ԱՆԼԱՅՆ ՎՃԱՐՈՒՄ

Ծխական Տուրք

Մեր փոքր , բայց կարեւոր ներդրում է Ազգային-Համայնքային կառոյցների Պահպանման համար

Սիրելի ժողովուրդ, Թեհրանի հայոց Թեմական Խորհրդի որոշմամբ՝ Ծխական Տուրքի վճարումը Ձեզ համար դիւրացնելու նպատակով՝ այսուհետ կարող էք կատարել այս կայքի միջոցով, որով օգտակար կը հանդիսանաք թեմիս ազգային-համայնքային կառոյցների պահպանման գործին:

ԾԽԱԿԱՆ ՏՈՒՐՔԻ ԱՆԼԱՅՆ ՎՃԱՐՈՒՄ

Արևագալի Արարողութիւն Սրբոց Թարգմանչաց Եկեղեցում

Երեքշաբթի 2017 թւի մարտի 14-ին, Սրբոց Թարգմանչաց եկեղեցում կատարւեց Արևագալի արարողութիւն, որտեղ ներկայ էին Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը, Առաջնորդական Փոխանորդ՝ Գերշ. Տ. Մակար Ս. Եպս. Աշգարեանը, բոլոր քահանայ հայրերը և հաւատացեալ ժողովրդը:

Արարողութեան աւարտին Սրբազան Հայրը իր քարոզն սկսեց սոյն բացատրութիւններով՝ «Մեծ Պահքի Արևագալի այս արարողութիւնները մեր եկեղեցու ամենաներշնչող և մեզ դէպի Աստւած առաջնորդող արարողութիւններից են: Այսօր կուզեմ ձեզ հետ միասին մտածել Դաւիթ Մարգարէի հետևեալ խօսքերի մասին՝ Փրկութեանդ բերած ցնծութիւնը տուր ինձ և Քո կամքին հնազանդ հոգի դիր իմ մէջ, որպէսզի անօրէններին կամքդ սովորեցնեմ և մեղաւորները դէպի Քեզ դառնան»:

Սրբազան հայրն իր խօսքերի միւս բաժնում աւելացրեց՝ «Մարդկային մեր հողեղէն էութեամբ, մեզանից իւրաքանչիւրն ինչ դիրքի և պաշտօնի մէջ էլ որ լինի, սխալւում է և երբեմն մեղք է գործում և կարիք ունի առ Աստւած դարձի, որպէսզի իր հոգին, միտքը և սիրտը մաքրէ և կարողանայ Աստծուն ասել՝ ով Տէր, մաքուր սիրտ հաստատիր իմ մէջ»:

Վերջում Սրբազան Հայրն ասաց՝ «Մեծ Պահոց շրջանին, կոչւած ենք առաւել ևս մեր միտքը, սիրտն ու հոգին զօրացնել այն բիւրեղացնելով և մաքրելով: Ապաշխարութեան այս շրջանը հոգևոր կրակ է, որի բովից պիտի անցնենք այրելով  ոչ քրիստոնէական և ոչ մարդկային զգացումները, որպէսզի բիւրեղացած հասնենք ճանապարհի վերջաւորութեան, որը Քրիստոսի հրաշափառ յարութեան արժանանալն է»:

ԼԵԶՒԻ ԸՆՏՐՈՒԹԻՒՆ

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897980

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com