Նոյեմբերի 21-ը տօնն է «Ս. Աստւածածնայ Երից ամաց ի տաճարն ընծայման»: 

Աստւածածնայ նւիրւած վերոյիշեալ տօնին է համընկնում Ս. Աստւածածին Եկեղեցու անւանակոչութեան տօնը: 

Այս առիթով կիրակի 20 նոյեմբեր 2016-ի տեղի ունեցաւ հանդիսաւոր ս. Պատարագ մատոյց:

Այս տարի Ս. Աստւածածնայ Երից ամաց ի տաճարն Ընծայման Տօնի առիթով, երկօրեայ ուխտագնացութիւն և կրօնական յատուկ  արարողութիւններ կատարւեցին Թեհրանի Ս. Աստւածածին եկեղեցում, նոյեմբերի 19 և 20-ին:

Շաբաթ երեկոյեան, հսկումի արարողութեան և կիրակի առաւօտեան ժամերգութիւնից յետոյ, Սուրբ և Անմահ Պատարագը մատոյց և յաւուր պատշաճի քարոզեց Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Եկեղեցին ողողւել էր ուխտաւորներով և հաւատացեալ ժողովրդով, որոնք եկել էին վերակենսաւորելու իրենց քրիստոնէական հաւատն ու կապւածութիւնը եկեղեցուն, նաև լսելու օրւայ պատգամը:

Իր խօսքերի սկզբում, Առաջնորդ Սրբազանը նախ բացատրեց տօնակատարութեան առիթը՝ «Քրիստոնէական եկեղեցին նոյեմբերի 21-ին մեծ հանդիսութեամբ, աղօթքով և պատարագի մատուցմամբ, տօնում է Ս. Աստւածածնի 3 տարեկանում տաճարին ընծայման օրը: Ծնողները նրան տաճար ընծայեցին, որպէսզի Աստծոյ ներկայութեամբ և օրհնութեամբ մեծանայ»: 

Իր քարոզի միւս բաժնում Առաջնորդ Սրբազանն աւելացրեց՝ «Աստւածամայրը, Քրիստոսի փրկագործական առաքելութեան մէջ եղաւ միջնորդ, որով օրհնութիւն շնորհեց մարդկութեան: Քրիստոնէական եկեղեցում Աստւածամօր դերն անփոխարինելի է իբրև Նոյան Տապան, որով փրկութիւն շնորհեց մարդկութեան»: «Աստւածամօրը նւիրւած տօները մեր եկեղեցում առիթ են, որպէսզի մենք մտածենք իր կեանքի մասին. և հաւատացած ենք, որ ինքը եղաւ հաւատքի ախոյեանը: Երբ Աստւածամօր անունն ենք տալիս, մտաբերում ենք և մեր գիտակցութեան մէջ վերընկուղում ենք հաւատքի կայծն և ճառագայթը, որպէսզի իրանով զօրացած, առաւել ամուր կառչենք մեր առաքելութեան և եկեղեցուն»:

Սրբազան Հայրը շեշտեց՝ «Մեր ժողովուրդը, իր չարչարանքներով և ուրախութիւններով, որևէ մէկ ժողովրդից աւելի ունեցաւ Աստւածամօր կեանքը, չարչարանքներ կրեց երբ մահւան դուռ էր գնում, բայց ապրեց գերագոյն երջանկութիւնը և ուրախութիւնը երբ տեսաւ իր հայրենիքի անկախութիւնը, ցեղասպանութիւնից 3 տարիներ անց»:

Իր քարոզի վերջում, Սրբազան Հայրը ներկայացրեց Ս. Պատարագին ներկայ, Ամերիկայի Միացեալ Նահանգներից և Կանադայից Իրան ժամանած Մենոնայթ եկեղեցու հետևորդներից մի խումբ հաւատացեալների:

Եկեղեցական արարողութեան աւարտին, Ս. Աստւածածին եկեղեցու եկեղեցական խորհրդի միջոցով կազմակերպւել էր ճաշկերոյթ Հ. Կ. Բ. Եկեղեցասէր Միութեան սրահում: Ընդունելութեան հրաւիրւած էին Առաջնորդ Սրբազան հայրն ու Առաջնորդական Փոխանորդ Սրբազան հայրը, քահանայ հայրերը, միւս եկեղեցիների եկեղեցական խորհրդների և դպրաց դասի անդամները, ազգային մարմինների անդամներից և պատարագին մասնակցող արտասահմանեան հիւրերը: 

Գեղարւեստական յայտագրով յագեցւած էր ճաշկերոյթը: Յայտագրի վերջում օրւայ տօնի առիթով արտայայտւեց Սրբազան հայրը և գնահատելով կազմակերպողներին և Ս. Աստւածածին Եկեղեցու եկեղեցական խորհրդին:

{gallery}201611/2016112101{/gallery}