ՏՕՆԵՐ

Կրօնական Տօների Օրացոյց


Երեքշաբթի 06 Հոկտեմբերի 2020;
տօն՝ կուսանացն Թէղկիի,Վառվառայի եւ Պեղիգեայի

Շաբաթ 10 Հոկտեմբերի 2020;
Տօն թարգմանիչներ Սրբոցն՝ Մեսրոպի,Եղիշէի,Մովսէս Քերթողի,Դաւիթ Անյաղթի,Գրիգոր Նարեկացու եւ Ներսէս Կլայեցու։

Երկուշաբթի 12 Հոկտեմբերի 2020;
Գիւտ նշխարաց Սրբոյն Գրիգորիսի Աղւանից կաթողիկոսի եւ Սրբոց հարցն՝Թաթլոյ,Վարոսի, եւ Թումասու,Անտոնի եւ կրօնիդեայ եւ եօթն խոտաճարակացն,որք յԻննակնեան վանսն կատարեցան։

Երեքշաբթի 13 Հոկտեմբերի 2020;
Տօն՝ Սրբոց առաքելոց Անանիայի,Մատաթիայի,Բառնաբայի, Փիլիպոսի,Յովհաննու, Շիղայի եւ Սիղւանոսի։

Հինգշաբթի 15 Հոկտեմբերի 2020;
Տօն Ս․ Դիոնիսիոս Արիապագացու,Տիմոթէոսի ու Տիտոս առաքեալների։

Շաբաթ 17 Հոկտեմբերի 2020;
Տօն՝ Աւետարանչացն Մատթէոսի,Մարկոսի,Ղուկասի եւ Յովհաննէսի։

Երկուշաբթի 19 Հոկտեմբերի 2020;
Սրբոցն Ղունկիանոսի հարիւրապետին որ հաւատաց ի խաչելութեանն Քրիստոսի եւ Յովսէփայ Աստւածահօրն եւ Յովսէփայ Արիմաթւացոյն եւ բարեկամին Քրիստոսի Ղազարու եւ Քերցն նորա՝ Մարթայի եւ Մարիամու։

Կիրակի 25 Հոկտեմբերի 2020;
Գիւտ Խաչ

Հինգշաբթի 29 Հոկտեմբերի 2020;
Տօն Յովհան Ոսկեբերանի

Շաբաթ 31 Հոկտեմբերի 2020;
Տօն՝ Ամենայն Սրբոց,Հնոց եւ Նորոց,Յայտնից ու Անյայտնից։

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Թ. Հ. Թ. Կրթական խորհրդի նախաձեռնութեամբ Աշակերտական արշաւներª «Արարատ» մարզաւանում

Թ. Հ. Թ. Կրթական խորհրդի նախաձեռնութեամբ եւ Դաստիարակչական յանձնախմբի կազմակերպմամբ 2017 թ.-ի յունւարի 19-ին եւ 26-ին «Արարատ» մարզաւանում կայացաւ հայոց դպրոցների նախ 8-րդ եւ ապա 7-րդ դասարանցիների արշաւները:

Արշաւների բացումը ինչպէս միշտ կատարեց Դաստիարակչական յանձնախմբի ատենապետ՝ Քլարա Աղախանեանը, որը բացատրելով արշաւների նպատակը, ընդհանուր բացատրութիւններ տւեց աշխատանքների մանրամասնութիւնների մասին:

Հինգշաբթի, յունւարի 19-ի առաւօտեան ժամը 10-ից հայոց դպրոցների 8-րդ դասարանների 115 աշակերտներ, համախմբւեցին «Արարատ» մարզաւանի «Սասունցի Դաւիթ» սրահում:

Արշաւի բացումը Տէրունական աղօթքով սկսւելուց յետոյ, աշակերտները բաժանւեցին 10 խմբերի, որոնց հետ որպէս պատասխանատուներ՝ աշխատեցին «Քրիստափոր» պատանեկան կազմակերպութեան եւ «Ռոստոմ» երիտասարդական միութեան 12 անդամներ եւ 3 պատասխանատուներ՝ Սաթօ Ղազարեանի, Մհեր Օհանեանի եւ Րաֆֆի Յովհաննիսեանի գլխաւորութեամբ:

Արշաւի առաջին բաժնում խմբերը բաժանւեցին երեք մասի: Աշխատանքները բաղկացած էին մարզանքից, պարից եւ գիտելիքների մրցութիւնից:

Մարզանքի բաժինը վարեցին Կրթական խորհրդի մարզական յանձնախմբի անդամներ՝ Ժենիա Սուքիասեանը, Լուդւիկ Նազարեանը եւ Հենրիկ Սաչիկեան:

Պարի բաժինը ղեկավարեց Հ. Մ. «Սիփան» միութեան «Գարուն» պարախմբի գեղարւեստական ղեկավար՝ Կարինէ Պետրոսեանը, որին օժանդակում էին պարախմբի 5 անդամներ:

Գիտելիքների մրցութեան բաժինը ղեկավարեց Դաստիարակչական յանձնախմբի անդամ՝ Նազիկ Բալղչեանը, որին օժանդակում էին Բեսի Յովհաննիսեանը, Ստելլա Ասլանեանը եւ Քամելիա Շիրւանեանը:

Յունւարի 19-ի արշաւին ներկայ գտնւեց Հ.Մ.Ա.Կ.-ի Կենտրոնական վարչութեան նախագահ՝ Գէորգ Վարդանը: Առիթը յարմար նկատելով Դաստիարակչական յանձնախմբի ատենապետ՝ Քլարա Աղախանեանը հրաւիրեց կազմակերպութեան նախագահին բացատրութիւններ տալու «Արարատ» մարզաւանի շրջափակում կառուցւած նոր շէնքի շինութեան մասին:

Պրն. Գէորգ Վարդանը մանրամասն տեղեկութիւններ փոխանցելով նոր կառուցւած մարզասրահների օգտագործւելիք ֆունկցիաների մասին, հրաւիրեց աշակերտներին այցելելու նորաշէն մարզական համալիրը:

Այնուհետեւ աշակերտական խմբերը եւ դպրոցների ծնողական խորհուրդների ներկայացուցիչներն ու պատասխանատուները, մարզաւանի վարիչ Արբի Զոհրաբեանի ուղեկցութեամբ այցելեցին նորակառոյց մարզական համալիրը, հիացմունքով դիտեցին կատարւած աշխատանքները, եւ ունկնդրեցին տրւող բացատրութիւնները:

Հինգշաբթի, յունւարի 26-ին, «Արարատ» մարզաւանում համախմբւեցին հայոց դպրոցների 7-րդ դասարանների աշակերտները՝ թւով 142 հոգի:

Արշաւի բացման արարողութեան ընթացքում աշակերտները եւ բոլոր ներկաները մէկ րոպէ լռութեամբ յարգեցին «Պլասկօ»-ում զոհւած հրշէջների եւ միւս զոհերի յիշատակը: Յետոյ աշակերտները 10 խմբի բաժանւելով, մասնակցեցին աշխատանքներին: Խմբերի պատասխանատուներն էին Հ. Մ. «Արարատ» կազմակերպութեան Սկաուտական միութեան թւով 10 սկաուտներ՝ Արին Մկրտչեանի գլխաւորութեամբ:

Աշակերտական խմբերը դարձեալ երեք մասի բաժանւելով, զբաղւեցին մարզանքով, պարի դասարանով եւ գիտելիքների մրցութեամբ:

Մարզական աշխատանքները վարեցին մարզական յանձնախմբի անդամներ՝ Ժենիա Սուքիասեանը, Լուդւիկ Նազարեանը եւ Հենրիկ Սաշան:

Պարի դասարանը ղեկավարեց Հ. Մ. Մ. «Նայիրի» միութեան պարախումբը, ղեկավարութեամբ՝ Մերի Աւետիսեանի, Մելան Սեֆեանի եւ Թինա Անտոնի, որոնց օժանդակեցին պարախմբի 12 անդամներ:

Իսկ գիտելիքների մրցութեան աշխատանքը վարեց Դաստիարակչական յանձնախմբի անդամ Նազիկ Բալղչեանը, որին օժանդակում էր Ստելլա Ասլանեանը եւ Քամելիա Շիրւանեանը:

Երկու արշաւների ընթացքում հայոց դպրոցների ծնողական խորհուրդները օժանդակեցին յանձնախմբին, աշակերտների օշարակի եւ ճաշի պատրաստութիւնները կատարելով:

Իսկ ճաշից յետոյ բոլոր խմբերը մի քանի մասի բաժանւելով, հաւաքաբար խաղացին՝ օգտւելով մարզաւանի ողջ տարածքից:

Վերում նշւած արշաւների ընթացքում յանձնախմբին օժանդակում էին Արմինէ Գրիգորեանը, Փոլետ Վլադիքան եւ Հիլդա Աղախանեանը:

Յունւարի 26-ի արշաւին այցելեց Կրթական խորհրդի ատենապետ Սեւան Դանիէլեանը:

Արշաւների փակումից յետոյ աշակերտները խմբական լուսանկարւելուց յետոյ ժամը 3-ին թողեցին մարզաւանը:

Ինչպէս միշտ, յատուկ շնորհակալութեան խօսք պէտք է ուղղել յանձնախմբին օժանդակող բոլոր ծնողներին, անհատներին եւ ի մասնաւորի «Արարատ» մարզաւանի պատասխանատուներին:

Թ. Հ. Թ. Կրթական խորհուրդ

 

 

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com