Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՊՈՒՄ ԿՐԹԱԿԱՆ ԽՈՐՀՐԴԻ ՀԵՏ

Չորեքշաբթի, 20 սեպտեմբեր 2023 թւականին, Թեմական խորհրդի ատենապետ ճրտպ. Նորայր Արամեանը, ներկայութեամբ նոյն խորհրդի ներկայացուցիչներ՝ տկն. Լինդա Ղարախանեանի եւ պրն. Արէն Յովսէփեանի, Ազգ. Առաջնորդարանի դահլիճում հանդիպում ունեցաւ Կրթական խորհրդի ներկայացուցիչների հետ:

Հանդիպման սկզբում պրն. Նորայր Արամեանը անդրադարձ ունեցաւ Արցախում տիրող ողբերգական իրադարձութիւններին եւ ժողովականներին հրաւիրեց մէկ րոպէ յոտնկայս լռութեամբ յարգել նահատակների յիշատակը:

Հանդիպման նպատակն է եղել՝ 2023-2024 ուսումնական տարւայ նախաշեմին, տեղեկանալ դպրոցների վերաբացման աշխատանքների ընթացքի եւ հնարաւոր դժւարութիւնների մասին, որոնց կապակցութեամբ ընդհանուր զեկոյց ներկայացւեց Կրթական խորհրդի ատենապետ Ալֆրէդ Կարապետեանի միջոցով:

Հանդիպման հիմնական օրակարգում անդրադարձ կատարւեց դպրոցներում արձանագրւած աշակերտութեան թւային պատկերին, որն ըստ տւեալների՝ համեմատական կարգով, նախորդ տարիներից տոկոսային թեթեւ նւազում է ունեցել: Սակայն նշւեց, որ մի քանի դպրոցներում դասարնների թիւը Կրթադաստիարակչութեան կողմից սահմանւած չափանիշներին համապատասխան չլինելու պատճառով, «Սիդա» ծրագրում դասարանների գրանցման համար առկայ են դժւարութիւններ, որին հետամուտ է Կրթական խորհուրդը: Նա յաւելեց, որ ներկայումս՝ բոլոր տւեալները նկատի ունենալով, ուսումնասիրւում են թէ՛ դպրոցների եւ թէ՛ մանկապարտէզների յառաջիկայ ուսումնական տարեշրջանի կրթաթոշակների գումարը, որը կը ներկայացւի իրական պատկերի ձեւաչափով: Պրն. Կարապետեանը իրազեկեց, որ 2022-2023 ուսումնական տարեշրջանում կրթաթոշակների գանձումը, տոկոսային բարձր պատկեր է արձանագրել, սակայն այդուամենայնիւ Թեմական խորհրդի կողմից դպրոցներին եւ մանկապարտէզներին տրամադրւած սուբսիդը կազմել է շուրջ 76.-միլիարդ ռիալ:

Պրն. Նորայր Արամեանը իր արտայայտութիւնների ընթացքում, կարեւորութեամբ անդրադարձաւ կրթական ոլորտին առնչւող աշխատանքներին եւ վստահեցրեց, որ Թեմական խորհուրդը բոլոր դժւարութիւններով հանդերձ՝ աշխատում է հնարաւորութեան սահմաններում նեցուկ հանդիսանալ դպրոցներին եւ դժւարութիւնները մեղմացնելով ապահովել եւ բարելաւել հայկական դպրոցների կրթական մակարդակը, որն իր կարեւորութեամբ միշտ առաջնահերթ է համարւել: Սակայն այնուամենայնիւ ընդգծեց, որ ներկայ դրութեամբ դպրոցների եւ մանկապարտէզների վերադասաւորումը հրամայական եւ անխուսափելի օրակարգ է, որի նպատակն է ոչ միայն ծախսերի նւազումը, այլ նաեւ այն հանգամանքը, որ հնարաւոր կը դառնայ կենտրոնացած համակարգում աւելի լաւ հնարաւորութիւններ տրամադրել եւ երաշխաւորել դպրոցների կրթութեան մակարդակն ու որակի բարձրացումը:

Ընթացքում անդրադարձ եղաւ Հայոց պատմութեան իրական երեւոյթների պահպանման առնչւող մարտահրաւէրներին, ինչը յոյժ կարեւոր է ազգային ինքնութեան ամրապնդման եւ ազգային իրաւունքների պաշտպանման համար, քանի որ ըստ հնչած արտայայտութիւնների հայեցի դաստիարակութեամբ մեծացած հայն է յանձնառութիւն զգում հայօրէն գոյատեւելու եւ հայապահպանման սուրբ աշխատանքին լծւելու: Այս ուղղութեամբ ուսման մակարդակին զուգահեռ Հայոց դպրոցներում կարեւորւում է նոր սերունդը ազգային արժէքներով եւ հայեցի դաստիարակութեամբ սնելու հրամայականը, որի համար հարկաւոր է աչալրջօրէն հետամուտ լինել եւ նոր ծրագրեր մշակել:

Հանդիպման աւարտին պրն. Նորայր Արամեանը բարձր գնահատեց Կրթական խորհրդի անձնակազմի հետեւողական աշխատանքը եւ յաջողութիւն մաղթեց ապագայ աշխատանքներին:

Ազգային Առաջնորդարանի Հանրային կապ

ՏՕՆԵՐ

Կրօնական Տօների Օրացոյց


Չորեքշաբթի 14 Փետրւարի 2024;
Տօն Տեառնընդառաջի

Կիրակի 18 Փետրւարի 2024;
Արտաքսման կիրակի

Կիրակի 25 Փետրւարի 2024;
Անառակի կիրակի (Մեծ պահքի երրորդ կիրակի)

Կիրակի 03 Մարտի 2024;
Տնտեսի կիրակի (Մեծ պահքի չորրորդ կիրակի)

Կիրակի 10 Մարտի 2024;
Դատաւորի կիրակի (Մեծ պահքի հինգերորդ կիրակի)

Շաբաթ 16 Մարտի 2024;
Տօն Սրբոյն Գրիգոր Լուսաւորչին մերոյ սոսկալի չարչարանացն եւ մտանելոյն ի վիրապն

Կիրակի 17 Մարտի 2024;
Գալստեան կիրակի

Շաբաթ 23 Մարտի 2024;
Ղազարոսի յարութիւն

Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Ուրբաթ 16 Փետրւարի 2024;
Ե օր Մեծի Պահոց ԵՐԿՐՈՐԴ ՕՐԷՆՔ 6.4‐7.10։ Յոբ 6.2‐7.13։ Եսայի 40.1‐8։

Շաբաթ 17 Փետրւարի 2024;
Զ օր Մեծի Պահոց։ Սրբոյն Թէոդորոսի զօրավարին Իմաստութիւն Սողոմոնի 8.19-9.5։ Եսայի 62.6-9։ Հռոմէացիներ 8.28-39։ ԱՒԵՏԱՐԱՆ ԸՍՏ ՄԱՏԹԷՈՍԻ 10.16-22։

Կիրակի 18 Փետրւարի 2024;
Բ կիր. Քառասնորդական Պահոց (Արտաքսման) ԱՒԵՏԱՐԱՆ ԸՍՏ ՂՈՒԿԱՍԻ 4.43-5.11 ԵՍԱՅԻ 33.2-22 ՀՌՈՄԷԱՑԻՆԵՐ 12.1-13.10 ԱՒԵՏԱՐԱՆ ԸՍՏ ՄԱՏԹԷՈՍԻ 5.17-48

Երկուշաբթի 19 Փետրւարի 2024;
Ը օր Մեծի Պահոց Ա Թագաւորաց 1.1‐23։ Առակներ 1.1‐33։ Երեմիա 1.1‐10։

Երեքշաբթի 20 Փետրւարի 2024;
Թ օր Մեծի Պահոց Ա Թագաւորաց 1.23‐2.26։ Առակներ 2.1‐3.10։ Երեմիա 1.11‐2.3։

Չորեքշաբթի 21 Փետրւարի 2024;
Ժ օր Մեծի Պահոց Ելք 2.11‐22։ Յովել 2.1‐11։ Միքիա 4.1‐7։

Հինգշաբթի 22 Փետրւարի 2024;
ԺԱ օր Մեծի Պահոց Ա Թագաւորաց 3.21‐4.18։ Առակներ 3.11‐4.14։ Երեմիա 2.31‐3.16։

Ուրբաթ 23 Փետրւարի 2024;
ժԲ օր մեծի պահոց ԵՐԿՐՈՐԴ ՕՐԷՆՔ 7.11‐8.1։ Յոբ 9.1‐10.2։ Եսայի 40.9‐17։

Շաբաթ 24 Փետրւարի 2024;
ԺԳ մեծի պահոց ԵՐԿՐՈՐԴ ՕՐԷՆՔ 7.11‐8.1։ Յոբ 9.1‐10.2։ Եսայի 40.9‐17։

Կիրակի 25 Փետրւարի 2024;
Անառակի կիրակի,ժդ օր մեծի պահոց Եսայի 54.11-55.13։ Բ Կորնթացիներ 6.1-7.1։ ԱՒԵՏԱՐԱՆ ԸՍՏ ՂՈՒԿԱՍԻ 15.1-32։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ