Ամանորեայ եւ Ս. Ծննդեան տօների առիթով, երկուշաբթի, թւականիս յունւարի 9-ին, Թեմիս Առաջնորդ գերշ. Տ. Սեպուհ Ս. Արք. Սարգսեանը Ազգ. Առաջնորդարանի դահլիճում ընդունեց Իսլ. Մշակոյթի եւ Առաջնորդութեան նախարարութեան մշակութային հարցերով տեղակալ դոկտ. Եասէր Ահմադվանդին եւ ընկերակցող պատւիրակութեանը:

Սրբազան Հայրը ողջոյնի խօսքերից յետոյ իր արտայայտութիւնների ընթացքում Մշակոյթի եւ Առաջնորդութեան նախարարութիւնը կառոյցիս ամենամօտ բարեկամը համարելով, անդրադարձաւ նախարարութեան եւ ազգային իշխանութեան կապերին: Սրբազան Հայրը աշխարհին խաղաղութիւն մաղթելով կարեւորեց Իրանի պետական դիրքորոշումը` Հայաստանի եւ Իրանի սահմանների անփոփոխ մնալու առումով եւ գնահատեց Իրանի հաւասարակշռւած դերը:

Հանդիպման ընթացքում Մշակոյթի եւ Առաջնորդութեան նախարարութեան մշակութային հարցերով տեղակալ դոկտ. Եասէր Ահմադվանդը գնահատանքով անդրադարձաւ իրանահայութեան եւ Իրանը ներկայացրեց միատարր այն երկիրը, որտեղ բոլոր էթնիկ խմբերը ապրում են խաղաղ գոյակցութեամբ:

Սոյն հանդիպման ներկայ էր նաեւ Թ.Հ.Թ. Թեմական խորհրդի ատենապետ ճրտպ. Նորայր Արամեանը, որն անդրադարձաւ ազգային իշխանութեան եւ Իսլ. Մշակոյթի ու Առաջնորդութեան Նախարարութեան հետ յարաբերութիւններին:

Ազգային Առաջնորդարանի Հանրային Կապ