Սեպտեմբերի 28-ից հոկտեմբերի 3-ը 2023թ., Հնդկաստանի Քոթայ քաղաքում (Քերելա նահանգ) գումարւեց Ասիայի եկեղեցիների խորհրդի 15-րդ համաժողովը, որի ընթացքում քննարկւեցին գործադիր վարչութեան, ընդհանուր քարտուղարութեան եւ միւս միաւորների անցեալ ութ տարիների գործունէութիւնը: Յիշեալ համաժողովին մասնակից էր նաեւ Թեմիս Առաջնորդ Գերշ. Տէր Սեպուհ Ս. Արք. Սարգսեանը ընկերակցութեամբ Բարեշնորհ Սարկաւագուհի Անի Քրիստի Մանուէլեանի:

Համաժողովում, Սրբազան Հայրը, որպէս ժողովական իր ելոյթն ունեցաւ եւ իր ժողովին փոխանցեց իր պատգամը՝ ընդգծելով Արցախի մեր ժողովրդի ներկայ աղէտալի վիճակը եւ ժողովականներին յանձնարարելով յատուկ կոչով դատապարտել թուրքիայի եւ ադրբեջանի վայրագ վերաբերմունքը հայ ժողովրդի նկատմամբ։

Կիրակի, հոկտեմբերի 1-ին, ժողովականները մասնակցեցին տեղական եկեղեցիների կիրակնօրեայ պատարագի արարողութիւններին: Գերշ. Տ. Սեպուհ Ս. Արք. Սարգսեանը եւ մեր եկեղեցու պատւիրակ՝ Բարեշնորհ Սարկաւագուհի Անի Քրիստի Մանուէլեանը մասնակցեցին Հնդիկ ուղղափառ եկեղեցու պատարագին, որի ընթացքին քարոզեց Սեպուհ Սրբազանը։

Ժողովը ընտրեց նաեւ նորընտիր գործադիր վաչութիւնը (Executive committee)՝ յաջորդ 5 տարիների համար կազմւած քսան անդամից եւ իր աշխատանքն աւարտեց հոկտեմբերի 3-ին, յատուկ ընկերային հաւաքոյթով։

Նշել է, որ Անի Քրիստի սարկաւագուհին իր մասնակցութիւնը բերեց փակման օրւայ աղօթքի արարողութեանը՝ կադալով Եսայի մարգարէի գրքից 65-րդ գլխի 17-25 համարները։

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ