Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ԴԻՐԻԺՈՐ՝ ՄԱՅԵՍՏՐՕ ՌԱԶՄԻԿ ՕՀԱՆԵԱՆԻ ՂԵԿԱՎԱՐՈՒԹԵԱՄԲ ՅՈԲԵԼԵԱՆԱԿԱՆ ՔԱՌԱՁԱՅՆ ԵՐԳՉԱԽՈՒՄԲԸ՝ ԵԼՈՅԹ ԿՈՒՆԵՆԱՅ Ս. ՍԱՐԳԻՍ ԵԿԵՂԵՑՈՒ 50-ԱՄԵԱԿԻՆ ՆՒԻՐՒԱԾ ՅՈԲԵԼԵԱՆԱԿԱՆ ՁԵՌՆԱՐԿԻՆ

Յառաջիկայ ուրբաթ, 12 մայիս 2023 թւականին, հովանաւորութեամբ եւ նախագահութեամբ Թեմիս Առաջնորդ գերշ. Տ. Սեպուհ Ս. Արք. Սարգսեանի տեղի է ունենալու Ս. Սարգիս առաջնորդանիստ մայր եկեղեցու օծման 50-ամեակին նւիրւած յոբելեանական ձեռնարկը:

 Այս օրերին, ծրագրի կազմակերպման աշխատանքների շարանում մեծ սիրով եւ պատրաստակամութեամբ՝ ի շարունակութիւն երկամսեայ փորձերի կայանում են դիրիժոր՝ մայեստրօ Ռազմիկ Օհանեանի ղեկավարութեամբ՝ Յոբելեանական քառաձայն երգչախմբի գլխաւոր փորձերը՝ եկեղեցու օծման 50-ամեակին նւիրւած ձեռնարկին ելոյթ ունենալու համար:

Նշելի է, որ Մայեստրօն ակտիւ մասնակցութիւն եւ համագործակցութիւն է ցուցաբերում համայնքում տեղի ունեցող հոգեւոր ձեռնարկներին: Դրա վառ ապացոյցն է իր ղեկավարութեամբ երգչախմբի փայլուն ելոյթը՝ թեմիս առաջնորդ գերշ. Ս. Սեպուհ Ս. Արք. Սարգսեանի Ձեռնադրութեան 25-ամեակի միջոցառման գեղարւեստական յայտագրում, որը տպաւորիչ էր եւ բուռն արձագանք ունեցաւ:

Նշելի է, որ Իրանահայ անւանի երաժիշտ, գեղարւեստական ղեկավար եւ դիրիժոր՝ մայեստրօ Ռազմիկ Օհանեանը ծնւել է 1959 թւականին Թեհրանում: Փոքր տարիքից մեծ սիրով հետեւել է երաժշտութեան եւ աւարտել է Երեւանի «Կոմիտաս»-ի անւան Պետական Կոնսերւատորիայի Սիմֆոնիկ նւագախմբի դիրիժորութեան բաժինը Դոկտորայի մակարդակով։

2017 թւի մայիս 24-ին, պարգեւատրւել է Հայաստանի Հանրապետութեան Մովսէս խորենացու շքանշանով, երաժշտարւեստի բնագաւառում ներդրած աւանդի համար։

Մայեստրօ Ռազմիկ Օհանեանը եղել է Իրանի մշակոյթի նախարարութեան երգչախմբի գեղարւեստական ղեկավար եւ դիրիժոր: Նա Իրանի մշակոյթի նախարարութեան արւեստագէտների բարձրագոյն խորհրդի կողմից արժանացել է առաջին կարգի երաժշտի դիպլոմի՝ դոկտորայի կոչումով եւ իր երաժշտական ծաւալուն գործունէութեան հիմունքով 2020 թւի դեկտեմբերին արժանացել է Իւնեսքոյի Խաղաղութեան եւ ընկերութեան համաշխարհային խմբի դիպլոմին։

Նոր Ձեռքբերումներ եւ յաջողութիւններ ենք մաղթում Մայեստրօ Ռազմիկ Օհանեանին: Յուսանք, որ դեռ երկար տարիներ պիտի վայելենք իր ներկայութիւնը եւ համագործութիւնը համայնքիս մշակութային ոլորտին առնչւող աշխատանքներում:

Ազգային Առաջնորդարանի Հանրային կապ

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ