Երկուշաբթի, 29 դեկտեմբեր 2025 թւականին, Ազգ. Առաջնորդարանի դահլիճում տեղի ունեցաւ Նոր տարւայ դիմաւորման հանդիսութիւն եւ Ազգ. Առաջնորդարանի պաշտօնէութիւնը մտերմիկ մթնոլորտում հրաժեշտ տւեց 2025 թւականին:

Միջոցառմանը ներկայ էին Թեմիս Առաջնորդ Գերշ. Տ. Սեպուհ Ս. Արք. Սարգսեանի օգնական Հոգշ. Տ. Առաքել Աբղ. Գատեհճեանը, տօնական օրերի առիթով քաղաքս հիւրաբար գտնւող՝ Հոգշ. Տ. Աբրահամ Աբղ. Ճուլֆայեանը, Ի. Իսլ. Խորհրդարանում Թեհրանի եւ հիւսիսային իրանահայութեան պատգամաւոր Արա Շահվերդեանը, Թեմական խորհրդի դիւանի անդամներ՝ պրն. Վարուժ Յովհաննիսեանը, տկն. Արմինէ Սէթխանեանը, պրն. Հայրիկ Աղանեանը եւ նոյն խորհրդի անդամ՝ պրն. Հայկ Տէր Մկրտչեանը:

Սկզբում Ազգ. Առաջնորդարանի դիւանապետ՝ Զօրիկ Կարապետեանը պաշտօնէութեան անունից Նոր Տարւայ եւ Ս. Ծննդեան տօների առիթով, ջերմ շնորհաւորանքները փոխանցեց՝ Հոգեւոր Հայրերին, Խորհրդարանի Պատգամաւորին եւ Թեմական խորհրդի անդամներին: Նա ընդգծեց, որ պաշտօնէութիւնը՝ իբրեւ մի մեծ ընտանիք, պատրաստակամ է վերանորոգ եռանդով շարունակելու իրեն վստահւած աշխատանքը:

Առանձին ելոյթներով արտայայտւեցին եւ շնորհաւորանքներ փոխանցեցին՝ Հոգշ. Տ. Առաքել Աբղ. Գատեհճեանը, ով նաեւ փոխանցւեց Թեմակալ Առաջնորդի հայրական օրհնութիւնն ու ջերմ բարեմաղթանքները, Հոգշ. Տ. Աբրահամ Աբղ. Ճուլֆայեանը, Խորհրդարանի Պատգամաւոր՝ պրն. Արա Շահվերդեանը, Թեմական խորհրդի ատենապետ Վարուժ Յովհաննիսեանը, փոխատենապետուհի Արմինէ Սէթխանեանը նաեւ պրն. Հայրիկ Աղանեանը:

Պրն. Վարուժ Յովհաննիսեանը անդրադառնալով, վերջին տարիների ընթացքին Առաջնորդարանի դիմագրաւած տնտեսական եւ տարբեր պատճառներով գոյացած մարտահրաւէրներին յոյս յայտնեց, որ 2026 թւականը բոլորի համար լինի բարեբեր ու յաջողութիւններով լի տարի։ Նա իր արտայայտութիւններում ընդծեց հասարակութեանը լաւագոյն ծառայութիւնը մատուցելու եւ գոհունակ պահելու պարտաւորութեան կարեւորութեանը եւ նշեց, որ դա հնարաւոր կը լինի միասնական եւ ջանադիր աշխատանքով, որին հարկ է նախանձախնդիր լինել:

Ազգային Առաջնորդարանի Հանրային կապ