Կրօնական Տօն՝

Saturday, 01 October 2022

ՏՕՆ ՔՐԻՍՏՈՍԻ 72 ԱՇԱԿԵՐՏՆԵՐԻ

Տօն Քրիստոսի 72 աշակերտների

Աւետարանի համաձայն, Յիսուսը 12 աշակերտներից բացի, ունեցել է նաեւ 72 աշակերտներ,որոնց,ինչպէս վկայում է Ղուկաս Աւետարանիչը, զոյգ-զոյգ Հրեաստանի զանազան կողմերն է առաքել՝ աւետարանելու եւ բժշկելու:

Երբ նրանք քարոզչութիւնից վերադառնում են,Յիսուսին մօտենալով մեծ ուրախութեամբ ասում .«Տէր, դեւերն էլ են մեզ հնազանդւում Քո անունով»(Ղուկաս 10: 17) Եւ Աստւած Որդին նրանց պատասխանում է, որ պէտք չէ դրա համար ուրախանալ, «այլ ուրախանալ , որ ձեր անունները գրւած են երկնքում»: (Ղուկաս 10:17)

Պէտք է նշենք, որ գրեթէ ոչնչով չի տարբերւել 12 առաքեալների եւ 72 աշակերտների քարոզչական գործունէութիւնը: Քրիստոսի կողմից երկու խմբերին էլ տրւել էր նոյն իշխանութիւնը,եւ երկուսի քարոզչութեան նպատակը «Աստուծոյ Արքայութեան »տարածումն էր: Ըստ Ս.հայրերի,12-ի եւ 72-ի միջեւ եղած միակ տարբերութիւնն այն էր,որ 12-ը եղել են աւելի մնայուն եւ միշտ Քրիստոսի հետ շրջել:Իսկ 72-ի խումբը հաւանաբար աւելի առաձգական է եղել,այսինքն՝նրանց թիւը կարողէր աւելանալ կամ պակսել: