Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



«ՄԱՏԵՆԱԴԱՐԱՆԻ ՂԱՋԱՐԱԿԱՆ ԱՐՒԵՍՏԻ ՆՄՈՒՇՆԵՐԸ» ԳԻՐՔ-ԱԼԲՈՄԻ ՇՆՈՐՀԱՆԴԷՍ

Երեքշաբթի թւականիս յունիսի 28-ին, Թեհրանի «Արտակ Մանուկեան» ազգային թանգարանում տեղի ունեցաւ Երեւանի Մատենադարանի Արեւելագիտութեան բաժնի աւագ գիտաշխատող Իւետ Թաջարեանի՝ «Մատենադարանի ղաջարական արւեստի նմուշները» գիրք-ալբոմի շնորհանդէսը։ Աշխատանքում ընդգրկւած են թւով 20 ձեռագրից մօտ 100 մանրանկարներ եւ խեժապատ ստեղծագործութիւններ: Արւեստի ներկայացւած նմուշները լիովին ընդգրկում եւ լաւագոյնս պատկերում են ղաջարական ժամանակաշրջանի իրանական մանրանկարչութեան ինքնատիպութիւնը: Միջոցառումը մեկնարկեց ազգային թանգարանի տնօրէն Ալիս Շահմուրադեանի ողջոյնի խօսքերով, ով անդրադարձաւ նաեւ թանգարանի աշխատանքներին:

Գրքի մասին համապարփակ բացատրութիւն փոխանցեց հեղինակ Իւետ Թաջարեանը, ընդգծելով, որ հայերէնով, անգլերէնով եւ պարսկերէնով լոյս տեսած եռալեզու սոյն աշխատանքի մէջ հաւաքագրւած են Մատենադարանում առկայ Իրանի ղաջարական ժամանակաշրջանի նկարազարդ լաւագոյն ձեռագրերից մի ծաղկաքաղ: Նա ընդգծեց, որ գիրքը հրատարակւել է Ռուսաստանից «Վիկտորիա» հիմնադրամի հովանաւորութեամբ եւ Գայիանէ Գէորգեանի ջանքերով, շատ քիչ տպաքանակով եւ մտադրութիւն կայ վերահրատարակել աշխատութիւնը, քանզի գիրքը յուշում է Իրան–Հայաստան սերտ կապերի մասին: Նա նշեց. «Ես փորձել եմ, որպէս իրանահայ իմ ներդրումը ունենալ այս գրքի կազմաւորման մէջ, ձեռագրերի հաւաքագրման եւ ուսումնասիրման հարցով»:

Գրքի շնորհանդէսին ելոյթներով հանդէս եկան՝ Իրանում ԻԿՕՄ-ի պատասխանատու Մոհիթ Թաբաթաբային, Իրանում ՀՀ դեսպանութեան դիւանագէտ Գարիկ Գրիգորեանը, Թ.Հ.Թ. Թեմական խորհրդի փոխատենապետ Վահէ Թարոյեանը, իսկ եզրափակիչ խօսքով Թեհրանի հայոց թեմի առաջնորդ Տ. Սեպուհ արք. Սարգսեանը:
Սրբազան Հայրն իր ելոյթի ընթացքում կարեւորելով կատարւած աշխատանքը եւ բարձր գնահատելով հեղինակին, գիրքը բացայայտ օրինակը համարեց Իրան-Հայաստան մշակութային եւ պատմական սերտ կապերի եւ կարեւորեց Իրանում հայկական կոթողների նկատմամբ Իրանի կառավարութեան անվերապահ ուշադրութիւնը, ընդգծելով, որ թէ՛ արեւմտեան Հայաստանում, եւ թէ՛ այսօր Արցախում ցաւօք թուրքերն ու ադրբեջանցիները աւերում են հայկական կոթողները: Սրբազան Հայրը գնահատանքով անդրադարձաւ Իրանի նման բարեացակամ մօտեցման մասին եւ հրատարակւած գիրքը համարեց երկու ժողովրդի հոգեկան, մշակութային, մտաւորական կապը եւ գովեստով անդրադարձաւ գրքի հեղինակ Իւետ Թաջարեանի մասին:

Լուրը՝ «Ալիք»-ից

 

ԸՆԹԵՐՑՈՒՄՆԵՐ

Առօրեայ Աստւածաշնչեան ընթերցումներ




Շաբաթ 14 Յունւարի 2023;
Տօն Ծննդեան Ս. Յովհաննու Կարապետին Կարդալու տևողութիւն՝ 2 րոպէ: ԿԻՍՎԵԼ Առակներ 4.5-7։ Եսայի 40.3-5։ ԳՈՐԾՔ ԱՌԱՔԵԼՈՑ 13.25-33։ ԱՒԵՏԱՐԱՆ ԸՍՏ ՂՈՒԿԱՍԻ 1.57-58։

Կիրակի 15 Յունւարի 2023;
Ա Կիր. զկնի Ս. Ծննդեան Կարդալու տևողութիւն՝ 5 րոպէ: ԵՍԱՅՈՒ ՄԱՐԳԱՐԷՈՒԹԻՒՆԸ 54.1‐13, ԱՌԱՋԻՆ ԹՈՒՂԹԸ ՏԻՄՈԹԷՈՍԻՆ 1.1‐11, ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.1-11

Երկուշաբթի 16 Յունւարի 2023;
Սրբոցն Պետրոսի հայրապետին, Վլասայ եպիսկոպոսին եւ Աբիսողոմայ սարկաւագին 5 րոպէ: Իմաստութիւն Սողոմոնի 5.1‐8։ Բարուք 3.31‐4.4։ Հռոմէացիներ 8.28‐39։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 10.11‐16։

Երեքշաբթի 17 Յունւարի 2023;
Սրբոցն Անտօնի, Տրիփոնի, Պարսամայ եւ Ոնոփրիոսի ճգնաւորացն Կարդալու տեւողութիւն՝ 4 րոպէ: ԿԻՍՎԵԼ ԱՌԱԿՆԵՐ 21.15‐24։ ԵՍԱՅԻ 19.19‐21։ ԹՈՒՂԹ ԵԲՐԱՅԵՑԻՆԵՐԻՆ 11.32‐40։ ԱՒԵՏԱՐԱՆ ԸՍՏ ՄԱՏԹԷՈՍԻ 10.37‐42։

Չորեքշաբթի 18 Յունւարի 2023;
Պահք Կարդալու տևողութիւն՝ 4 րոպէ: ԿԻՍՎԵԼ Ա Տիմոթէոս 2.8-3.13։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.12-22։

Հինգշաբթի 19 Յունւարի 2023;
Սրբոցն Թէոդոսի թագաւորին եւ մանկանցն Եփեսոսի Կարդալու տևողութիւն՝ 4 րոպէ: Իմաստութիւն Սողոմոնի 6.2‐10։ Եսայի 45.1‐2։ Ա Տիմոթէոս 2.1‐7։ ԱՒԵՏԱՐԱՆ ԸՍՏ ՂՈՒԿԱՍԻ 7.1‐10։

Ուրբաթ 20 Յունւարի 2023;
Պահք Կարդալու տեւողութիւն՝ 4 րոպէ: Ա Տիմոթէոս 4.1‐12։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 2.23‐3.12։

Շաբաթ 21 Յունւարի 2023;
Սրբոց հայրապետացն Աթանասի եւ Կիւրղի Կարդալու տևողութիւն՝ 3 րոպէ: Առակներ 11.2-11։ Եսայի 61.3-7։ Եբրայեցիներ 13.7-9։ ԱՒԵՏԱՐԱՆ ԸՍՏ ՅՈՎՀԱՆՆԷՍԻ 16.33-17.8։

Կիրակի 22 Յունւարի 2023;
Բ կիր. զկնի Ս. Ծննդեան Կարդալու տևողութիւն՝ 5 րոպէ: Եսայի 58.13-59.7, Ա Տիմոթէոս 4.12-5.10, ԱՒԵՏԱՐԱՆ ԸՍՏ ՅՈՎՀԱՆՆԷՍԻ 3.13-21։

Երկուշաբթի 23 Յունւարի 2023;
Սրբոցն Կիրակոսի եւ մօրն Յուղիտայի, և սրբոց վկայիցն Գորդիոսի, Պօղիքտոսի եւ Գրիգորիսի Կարդալու տևողութիւն՝ 3 րոպէ: Առակներ 14․1-6։ Եսայի 60․8-9։ Զաքարիա 8.4-5։ Եբրայեցիներ 2․14-18։ Ղկ 9․44-48։

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ