ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Հանդիպում Սրբազան Պաշտպանութեան Թանգարանում

Երեքշաբթի սեպտեմբերի 25-ին Թ.Հ.Թ.ի Թեմական խորհրդի ատենապետ` Ռոբերտ Բեգլարեանի գլխաւորած պատւիրակութիւնը հանդիպում ունեցաւ Սրբազան Պաշտպանութեան Թանգարանում, նրա նիւթական բաժնի պատասխանատու՝ Հաջ Բաբայեանի հետ, որը կայացաւ թանգարանի շրջափակում:

Հանդիպմանը նախ ողջոյնի խօսք ասաց Հաջ Բաբայեանը, որը շեշտեց Իրանի ժողովրդի տարբեր խաւերի մասնակցութեանը ութ ամեայ պարտադրեալ պատերազմին: Շեշտեց իրանահայութեան բազմակողմանի դերակատարութեանը և յիշեց այն նահատակ զինւորներին, որոնք իրենց կեանքի գնով պաշտպանեցին իրենց երկիրը: Նա յատկապէս շեշտեց, որ թանգարանը հիմնւել է բոլորին, մասնաւորաբար երիտասարդ սերնդին, յիշեցնելու, որ այսօրւայ խաղաղ և անվտանգ կեանքը ձեռք է բերւել նահատակների զոհաբերութեան գնով:

Ռոբերտ Բեգլարեանը պատասխան խօսքում նախ դատապարտեց Ահւազի ահաբեկչութիւնը և ցաւակցութիւն յայտնեց զոհւածների կապակցութեամբ, ապա անդրադարձաւ պարտադրեալ պատերազմի օրերին իրանահայութեան դերակատարութեանը, եկրի ամբողջականութիւնը, անվտանգութիւնը և հզօրութիւնը պաշտպանելու գործում: Ապա նշեց, որ թանգարանում հայ նահատակ զինւորների յիշատակը յաւերժացնելու համար Թ.Հ.Թ. Թեմական Խորհուրդը պատրաստ է ամբողջական համագործակցութեան:

Վերյիշելով թանգարանի նախորդ տնօրէնի հետ անցեալ տարի ձեռք բերւած գործակցութեան համաձայնութեանը, նա շեշտեց, որ Հայ Անձնուրացների Յանձնախումբը այն մարմինն է, որ իրագործում է աշխատանքները:

Հանդիպմանը ներկայ էին նաև Թեմական Խորհրդի Բ. Ատենապետ՝ Վարուժ Յովհաննիսեանը, խորհրդի անդամ՝ Քրիստ Արզումանեանը, Հայ Անձնուրացների Յանձնախմբի անդամներ՝ Արտուշ Իսկանդարեանը և Գասպար Ամիրխանեանը, որոնք ևս իրենց ելոյթներում անդրադարձան համագործակցութեան իրականացման տարբեր եղանակներին:

Հարկ է նշել որ հանդիպումը կայացել էր Թանգարանի պատասխանատուների հրաւէրով:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com