Շիղայի եւ Սիղւանոսի։

Հինգշաբթի 15 Հոկտեմբերի 2020;
Տօն Ս․ Դիոնիսիոս Արիապագացու,Տիմոթէոսի ու Տիտոս առաքեալների։

Շաբաթ 17 Հոկտեմբերի 2020;
Տօն՝ Աւետարանչացն Մատթէոսի,Մարկոսի,Ղուկասի եւ Յովհաննէսի։

Երկուշաբթի 19 Հոկտեմբերի 2020;
Սրբոցն Ղունկիանոսի հարիւրապետին որ հաւատաց ի խաչելութեանն Քրիստոսի եւ Յովսէփայ Աստւածահօրն եւ Յովսէփայ Արիմաթւացոյն եւ բարեկամին Քրիստոսի Ղազարու եւ Քերցն նորա՝ Մարթայի եւ Մարիամու։

Կիրակի 25 Հոկտեմբերի 2020;
Գիւտ Խաչ

Հինգշաբթի 29 Հոկտեմբերի 2020;
Տօն Յովհան Ոսկեբերանի

Շաբաթ 31 Հոկտեմբերի 2020;
Տօն՝ Ամենայն Սրբոց,Հնոց եւ Նորոց,Յայտնից ու Անյայտնից։

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիսաւոր Ս. Պատարագ և Մատաղօրհնէք՝ Ս. Սարգիս Զօրավարի տօնի առիթով

Շաբաթ 12 փետրւարին,  Ս. Սարգիս Զօրավարի և իր որդւոյն՝ Մարտիրոսի տօնի աօիթով, մատուցւեց հանդիսաւոր Ս. եւ Անմահ Պատարագ Ս. Սարգիս եկեղեցում, պատարագեց եւ յաւուր պատշաճի քարոզեց թեմիս բարեխնամ Առաջնորդ՝ Գերշ. Տ. Սեպուհ Ս. Արք. Սարգսեանը: Սոյն տոնը նաև անւանակոչութեան տօնն է Ս. Սարգիս առաջնորդանիստ մայր եկեղեցուն:

Սրբազան Հայրն իր քարոզի ընթացքին ասաց՝ «Եկեղեցին ոգեկոչում է իր սրբերի յիշատակը: «Սուրբ» բառը ինքնին բնորոշիչ յատկանիշ է, որով բացատրւում է ենթակայի ինչպիսի անձ լինելը: Աստւածաշնչեան հասկացողութեամբ, սուրբ նշանակում է տարբեր: Մէկը, որ յատուկ առաքելութիւն և յատուկ կոչում ունի. Մէկը, որ միևնոյն ժամանակ կոչւած է իր կեանքով լինելու ուղեցոյց իր շրջապատի համար»: «Ս. Սարգիս Զօրավարը, այն Սարգիսն էր, որ տարբերւեց միւս Սարգիսներից և մարդկանցից և իր հաւատակիցներից, իր կեանքով, իր գործունէութեամբ, իր հաւատով ու նւիրւածութեամբ, յանձնարութեամբ և ի վերայ ամենայնի, իր նահատակութեամբ»: «Արդարօրէն Ս. Սարգիսը մեր կողմից ընդունւած, սիրւած և յարգւած այն բացառիկ սուրբերից է եղել, որ նաև մեր ժողովրդի գրական կեանքի մաս է կազմել և ներշնչել է միաժամանակ գրողներին և հեղինակներին»:

Իր քարոզի մի այլ բաժնում շեշտեց, որ՝«Ս. Սարգիս Զօրավարը և իր նման հարիւրաւոր և հազարաւոր սուրբեր, Քրիստոսի եկեղեցու կեանքում ամէն տւեալներ ունէին ամենահանգիստ և հեշտ կեանքն ապրելու, բայց չարչարւեցին, որովհետև հաւատացած էին Քրիստոսին: Սրբերի նահատակութեան պարագան, Քրիստոսի եկեղեցու կեանքում, ամենանւիրական և բարձրագոյն հանգրւանն է, որով անձը վկայում է Քրիստոսին և իր հաւատքին»:

Սրբազան Հայրն աւելացրեց՝ «Այսօրւայ մարդկային կեանքը երբ դիտում ենք իր տեղական, շրջանային և համաշխարհային վիճակով կը տեսնենք, որ ամէն մի անհատ, ամէն մի ազգ այսօր համաշխարհայնացած երկրագնդի մէջ, պիտի բնորոշւի և զատորոշւի իր ինքնուրոյնութեամբ ու մեր պարագային, մեր ինքնուրոյնութիւնը բնորոշող ճշմարտութիւնը մեր եկեղեցին է և մեր եկեղեցուց ճառագայթող քրիստոնէական հաւատքը, սէրը և յոյսը»:

Պատարագի աւարտին տեղի ունեցաւ մատաղի օրհնութիւն և ապա հոգեհանգստեան արարողութիւն եկեղեցու հիմնադիր բարերարների՝ Սարգսեան ընտանիքի մահացած անդամների հոգիների խաղաղութեան համար, առողջութիւն ու Աստւածային առաջնորդութիւն մաղթելով իրենց զաւակներին և թոռներին:

Այնուհետև, հաւատացեալ բարերարների խորհրդի և մատաղի նւիրատւութեամբ, Ս. Սարգիս Եկեղեցու Եկեղեցական Խորհրդը, պատրաստել էր աւանդական հերիսա, որը բաժանւեց բոլոր հաւատացեալներին:

Նոյն օրը, ճաշին, այս տօնի առիթով, Ս. Սարգիս եկեղեցու խորհուրդը, Հ.Բ.Ը. Միութեան սրահում, ճաշկերոյթ էր կազմակերպել, քահանայած դասի, Թեհրանի բոլոր եկեղեցիների խորհրդների անդամների, դպրաց դասի, Ս. Սարգիս եկեղեցու բարերարների համար:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com