Շաբաթ 1 սեպտեմբեր 2018-ի կէսօրին թեմիս առաջնորդ Գերշ. Տ. Սեպուհ Ս. Արք. Սարգսեան Առաջնորդարանի իր գրասենեակում հանդիպում ունեցաւ Թ. Հ. Թ. Թեմական Խորհրդի ատենապետ՝ Պրն. Ռոբերտ Բեգլարեանի, փոխ-ատենապետ՝ Պրն. Վարուժ Յովհաննիսեանի, Կրթական Խորհրդի ատենապետ՝ Տիկին Անէթ Բաղդասարեանի եւ Քրիստոնէական Դաստիարակութեան Յանձնախմբի ատենապետ՝ Օրդ. Անի Մանուկեանի հետ։

Հանդիպման հիմնական նպատակը համատեղ կերպով քննարկելն էր՝ մեր դպրոցների հետ կապւած հարցեր, յատկապէս կրօնի եւ Ադեանի դասանիւթերի եւ այդ նիւթերը դասաւանդող ուսուցիչների աշխատանքի եւ դասապահերի հետ։ Խօսւեց նաեւ դպրոցական 2018-2019 տարեշրջանի վերամուտի հետ կապւած հարցերի մասին։

Տիկին Անէթ Բաղդասարեանը ամփոփ զեկոյց տւեց նաեւ միջնակարգ ա եւ բ բաժինների դասարանների եւ աշակերտութեան թիւի մասին։

Սրբազան հայրը գնահատեց ներկայացւած ամփոփ զեկուցագիրը եւ յոյս յայտնեց, որ մենք յուսալից եւ օրհնաբեր ուսումնական տարեշրջան ենք ունենալու։