ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

ԿՈՉ

Իրանի Քերմանշահ նահանգում տեղի ունեցած աւերիչ երկրաշարժի տուժած մեր հայրենակիցներին օգնելու համար, մասնակցեն ընդհանուր օգնութեան շտապներին, կատարելով իրենց քաղաքացիական պարտականութիւնը նիւթական եւ անհրաժեշտ իրերի տրամադրութեամբ, մարդասիրական օժանդակութիւններով։

Զօրակցենք մեր աղէտահար հայրենակիցներին մեր օժանդակութիւնները կատարելով պետութեան կողմից առաջադրւած եւ յայտարարւած հնարաւորութիւնների միջոցով։

Նիւթական նւիրատւութեան պարագային հաճեցէք բանքային հետեւեալ հաշւեհամարին մուծել ձեր գումարները`

0110547278004

شورای خليفه گری ارامنه تهران – بانک ملی شعبه اردشير کد 690

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ

ԹԵՀՐԱՆԻ ՀԱՅՈՑ ԹԵՄԻ

ԹԵՄԻՍ ԱՌԱՋՆՈՐԴ ՍՐԲԱԶԱՆ ՀՕՐ ՄԱՍՆԱԿՑՈՒԹԻՒՆԸ ՔՐԻՍՏՈՆԵԱՅ-ԻՍԼԱՄ ՄԻՋԱԶԳԱՅԻՆ ՀԱՄԱԳՈՒՄԱՐԻՆ

Կիրակի թւականիս Օգոստոս 27-ի առաւօտեան Մշակոյթի եւ Իսլամական Յարաբերութեան կազմակերպութեան յարկի տակ տեղի ունեցաւ Կրօնների  Երկխօսութեան Կենտրոնի եւ Զւիցերիոյ Եպիսկոպոսների Խորհրդի երկխօսութեան 5-րդ շրջանի նիստը, որին հրաւիրւած էր մասնակցելու թեմիս բարեխնամ առաջնորդ Գերշ. Տ. Սեպուհ Ս. Արք. Սարգսեանը։ Առաջնորդ Սրբազան հայրը մասնակցեց սոյն համագումարին ընկերակցութեամբ Արժ. Տ. Սահակ Քհնյ. Խոսրովեանի եւ Տ. Գրիգորիս քհնյ. Ներսիսեանի։

Համագումարին իրենց մասնակցութիւնն էին բերել երկրի առաջնորդի խորհրդական՝ Այաթ. Թասխիրին, Զւիցերիոյ Եպիսկոպոսների Խորհրդի անդամներ, Ղօմի կրօնագիտութեան համալսարանի տնօրէն՝ Հոջաթ. Նաւաբը, նախագահի կրօնական փոքրամասութիւնների խորհրդականի օգնական դոկտ. Զարէն, Մշակութային յաղափոխութեան խորհրդի անդամ՝ Հոջաթ. Էրաղին եւ այլ պետական եւ հոգեւոր այրեր։

Համագումարը սուրբ գրոց ընթերցմամբ սկսեց իր աշխատանքը, որից յետոյ Երկխօսութեան կենտրոնի տնօրէն՝ Հոջաթ. Թասխիրիի բարեգալստեան խօսքով մեկնարկեց իր աշխատանքը։

Առաջին դասախօսը Զւեցիրիոյ եպիսկոպոսների խորհրդի ատենադպիրը խօսք առնելով ներկայացրեց խորհրդի անդամներին, խստիւ դատապարտեց կրօնական ծայրայեղութիւնները եւ արմատականութիւնը, որոնք պատճառ են դառնում հակադրութիւնների։ Դոկտ. Էբրահիմին՝ կազմակերպութեան տնօրէնը եւս իր հերթին ներկայացնելով իրանական կողմի պատւիրակութիւնը արծարծեց այս հարցը թէ ինչու այսքան կրօնական դաստիարակութեան եւ գրքերի հրատարակութեամբ ու էլեկտրոնային հաղորդակցական միջոցներով հանդերձ իսլամ եւ թէ քրիստոնեայ համայնքներում որեւէ շօշափելի եւ փափագելի արդիւնքի դեռ չեն հասել։

Նաեւ շեշտեց, որ գիտութեան փոխանցումը երբեւիցէ չի երաշխաւորում հաւատքի փոխանցումը։ Նաեւ աւելացրեց համալսարանները այսօր կարող են մեթոդիկայ դասաւանդել, բայց բանաստեղծ եւ գրող չեն կարող արտադրել։ Այսօր ականատես ենք որ աշխարհում գտնւում են հակասական խմբակցութիւններ, ոմանք Աստծու անունով խաղաղութիւն են քարոզում եւ ոմանք էլ Աստծու անունով եղեռնագործ են դառնում։ 

Ծայրայեղականները այսօր մի կողմ են նետել իրենց միտքն ու բանականութիւնը եւ պատրաստ չեն իրենց կարճատեւ կեանքը խաղաղութեամբ ապրել։

Եպիսկոպոս Ալէն Դէյվ Ռէյմն յիշեց Ռուանդայի եղեռնը ու դրա հեղինակներին ոչ քրիստոնեայ համարեց. նա իր դասախօսութեան մէջ քննարկեց իսլամի եւ քրիստոնէութեան մէջ արմատականութիւնից ու ծայրայեղութիւնից առաջացած վայրագութիւնները. Նա ասաց ՛՛Քրիստոնէական հաւատքի մէջ գոյութիւն ունեն մարդ արարածի յարգելու բոլոր տւեալները, քանի որ Բանն Աստւած մարդ դարձաւ՛՛։ Նա նոյնպէս յիշեցրեց որ թէեւ Յիսուսը մարդ արարածի ձեռքով կրեց անճառելի տառապանքներ, սակայն Ան սիրեց մարդուն իր ամբողջ սրտով, հոգով եւ իր մարդկային մարմնով համբարձմամբ հաստատեց իր սէրը մարդկութեան հանդէպ։

Սրբազան հայրը նախագահելով «Ծայրայեղութեան եւ արմատականութեան ակունքները իսլամ-քրիստոնեայ համայնքներում» խորագրով համագումարի առաջին մասնագիտական նիստը իր հերթին բարեգալստեան խօսքը ուղղելով հիւրերին հրաւիրեց մօտիկից ականատես լինելու Իրանի քրիստոնեայ համայնքի՝ ի մասնաւորի հայ համայնքի կրօնական ազատութեան։ Սրբազան հայրը նաեւ յիշելով Քրիստոսի մեծ պատւիրանը՝ թէ ՛՛Սիրեցէք միմեանց, ինչպէս որ ես ձեզ սիրեցի՛՛ անբասիր սէրը սեպեց համայնքների մէջ ծայրայեղութեան բուժման միակ սպեղանին։ Այնուհետ Սրբազան հայրը վարեց նիստը յաջորդաբար հրաւիրելով դասախօսներին ներկայացնելու համար իրենց նիւթերը։

Հոջաթ. Մահմուդ Մոհամադի Էրաղին քննարկեց իսլամում արմատականութեան ծայրայեղութեան հարցը եւ ներկայացրեց Խեւարէջի թերի ուսուցումներից բխած ահաբեկութիւնները։

Այս համագումարում նաեւ քննադատւեց սուրբ գրոց անհատական մեկնաբանութիւնների ու գերուժերի կողմից արմատականութեան խրախուսումը։

Հոջաթ. Էրաղին եւս յիշեց Իրանի իսլամական սահմանադրական օրէնքում ազգային եւ կրօնական փոքրամասութիւնների նշւած ազատութիւնները։

Հայր Ռոբերտ Սիմոնան եւս կարեւորեց փոխհասկացողութիւնը եւ զիրար ընկալելու ունակութիւնը։ Նաեւ շեշտեց որ կրօնական դոգմաթիզմը, մշակութային էտնիկ ու լեզւական տարբերութիւններն են, որ հակասութիւններ են առաջնորդում։

Համագումարին մասնակից դոկտ. ՄոզաՖարին եւս իր հերթին արմատականութեան հոգեբանական դրդապատճառները։

Դոկտ. Խոսրոփանահը եւս կարեւորեց բանականութեան դերը, որը ունակութիւն ունի հսկելու մարդու ցասմական ցանկութիւնները, ունակութիւն որ իր պարտականութիւնը կատարելու համար կարիք ունի շաղախւելու Աստւածային սիրոյն։

Դարձեալ Սրբազան հայրը շեշտելով սիրոյ կարեւորութիւնը դրան համարեց մարդկային մտքերի պայծառացման կարեւոր դրդապատճառը։ «Սէրը, միմեանց ճանաչելն ու ընդունելը այլեւ խաղաղ գոյակցութիւնը բանալի եզրեր են արմատականութեան եւ ծայրայեղութեան առաջքն առնելու» եզրակացրեց Սրբազան հայրը։

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com