Շաբաթ թւականիս յունւարի 22-ին, Կրթական խորհրդի ատենապետ Ալֆրէդ Կարապետեանը հերթական հանդիպումն ունեցաւ թեմիս Առաջնորդ Գերշ. Տ. Սեպուհ Ս. Արք. Սարգսեանի հետ:
Հանդիպման նպատակն էր Սրբազան Հօր խորհուրդներով ծրագրել միջնակարգ Բ օղակի 10-րդ, 11–րդ եւ 12 –րդ դասարանների «Ադիան» առարկայի դասագրքերի վերանայման գործընթացը:
Հանդիպմանը ներկայ էին Կրօնի ուսուցչուհի Սիլւա Գրիգորեանը, Տ. Գրիգորիս քհնյ. Ներսէսեանը, Քրիստոնէական դաստիարակութեան յանձնախմբի նախագահ Անի Մանուկեանը նաեւ Քրիստոնէական դաստիարակութեան բաժանմունքի պատասխանատու Շաքէ Եղիայեանը:
Կրթական խորհրդի ատենապետը մանրամասնօրէն զեկուցեց վերոնշեալ թեմայի շուրջ ունեցած հանդիպումներից:
Սրբազան Հայրը թելադրեց, որ հարկաւոր է Ասորի Քաղդէական կաթոլիկ եկեղեցու եւ Արեւելեան Ասորի եկեղեցու ներկայացուցիչների հետ հանդիպումներն ու բանակցութիւնները շարունակել՝ դասագրքերի վերանայելու ուղղութեամբ:
Թ.Հ.Թ. ԿՐԹԱԿԱՆ ԽՈՐՀՈՒՐԴ