ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Առաջնորդ Սրբազան Հօր Հանդիպումներից Արցախում և Հայաստանում

Արցախեան իր այցելութիւնից վերադարձին, Թեմիս Առաջնորդ՝ Գերշ. Տ. Սեպուհ Ս. Արք. Սարգսեան, հինգշաբթի 27 յուլիսի կէսօրին, հանդիպեց Հայաստանի Հանրապետութեան Սփիւռքի Նախարար՝ տկն. Հրանուշ Յակոբեանին:

Սրբազանն իր ուրախութիւնը յայտնեց այս հանդիպման առիթով և յաջողութիւն մաղթեց տիկին նախարարուհուն իր աշխոյժ գործունէութեան մէջ:

Տկն. Յակոբեանը շնորհակալութիւն յայտնեց Սրբազան Առաջնորդին իր այցելութեան համար և այնուհետ խօսւեց Հայաստան-Սփիւռք խորհրդաժողովի վերաբերեալ հարցերի մասին: Նա յայտնեց, որ գլխաւոր 4 ոլորտներում պիտի քննարկւեն հիմնահարցերը՝ Հայաստանի տնտեսական զարգացման խնդիրները, ազգային անվտանգութեան հիմնահարցերը, հայերի ցեղասպանութեան և արտաքին քաղաքականութեան հիմնահարցերն ու հայապահպանութեան և ինքնուրոյնութեան հետ կապւած հիմնախնդիրները:

Վերջում Տկն. Նախարարուհին Սրբազան Հօրը խնդրեց, որ իր ողջոյնները փոխանցի մեր համայնքի զաւակներին:

Յաւելենք նաև, որ Արցախում Թեմակալ Առաջնորդը Լեռնային Ղարաբաղի Հանրապետութեան նախագահ՝ վսեմաշուք պրն. Բակօ Սահակեանի հետ հանդիպելիս, պրն. Նախագահն իր յատուկ սիրոյ ողջոյնները յայտնեց իրանահայ համայնքի մեր զաւակներին և յատկապէս թեհրանահայութեան:

Յայտնենք նաև, որ այս հանդիպման ընթացքին, նախագահ՝ Բակօ Սահակեանը Սրբազան Հօրը նւիրեց Շուշիի ազատագրութեան 25-ամեակի առիթով յատկապէս պատրաստւած ոսկեայ մեդալը, ի գնահատութիւն Սրբազան Հօր Արցախում հայրենակերտ աշխատանքների և բարեգործ գործունէութեան:

Թեմիս Առաջնորդ Սրբազան Հայրը Ս. Էջմիածնում իր կեցութեան միջոցին, ընդունւեց Ն.Ս.Օ.Տ.Տ. Գարեգին ամենայն Կաթողիկոսի կողմից: Վեհափառ Հայրապետն իր ցաւակցութիւնը յայտնեց երանաշնորհ Տ. Նորայր Ս. Եպս. Աշըգեանի վաղաժամ մահւան առիթով և տնօրինեց, որ կիրակի 30 յուլիս 2017-ին իր նախագահութեամբ Ս. Էջմիածնի Մայր Տաճարում հոգեհանգստեան յատուկ արարողութիւն կատարւի հանգուցեալ Սրբազան Հօր հոգւոյն խաղաութեան համար:

 

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com