Թւականիս փետրւարի 22-ին, իրանահայ համայնքը կորցրեց ազգային հասարակական վաստակաւոր գործիչ Վարդան Վարդանեանին։

Մեծ վիշտ է անւանի հայորդու կորուստը, ով մարդկային բարձրագոյն արժէքն էր համարում նւիրւածութիւնը: 1984 թւականից` ամբողջ 16 տարի Իրանի Իսլ. Հանրապետութեան խորհրդարանում, որպէս Թեհրանի եւ հիւսիսային իրանահայութեան պատգամաւոր Նա շարունակեց իր խորհրդարանական գործունէութիւնը եւ իր ստանձնած բարդ ու պատասխանատու աշխատանքի ընթացքում՝ կատարեալ յանձնառութեամբ եւ մեծագոյն պատասխանատւութեամբ աշխատեց ի նպաստ համայնքիս իրաւունքների պաշտպանման եւ բարեկեցութեան:

Իրան-Իրաք պարտադրեալ պատերազմի դժւար տարիներին նաեւ, որպէս իրանահայութեան խօսնակ միշտ եղաւ նահատակների ընտանիքների, վիրաւոր զինւորների եւ աղէտեալների կողքին իսկ պատերազմից յետոյ վերաշինութեան հանգրւանին, գործօն մասնակցութիւն ունեցաւ իրանահայութեան օժանդակութիւնը կազմակերպելու գործում:

Կիրակի առաւօտեան իր հոգին աւանդեց գաղութիս բազմաբեղուն ազգային գործիչ, երկար տարիներու Իրանի Իսլամական Խորհրդարանում Մէջլիսի անդամ` Վարդան Վարդանեանը, որ 16 երկար տարիներ, որպէս Թեհրանի եւ հիւսիսային իրանահայութեան պատգամաւոր այս աշխարհից հրաժեշտ տւաւ իր ետին թողելով իր այրին եւ երկու զաւակները։

Անցնող 30 տարիներուն հանգուցեալ Վարդան Վարդանեանը ճանաչեցի իբրեւ ազնիւ, քաղաքավար, բարեկիրթ, հաւատացեալ եւ բոլորի նկատմամբ սիրալիր անձնաւորութիւն։

Չորեքշաբթի, թւականիս փետրւարի 25-ին Թեհրանի հայկական համայնքը իր խուռներամ մասնակցութեամբ վերջին հրաժեշտը տւեց Իրանահայ համայնքի Անկեղծ զինւորներից՝ Վարդան Վարդանեանին, ով իր գիտակցական կեանքը նւիրաբերեց իր ազգի զաւակներին՝ կատարելով իր ուխտը՝ Երկար ժամանակ ծառայել իր ազգին:

Կիրակի, 2026 թւականի փետրւարի 22-ին, իրանահայ համայնքը կորցրեց ազգային հասարակական վաստակաւոր գործիչ Վարդան Վարդանեանին։

Մարդ, ով իր համայնքային ու համազգային բեղուն գործունէութեամբ անջնջելի հետք դրոշմեց իրանահայութեան եւ մասնաւորապէս Թեհրանի հայ համայնքի կեանքում:

Ուրբաթ, 13 փետրւար 2026 թւականի երեկոյեան ժամը 4-ին, Թեհրանի բոլոր եկեղեցիներում նշւեց, յիշատակւեց եւ հանդիսաւորապէս տօնախմբւեց Հայ Առաքելական Ս. Եկեղեցու Տէրունական եւ ամենամեծ տօներից Տեառնընդառաջի նախատօնակի արարողութիւնը եւ «Քրիստոս Փառաց Թագաւոր» տաղի երգեցողութեամբ, Ս. Խորանից իջեցւած Քրիստոսը խորհրդանշող լոյսով վառւեց ատեանում դրւած սեղանի մոմերը եւ քահանայ հայրերը կատարեցին մանուկների տաճար ընծայումը:

Ամէն տարի, Բուն Բարեկենդանին նախորդող հինգշաբթի օրը, Հայոց եկեղեցին եւ ժողովուրդը ոգեկոչում է յիշատակը «Սուրբ Վարդանանց» Զօրավարների:

Երեքշաբթի, 10 փետրւար 2026 թւականին տօնն էր Սրբոց Ղեւոնդեանց քահանայից։ Հոգեւոր հայրեր, ովքեր Աւարայրի մեծ ճակատամարտին՝ 451 թւականին, Ղեւոնդ երէցի առաջնորդութեամբ արիացեալ ոգով՝ զինավառեցին վասն հաւատքի եւ նոյնիսկ իրենց արեան հեղումով պաշտպանեցին հայ ժողովրդի քրիստոնէական ինքնութիւնը:

Իսլամական մշակոյթի եւ առաջնորդութեան նախարարութեան նախաձեռնութեամբ եւ Իրանի Իսլ. Հանրապետութեան նախագահ Մասուդ Փեզեշքիանի ներկայութեամբ երկուշաբթի, փետրւարի 9-ի երեկոյեան Իրանում կրօնական փոքրամասնութիւնների հոգեւոր առաջնորդների, Իսլ. խորհրդարանի պատգամաւորների եւ տարբեր ոլորտների ներկայացուցիչների ներկայութեամբ միջոցառում էր կազմակերպւել Իրանի Իսլամական յեղափոխութեան յաղթանակի 47-րդ տարեդարձի առիթով:

Այսու տեղեկացնում ենք, որ նախորդ տարիների գեղեցիկ աւանդութեան համաձայն, այս տարի եւս Հովանաւորութեամբ թեմիս բարեխնամ առաջնորդ Գերշ. Տ. Սեպուհ Ս. Արք. Սարգսեանի, վերսկսւելու են Աստւածաշնչական սերտողութիւնների լսարանները՝ Ս. Սարգիս, Ս. Գրիգոր Լուսաւորիչ, Սրբ. Թարգմանչաց եւ Սրբ. Վարդանանց եկեղեցիներում, հետեւեալ ժամանակացուցային կարգով՝

-Ս. Սարգիս Առաջնորդանիստ Մայր եկեղեցի (Կենտրոն քաղաքամաս), ամէն երկուշաբթի երեկոյեան ժամը 18:00-ին:
-Ս. Գրիգոր Լուսաւորիչ եկեղեցի (Զէյթուն քաղաքամաս), ամէն երեքշաբթի երեկոյեան ժամը 17:00-ին:
-Սրբ. Թարգմանչաց եկեղեցի (Սասուն քաղաքամաս), ամէն չորեքշաբթի երեկոյեան ժամը 18:00-ին:
-Սրբ. Վարդանանց եկեղեցի (Սարդարապատ քաղաքամաս), ամէն շաբաթ երեկոյեան ժամը 17:00-ին:

Լսարանները վարում եւ աստւածաշնչական սերտողութիւնները կատարում է Թեհրանի Հայոց Թեմի Առաջնորդի Օգնական՝ Հոգշ. Տ. Առաքել Աբղ. Գատեհճեանը:

Ս. Սարգիս Առաջնորդանիստ Մայր եկեղեցում աստւածաշնչական սերտողութիւնների լսարարնների բացումը տեղի է ունենալու՝ երկուշաբթի, 16 փետրւարի երեկոյեան ժամը 18:00-ին, Ս. Գրիգոր Լուսաւորիչ եկեղեցում՝ երեքշաբթի, 17 փետրւարի երեկոյեան ժամը 17:00-ին, Սրբ. Թարգմանչաց եկեղեցում՝ չորեքշաբթի, 18 փետրւարի երեկոյեան ժամը 18:00-ին, իսկ Սրբ. Վարդանանց եկեղեցում՝ շաբաթ, 21 փետրւարի երեկոյեան ժամը 17:00-ին:

Մեր ժողովրդի սիրելի զաւակներին եւ յատկապէս երիտասարդներին հրաւիրում ենք, որ ջանան անպայմանօրէն մասնակցել վերոնշեալ լսարաններին Աստծու խօսքով լիցքաւորւելու եւ հաղորդւելու նաեւ մեր հայրերի հաւատքով:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Այսու Թեհրանի մեր հաւատացեալ ժողովրդի զաւակներին յայտնում ենք, որ շաբաթ, 14 փետրւար 2026 թւականը Տեառնընդառաջ է, այսինքը Տօն Քառասնօրեայ Գալստեանն Քրիստոսի ի Տաճարն:

Այս առիթով, հովանաւորութեամբ Թեմիս Առաջնորդ Գերշ. Տ. Սեպուհ Ս. Արք. Սարգսեանի՝ ուրբաթ 13 փետրւար 2026 թւականին, ժամը 16:00-ին, Թեհրանի մեր բոլոր եկեղեցիներում կատարւելու է Տեառնընդառաջի հանդիսաւոր նախատօնակ:

Տեառնընդառաջի տօնը տօնն է նաեւ ՀԱՅ ՄԱՆԿԱՆ. այսու մեր սիրելի ծնողներին սիրով հրաւիրում ենք, որ իրենց նորածին երեխաներին այդ օրը՝ ուրբաթ 13 փետրւար 2026 թւականի երեկոյեան եկեղեցի բերեն, որպէսզի յընթացս եկեղեցական արարողութեան՝ նորածինների տաճարը ընծայման խորհրդաւոր կարգը ընդունեն:

Մեր հաւատացեալ ժողովրդին հրաւիրում ենք՝ ներկայ լինելու վերոյիշեալ արարողութեանը եւ հաղորդւելու Տեառնընդառաջի խորհրդով:

Այս առիթով մեր միութիւններին, կազմակերպութիւններին եւ ծնողական խորհուրդներին թելադրում ենք, որ Տեառնընդառաջի առիթով ինչպէս եկեղեցում նոյնպէս միութիւններում եւ դպրոցներում կազմակերպեն աւանդական հրավառութիւն, միաժամանակ բացատրելով տօնի հետ կապւած հրավառութեան իմաստը:

ԴԻՒԱՆ ԿՐՕՆԱԿԱՆ ԽՈՐՀՐԴԻ
ԹԵՀՐԱՆԻ ՀԱՅՈՑ ԹԵՄԻ