Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ



ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ՈՂՋՈՅՆ ՔԱՌԱՍՆԱՄԵԱՅ ՅԵՂԱՓՈԽՈՒԹԵԱՆ

Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ Աւելին, երբ այդ շարժման գերագոյն նպատակն է ժողովրդի կեանքի բարելաւումն ու բարգաւաճումն ու խաղաղութեան եւ արդարութեան ամրագրումը։

Բարեփոխական շարժումը վերածւում է յեղափոխութեան եւ ապա եղափոխութիւն դառնալով մնայուն շարժում ընկերութեան, հաւաքականութեան կեանքում։ Յարատեւ յեղափոխութիւնը ժողովուրդների կեանքը միշտ վերանորոգում ու կենսաւորում է։

Յեղափոխութիւնները դարերով եղել են դարաձակէտ, նոր կեանքի եւ առաքելութեան մեկնակէտ։

2019 թիւը յատկանշւում է Իրանի Իսլամական Յեղափոխութեամբ. Յեղափոխութիւն, որ իր ետին որպէս յենարան ունէր Յեղափոխութեան հաւատացող, նրանով ապրող մի ժողովուրդ։ Այո, ժողովրդական Յեղափոխութիւնը երկիրը առաջնորդեց դէպի իրական ժողովրդավարութիւն։

1978 խմորւող յեղափոխութիւնը 1979-ին վերածւելով համաժողովրդական ընդվզումի, տապալեց շահական բռնատիրական իշխանութիւնը եւ հիմը դրեց ժողովրդավարական սկզբունքներով մի իշխանութեան, որի հիմնական նպատակը եղաւ ժողովրդի բարօրութիւնն ու խաղաղ կեանքը։

Իսլամական այս արդարամէտ յեղափոխութեան առաջնորդը հանդիսացաւ հանգուցեալ Իմամ Խումէյնին, որ Փարիզի իր կեցութեան վայրից ղեկավարեց յեղափոխութիւնը եւ ապա Թեհրան ժամանելով ստանձնեց առաջնորդութիւնը ժողովրդական յեղափոխութեան, որ շուտով պատւաստւելու էր իսլամական կրօնի ուսուցումներով, վերածւելով Իսլամական Յեղափոխութեան։

Յաջողութեամբ յաղթանական Իսլամական Յեղափոխութիւնը շուտով պիտի ունենար իր թշնամիները, որոնք կայսերապաշտ երկրների գործակցութեամբ պիտի փորձէին ձախողեցնել Իսլամական Յեղափոխութիւնը։ Սրա ապացոյցը եղաւ Սատտամեան Իրաքի շղթայազերծած պատերազմը Իրանի դէմ։ Սակայն թշնամին չէր գիտեր որ օրօրոցի նորածին մանուկից մինչեւ ալեհեր ծերունին, պատանին, երիտասարդը, ուսուցիչն ու բժիշկը, երկրաչափն ու տանտիկինը բոլորը մէկ մարդու նման միասիրտ ու միակամ, կազմելով երկաթեայ շղթայ, թոյլ պիտի չտան թշնամուն իր նպատակներին հասնելու։

Իրանցի ժողովրդի համար երկու հիմնական սրբութիւններ են իր կրօնը եւ հայրենիքը, այս երկու հիմնական սրբութիւնների համար իրանցի քաղաքացին միշտ պատրաստ է եղել իր արիւնով իր հողը առաւել եւս սրբացնելու ու նւիրագործելու, որովհետեւ հաւատացել է Ղուրանի այն խօսքին, որ ասում է.- «Մի համարէք բոլոր նրանց ովքեր Աստծու ճանապարհին սպանւել են մեռելներ են, այլ նրանք կենդանի են ու վայելում Աստծու ներկայութիւնը»։

Իրանի Իսլամական Յեղափոխութեան հիմնադիր առաջնորդը հանգուցեալ Իմամ Խումէյնին իր յեղափոխութեամբ աշխատեց իրանցի ժողովրդին վերադարձնել իր ազգային արժանապատւութիւնն ու կրօնական ինքնուրոյնութիւնը եւ դրա համար նա դարձաւ սիրելի բոլորի կողմից։

Յեղափոխութեամբ կերպարանափոխւեց Իրանն ու Իրանի ժողովուրդը իր բոլոր քաղաքացիներով առանց խտրականութիւն. առաջին անգամ լինելով պատմութեան մէջ փոքրամասնութիւնների ազգային եւ կրօնական իրաւունքների պահպանումը ստացաւ իրաւական վիճակ. անկասկած որ սա Յեղափոխութեան մեծ նւաճումներից մէկն էր եւ հէնց այս իրողութեան որպէս գեղեցիկ վկայութիւն, Իրանի կրօնական եւ ազգային փոքրամասնութիւնները իրենց իրանցի եղբայրների եւ քոյրերի կողքին ութ տարիներ շարունակ, իրենց կեանքի գնով պաշտպանեցին Իրանը, պատերազմից յետոյ էլ իրենց աշխատանքով, ձեռքով, մտքով ու սրտով ինչպէս ժողովուրդն է ասում գործում են ի խնդիր Իրանի խաղաղութեան պաշտպան, արւեստների, ճարտարարւեստի, արդիւնաբերութեան, միջազգային փոխադրութեան առաւել զարգացման ու հարստացման։

Հայ համայնքը իր ղեկավարութեամբ եւ ողջ ժողովրդով կանգնած է Յեղափոխութեան առաջնորդի ու հանրապետութեան ղեկավարութեան կողքին եւ իր մեծ ներդրումն է բերել ու շարունակում է բերել Իրանի մշակութային ու արւեստի բոլոր բնագաւառներում։

Խաղաղութիւն հանգուցեալ Իմամի հոգիին.
Պայծառ, երկար ու առողջ կեանք Այաթուլլահ Ալի Խամէնէյին, Իսլամական Յեղափոխութեան հոգեւոր առաջնորդին.
Առաւել ուժ եւ կորով Հանրապետութեան նախագահին եւ իր կառավարութեան.
Փառք ու պատիւ Իրանի Իսլամական Հանրապետութեան բանակին, Յեղափոխութեան սպայակոյտին եւ վերջապէս
Փառք ու պատիւ իրանցի քաջարի, ազնիւ ու համբերատար ժողովրդին։

Կեցցէ Իրանի Իսլամական Հանրապետութիւնն ու Իսլամական Յեղափոխութիւնը։

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

29 Յունւար 2019
9 Բահման 1397

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com