Ճրագալոյցի եւ Ս. Յարութեան տօների առիթով, Թեմիս Առաջնորդ Գերշ. Տ. Սեպուհ Ս. Արք. Սարգսեանը ընդունել է շնորհաւորանքի այցելութիւններ:

Հինգշաբթի, 6 ապրիլ 2023 թւականին, Սրբազան Հայրն իր գրասենեակում ընդունեց «Ս. Մարիամ Աստւածածին» բարեգործական կենտրոնի ներկայացուցիչներ՝ տկն. Ադրինէ Տէր-Ղուկասեանին եւ օր. Կարինէ Ղուկասեանին, ովքեր եկել էին շնորհաւորութեան այցելութիւն տալու Սրբազան Հօրը՝ Ս. Յարութեան տօնական օրերի առիթով:

Սրբազան Հայրը ողջունեց եւ գնահատեց իրենց այցելութիւնը եւ յաջողութիւն մաղթեց նրանց:

Նոյն առիթով շաբաթ, 8 ապրիլ 2023 թւականին Սրբազան Հօրը այցելեցին քաղաքիս «Բաբա Նորուզ» հրուշակեղէնի սեփականատէր՝ պրն. Կարօ Բեհզադեանի որդին եւ դուստրը, ովքեր իրենց շնորհաւորանքը փոխանցեցին՝ Սրբազան Հօրը նւիրելով հրուշակեղէնի արտադրանքներից՝ երկու պասկա:

Սրբազան Հայրը ողջունեց եւ մեծապէս գնահատեց նրանց ազնիւ վերաբերմունքը եւ յաջողութիւն մաղթեց իրենց:

Ազգային Առաջնորդարանի Հանրային կապ