ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Արևագալի Արարողութիւն Ս. Մինաս Եկեղեցում

Թւականիս երեքշաբթի մարտի 28-ին, Ս. Մինաս եկեղեցում կատարւեց Արևագալի արարողութիւն, , նախագահութեամբ Թեմիս Առաջնորդ՝ Գերշ. Տ. Սեպուհ Ս. Արք. Սարգսեանի և մասնակցութեամբ Առաջնորդական Փոխանորդ՝ Գերշ. Տ. Մակար Ս. Եպս. Աշգարեանի, քահանայ հայրերի և հաւատացեալ ժողովրդի:

Արարողութեան աւարտին Սրբազան Հայրը իր քարոզն սկսեց սոյն բացատրութիւններով՝ «Մեծ Պահքի գրեթէ վերջին հանգրւանին ենք: Այս շաբաթւայ խորհուրդը, մեր հայրերի տնօրինումով, մեր գիտակցութեան մէջ վերակենդանացում է Քրիստոսի գալստեան խորհուրդը և գաղափարը: Յարատև աղօթքով մենք դիմում ենք Աստծուն հայցելով իր օրհնութիւնները և ողորմածութիւնը, միևնոյն ժամանակ արտայայտելով մեր խորունկ, անստւեր հաւատքը Քրիստոսի երկրորդ գալստեան նկատմամբ, որը քրիստոնէական վարդապետութեան ամենահիմնական կէտերից մէկն է և մեր հաւատամքին նաև մաս կազմող ճշմարտութեան հիմքը»:

Դրանից մեկնելով, Սրբազան Հայրը խօսեց Քրիստոսի զոյգ աշխարհ գալուստների մասին, մին որպէս մարդացեղ փրկիչ՝ փրկելու համար մարդկութիւնը և իր թագաւորութինը հաստատելու նրանց սրտում, և երկրոդ գալուստը՝ որը ժամանակների վախճանին է լինելու: Նա գալու է որպէս դատաւոր, դատելու համար մարդկութիւնը և արդար դատաստան կատարելու: Յաւիտենական դատապարտութիւն ու տանջանք՝ անզիղջ, անապաշխարհ մեղաւորներին ու ամբարիշտներին իսկ յաւիտենական և ուրախ կեանք՝ երկնքի յաւիտենական ու անվախճան թագաւորութեան մէջ բոլոր ապաշխարողներին, հաւատացողներին ու արդարներին: Սա է այն յոյսը, որին կառչած մնալով պէտք է ապրի իւրաքանչիւր քրիստոնեայ հաւատացեալ:

Սրբազան Հայրն իր քարոզի վերջում ասաց՝ «Երբ մենք 40-օրեայ Պահոց շրջանն ենք ապրում, Բուն Բարեկենդանից սկսեալ մինչև Ճրագալոյց, մեր մտածումները կենտրոնացնում ենք աղօթքի, ապաշխարութեան, խոստովանութեան և Աստծու ողորմածութեան վրայ, այն խոր համոզումով և հաւատքով, որ մենք նրան պիտի արժանանք, արժանի լինելով Քրիստոսի հրաշափառ յարութեան»:

Արևագալ ժամերգութեան աւարտին, Ս. Մինաս եկեղեցու եկեղեցական խորհուրդը, համեստ պասի հիւրասիրութիւն էր պատրաստել Սրբազան Հայրերի և քահանաների համար:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com