ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Այցելութիւն «Քահրիզաք» Բարեսիրական Կենտրոն

Թւականիս չորեքշաբթի 27 սեպտեմբերի առաւօտեան, Թեհրանի «Քահրիզաք »  Բարեսիրական Կենտրոնի տնօրինութեան հրաւէրով, Թ.Հ. Թեմի Կարիքաւորներին Օժանդակող Մարմնի «ԿՕՄ»-ի 7 անդամները, գլխաւորութեամբ Թեմիս Առաջնորդական Փոխանորդ՝ Գերշ. Տ. Մակար Ս. Եպս. Աշգարեանի և արժանապատիւ քահանահայրեր՝ Տ. Սահակ Խոսրովեանի ու Տ. Գրիգորիս Ներսիսեանի այցելեցին սոյն կենտրոն:

Հանդիպման սկզբում «Քահրիզաք»-ի տնօրէն՝ պրն. Սուֆինէժադը բարի գալուստ մաղթելով հիւրերին, յատուկ շեշտեց, որ պարծանք է իրենց համար Սրբազան հօր այցելութիւնը:

Պրն. Սուֆինէժադը շարունակելով, խօսեց «Քահրիզաք»-ի պատմականին և նշեց, որ այս կենտրոնի ստեղծման մտայղացումն առաջացել է հանգուցեալ իրանահայ բժիշկ՝ դոկտ. Արսէն Մինասեանի միջոցով, ով Գիլանում առաջին ծերանոցը կառուցեց, և որի արդիւնքում 1972 (1351) թւականին հիմնւեց «Քահրիզաք» Բարեսիրական Կենտրոնը: 

Այժմ «Քահրիզաք»-ն ունի 1790 մահճակալ և բաժանւած է 3 կենտրոնների՝ Ծերանոց, Մարմնա-մտային խանգարումներով և MS-ից տառապող բարդ իրավիճակի հիւանդների բաժին: Նա անդրադարձաւ նաև իրենց բարեսիրական կենտրոնի սկզբունքների ու նպատակների մասին:

Այնուհետև «ԿՕՄ»-ի ատենապետ՝ պրն. Մուշեղ Ծատրեանը կարևորելով նման հանդիպումները փոխյարաբերութիւնների սերտացման գործում, շնորհակալութիւն յայտնեց հրաւէրի համար և  բացատրութիւններ տւեց «Կ.Օ.Մ.»-ի աշխատանքների մասին:

Ապա Սրբազան Հայրն իր օրհնութեան խօսքն ուղղելով կենտրոնի բնակիչներին ու աշխատողներին, դրւատանքի խօսքեր ասաց նրանց, կենտրոնում գտնւող հիւանդներին ցուցաբերած խնամքի համար: 

Ընդունելութեան աւարտին, բոլորը միասին այցելեցին կենտրոնի տարբեր բաժիններ, այդ թւում նաև այնտեղ բնակւող հայ ծերերին ու հիւանդներին:

Ապա տնօրինութեան կողմից գեղանկարչութիւններ նւիրւեցին Սրբազան Հօրը և միւս հիւրերին: Հարկ է նշել, որ դրանք նկարւել էին «Քահրիզաք»-ում բնակւող մի ձեռներից զուրկ երիտասարդի միջոցով, որոնք նկարել էր ոտքով:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com