Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՀԱՆԴԻՊՈՒՄ՝ ԿՐԹԱԿԱՆ ԽՈՐՀՐԴԻ ՄՇԱԿՈՒԹԱՅԻՆ ՅԱՆՁՆԱԽՄԲԻ ԵՒ ՀԱՅՈՑ ԴՊՐՈՑՆԵՐԻ ՓՈԽՏԵՍՈՒՉՆԵՐԻ ՈՒ ԾՆՈՂԱԿԱՆ ԽՈՐՀՈՒՐԴՆԵՐԻ ՄԻՋԵՒ

Կրթական խորհրդի Մշակութային յանձնախմբի անդամները, աշակերտների մօտ առկայ մշակութային նախասիրութիւնները պարզելու եւ դպրոցներում մշակութային կեանքն աշխուժացնելու նպատակով, հարցաթերթիկներ էին պատրաստել դպրոցների փոխտեսուչների եւ աշակերտների համար եւ լրացւած հարցաթերթիկների միջոցով կատարել են ուսումնասիրութիւններ, որոնց արդիւնքները ներկայացնելու եւ քննարկելու նպատակով ցանկութիւն էին յայտնել հանդիպում ունենալ հայոց դպրոցների փոխտեսուչների եւ ծնողական խորհրդի անդամների հետ:

Չորեքշաբթի թւականիս յուլիսի 20-ին, «Թունեան» տարր. դպրոցում տեղի ունեցաւ հանդիպում, որին ներկայ էին՝ Կրթական խորհրդի փոխատենապետ Կարինէ Բալըքճեանը եւ նոյն խորհրդի անդամ՝ Կարինէ Մանուչերեանը, Կրթական խորհրդի Մշակութային յանձնախմբի անդամները, հայոց դպրոցների փոխտեսուչները եւ ծնողական խորհուրդների անդամները:

Հանդիպումն սկսւեց փոխատենապետի խօսքով, ով հակիրճ ներկայացրեց սոյն հանդիպման կարեւորութիւնը, ընդգծելով յանձնախմբի երկար տարիների աւանդը՝ որ յանձնախումբը միշտ ամուր օղակ է հանդիսացել դպրոցների եւ մշակութային տարբեր բնագաւառների միջեւ, աշակերտին մղելով դէպի ազգայինն ու մշակութայինը: Նա իր խօսքի աւարտին շնորհակալութիւն յայտնեց ներկաներից, «Թունեան» տարր. դպրոցի ծնողական խորհրդի անդամներից սոյն հանդիպմանը օժանդակելու համար:

Հանդիպման ընթացքում տեղի ունեցած տարբեր քննարկումներից յետոյ, թէ յանձնախմբի անդամները, եւ թէ դպրոցների ներկայացուցիչները եկան այն եզրահանգման, որ առանձին-առանձին դպրոցներում իրականացւում են տարբեր միջոցառումներ, ազգային ու կրօնական տօներ, անգամ դպրոցներ կան, որոնք ունեն իրենց երգչախումբը, թատերախումբը եւ այլն, սակայն սահմանափակւելով միայն իրենց դպրոցում ներկայանալու հնարաւորութեամբ, այդ աշխատանքները գրեթէ մնում են աննկատ, հետեւաբար անհրաժեշտութիւն է առաջանում աւելի մեծ մշակութային ձեռնարկների, միասնական աշխատանքների եւ արշաւների կազմակերպման, որոնք առաւել զարկ կը տան եւ կաշխուժացնեն մշակութային կեանքը դպրոցներում։

Յանձնախմբի կողմից փոխտեսուչներին առաջարկւեց՝ ի յայտ բերել լաւ ձայնային տւեալներ ունեցող աշակերտներին եւ քաջալերել նրանց անդամակցելու Կրթական խորհրդի «Նոր ձայներ» երգչախմբին:

ԿՐԹԱԿԱՆ ԽՈՐՀՈՒՐԴ

 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Երեքշաբթի 20 Սեպտեմբերի 2022;
Սրբոց կուսանացն Փեփրոնեայ, Մարիանեայ եւ Շուշանայ` դստերն Մեծին Վարդանայ Առակներ 23.15-25։ Օսէէ 14.6-8։ Բ Կորնթացիներ 6.16-7.1։ ԱՒԵՏԱՐԱՆ ԸՍՏ ՂՈՒԿԱՍԻ 6.20-23։

Չորեքշաբթի 21 Սեպտեմբերի 2022;
Պահք Բ Կորնթացիներ 11.10-23։ ԱՒԵՏԱՐԱՆ ԸՍՏ ՄԱՐԿՈՍՒ 10.17-23։

Հինգշաբթի 22 Սեպտեմբերի 2022;
Սրբոց հայրապետացն Բարաղամու, Անթիմոսի եւ Երանոսի Իմաստութիւն Սողոմոնի 10.9-12։ Մաղաքիա 2.5-7։ Ա Պետրոս 5.1-7։ Յհ 10.11-16։

Ուրբաթ 23 Սեպտեմբերի 2022;
Պահք Բ Կորնթացիներ 11.30-12.9։ ԱՒԵՏԱՐԱՆ ԸՍՏ ՄԱՐԿՈՍՒ 10.28-33։

Շաբաթ 24 Սեպտեմբերի 2022;
Սրբոցն Գէորգայ զօրավարին, Ադոկտոսի եւ Ռոմանոսի երգեցողին Իմաստութիւն Սողոմոնի 8.19-9.5։ Եսայի 42.1-8։ Բ Կորնթացիներ 1.3-7։ ԱՒԵՏԱՐԱՆ ԸՍՏ ՂՈՒԿԱՍԻ 12.2-9։

Կիրակի 25 Սեպտեմբերի 2022;
Գ կիրակի զկնի Ս. Խաչին: Տօն է Վարագայ Սրբոյ Խաչի ԱՌԱԿՆԵՐ 3.18-26։ Եսայի 65.22-25։ Գաղատացիներ 6.14-18։ ԱՒԵՏԱՐԱՆ ԸՍՏ ՄԱՏԹԷՈՍԻ 24.30-36։

Երկուշաբթի 26 Սեպտեմբերի 2022;
Սրբոյն Դաւթի Դւնեցւոյն եւ սրբոց վկայիցն Ղամբէոսի եւ Ղամբէուհւոյն ԱՌԱԿՆԵՐ 13.1-7։ Միքիա 7.18-20։ ԹՈՒՂԹ ԵԲՐԱՅԵՑԻՆԵՐԻՆ 12.1-7։ ԱՒԵՏԱՐԱՆ ԸՍՏ ՂՈՒԿԱՍԻ 13.22-30։

Երեքշաբթի 27 Սեպտեմբերի 2022;
Սրբոցն Եւստաթէոսի եւ կնոջ նորա Թէոփիստեայ եւ երկուց որդւոցն եւ սրբոց կուսանացն Երմոնեայ եւ Նեքտարինեայ Ողբ 3.22-56։ Բ Տիմոթէոս 3.10-15։ ԱՒԵՏԱՐԱՆ ԸՍՏ ՄԱՏԹԷՈՍԻ 5.1-12։

Չորեքշաբթի 28 Սեպտեմբերի 2022;
Պահք Բ Կորնթացիներ 12.10-18։ ԱՒԵՏԱՐԱՆ ԸՍՏ ՄԱՐԿՈՍՒ 10.35-45։

Ուրբաթ 30 Սեպտեմբերի 2022;
Պահք Բ Կորնթացիներ 12.19-13.4։ ԱՒԵՏԱՐԱՆ ԸՍՏ ՄԱՐԿՈՍՒ 11.15-25։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ