Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



ՍԵՊՈՒՀ ԱՐՔ. ՍԱՐԳՍԵԱՆ` ԱԼՖՐԷԴ ՇԱՀՄԻՐԵԱՆԻՆ

Չգիտեմ ինչպէս սկսեմ …։
Գրասենեակում նստած, գրասեղանիս առաջ կարծում եմ, որ հիմա ներս ես մտնելու եւ ասես.«Սրբազան մի բան ուզում էք»։ Իզուր եմ դուռին նայում, միայն քո ստւերն եմ տեսնում եւ յանկարծ ժպտում եմ եւ դէմքդ ուրւագծւում է մի պահ. հեռաձայնի զանգը սթափեցնում է ինձ… սառն ու դառն իրականութիւն… Ալֆրէդը չկայ։ Չկայ իր պայծառ ու խնդումերես դիմագծով, իր քաղցր ժպիտով ու ծառայելու պատրաստակամ ոգիով։ Չկայ իր հաճելի ու դիւրահաղորդ ներկայութեամբ։


Քսաներկու տարւայ իմ առաջնորդական կեանքում Ալֆրէդը մնայուն ներկայութիւն էր առաջնորդարանում, տնում, այցելութիւններիս ընթացքին, տարբեր շրջաններին տւած հովւական այցելութիւններիս ընթացքին։

Բարի էր, ծառայասէր ու հաւատարիմ։ Բոլորի հետ ընկեր էր, մեծին թէ փոքրին եւ դրա համար բոլորն էլ սիրում ու յարգում էին իրեն։ Որպէս պաշտօնեայ պարտաճանաչ էր ու գաղտնապահ։

Իւրայատուկ սիրով կապւած էր Անթիլիասից եկող միաբաններին, ամէն ինչ անում էր, որ ուրախացնէր ու գոհացնէր նրանց. «Ինչ լաւ վարդապետներ են» ասում էր ամէն անգամ երբ գալիս ու գնում էին. մեր միաբաններն էլ կապւած էին իրեն փոխադարձ սիրով եւ յարգանքով։

Քաղցրալեզու ու հաճոյակատար անձնաւորութիւն էր Ալֆրէդը, որ իր ընկերոջ, իր նմանին եւ ընդհանրապէս ամենին ծառայելու, օգտակար լինելու պատրաստակամ էր. փոքրին հետ փոքր էր, մեծին հետ՝ մեծ։

Նկարագրային իր բարեմասնութիւնները արտայայտութիւնն են իր հաւատքին եւ սիրոյն։ Հաւատացեալ էր ու եկեղեցասէր։ Յաճախ Ս. պատարագին ներկայ էր լինում եւ Ս. Հաղորդութիւն էր ստանում։

Այո՛, Ալֆրէդը ամէն տեղ էր եւ ամենուն հետ էր. ցաւակից էր տառապեալին, վշտակից էր վշտահար հոգիներին եւ խնդակից էր ուրախացողների հետ։

Մարդը ծնւում, աշխարհ գալիս մերկ վիճակում եւ մերկ մեկնում այս աշխարհից։ Ծննդեան եւ մահւան արանքում երկարաձգւող ժամանակահատւածն արժեւորւում ու իմաստաւորւում է մարդու գործով եւ աշխատանքով։ Ալֆրէդը իր ապրած կեանքով կարողացաւ նւաճել այդ ժամանակահատւածը եւ գրաւել իր շրջապատի սէրն ու համակրանքը։

Վստահաբար Ալֆրէդը դեռ շատ երկար կենդանի է մնալու ոչ միայն իր հարազատների այլեւ բոլոր նրանց մէջ ովքեր ճանաչեցին ու յարաբերւեցին իր հետ իբրեւ հաւատաւոր ու հաւատարիմ ընկեր։ Երեւի որեւէ մէկից աւելի ես ճանաչեցի ու փոխադարձ սիրով ու հաւատարմութեամբ միմեանց վայելեցինք։

Այո՛, սիրելի Ալֆրէդ, դեռ շատ երկար մնալու ես իմ յիշողութեանս մէջ… խաղաղ ու հանգիստ հանգչի՛ր Ալֆրէդ ջան։

Թող այս քանի մը տողերը մխիթարութիւն լինեն քո տիկնոջ՝ Կարինէին, դստրիկիդ՝ Թենիին, ծնողքիդ, եղբայրներիդ եւ բոլոր քեզ սիրողներին։


ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

2 Հոկտեմբեր 2021
Թեհրան

ՏՕՆԵՐ

Կրօնական Տօների Օրացոյց


Շաբաթ 23 Մարտի 2024;
Ղազարոսի յարութիւն

Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ