Երեքշաբթի, 2 դեկտեմբեր 2025 թւականին, Թեմական Խորհրդի հրաւէրով եւ մասնակցութեամբ համայնքում աշխատող միութիւնների վարչութեան դիւանների եւ ներկայացուցիչների, խորհրդակցական հանդիպում տեղի ունեցաւ 2026 թւականի Ամանորեայ խրախճանքների եւ ընդհանուր առմամբ ծրագրերի ու ձեռնարկների կազմակերպման առնչւող հարցերի շուրջ։

Այսու մեր թեմի հաւատացեալ ժողովրդին յայտնում ենք, որ երկուշաբթի 8 դեկտեմբեր 2025 թւականին, տօնն է Ս. Մինասի: Ս. Մինասի տօնը համընկնում է Վանաքի Ս. Մինաս եկեղեցու անւանակոչութեան տօնին:

Այս առիթով, նոյն օրը հովանաւորութեամբ Գերշ. Տ. Սեպուհ Ս. Արք. Սարգսեանի, Ս. Մինաս եկեղեցում տեղի է ունենալու հանդիսաւոր Ս. Պատարագ:

Օրւայ պատարագիչն է լինելու Թեմիս Առաջնորդի օգնական՝ Հոգշ. Տ. Առաքել Աբղ. Գատեհճեանը:

Սկիզբ ժամերգութեան ժամը 9:00-ին
Ս. Պատարագ ժամը 10:00-ին
Քարոզ ժամը 11:00-ին

Հրաւիրում ենք մեր ժողովրդի սիրելի զաւակներին, ներկայ լինելու կրօնական արարողութեան, եւ հաղորդւելու օրւայ խորհրդով:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Շաբաթ, 29 նոյեմբերի 2025 թւականին, մայրաքաղաքի Քարիմխան պողոտայի Նեջաթօլլահի հատւածում բացումը կատարւեց «Ս. Մարիամ» մետրոկայանի՝ Թեհրանի քաղաքապետ Զաքանիի եւ քաղաքային պատասխանատուների ներկայութեամբ։ Բացման արարողութեանը մասնակցել են նաեւ արտասահմանցի հիւրեր եւ շուրջ քսան երկրների դեսպաններ կամ դեսպանատների ներկայացուցիչները:

Թեհրանի հայոց թեմի 17-րդ գումարման Պատգամաւորական ժողովի հերթական նիստը կայացաւ չորեքշաբթի թւականիս նոյեմբերի 26-ին, դոկտ. Սեւակ Հաթամեանի ատենապետութեամբ:

Նոյեմբերի 21-ը տօնն է «Ս. Աստւածածնայ Երից ամաց ի տաճարն ընծայման» եւ տօնն է նաեւ համանուն եկեղեցու անւանակոչութեան:

Թեհրանի մետրոպոլիտենի նոր կայարանը՝ «Մարիամ Մողադաս» (Ս. Մարիամ), որը դեռեւս պաշտօնական բացում չի ունեցել, չորեքշաբթի՝ նոյեմբերի 19-ին, հիւրընկալն էր Թեհրանի հայկական համայնքի ներկայացուցիչների։ Պատւիրակութեանն ընկերակցում էր նաեւ լրագրողների խումբը, որոնց կայարանում դիմաւորել է քաղաքապետարանի մամուլի խօսնակ Աբդօլմոթահար Մոհամմադ-խանին, ներկայացնելով՝ շինարարական գործընթացը, տեխնիկական լուծումները եւ անւան ընտրութեան հիմնաւորւածութիւնը։

Այսու մեր թեմի հաւատացեալ ժողովրդին յայտնում ենք, որ ուրբաթ 21 նոյեմբեր 2025 թւականին, տօնն է Ս. Աստւածածնայ Երից ամաց ի տաճարն ընծայման: Աստւածածնայ նւիրւած վերոյիշեալ տօնին է համընկնում Ս. Աստւածածին Եկեղեցու անւանակոչութեան տօնը: Այս առիթով, նոյն օրը հովանաւորութեամբ Գերշ. Տ. Սեպուհ Ս. Արք. Սարգսեանի, Ս. Աստւածածին եկեղեցում տեղի է ունենալու հանդիսաւոր Ս. Պատարագ:

Օրւայ պատարագիչն է լինելու Թեմիս Առաջնորդի օգնական՝ Հոգշ. Տ. Առաքել Աբղ. Գատեհճեանը:

Ս. Աստւածածին եկեղեցու անւանակոչութեան տօնը նշւելու է ուխտագնացութեամբ եւ կրօնական յատուկ արարողութիւններով՝

-Հինգշաբթի 20 նոյեմբեր 2025 երեկոյեան ժամը 5:00-ին հսկումի արարողութիւն.
-Ուրբաթ 21 նոյեմբեր 2025 թւականին Ս. Պատարագ.
Սկիզբ ժամերգութեան Ժամը՝ 9:00
Ս. Պատարագ Ժամը՝ 10:00
Քարոզ Ժամը՝ 11:00

Հրաւիրում ենք մեր ժողովրդի սիրելի զաւակներին, ներկայ գտնւելու սոյն ուխտագնացութեան եւ կրօնական արարողութիւններին, եւ հաղորդւելու օրւայ խորհրդով:

ԴԻՒԱՆ ԱԶԳ. ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

Սոյն թւականի հոկտեմբերի 24-ին սկսւեցին ոչ-հայկական դպրոցներ յաճախող աշակերտների համար նախատեսւած ուրբաթօրեայ դասընթացները:

Երկուշաբթի, 3 նոյեմբեր 2025 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանի օգնական Հոգշ. Տ. Առաքել Աբղ. Գատեհճեանը, Թեմական խորհրդի ատենապետ Վարուժ Յովհաննէսեանը, նախորդ շրջանի թեմական խորհրդի անդամ՝ պրն. Արմէն Նազարեանը եւ Ազգ. Առաջնորդարանի դիւանապետ Զօրիկ Կարապետեանը, Ազգ. Առաջնորդարանի դահլիճում հիւրընկալեցին՝ Թեհրանի Իսլ. Քաղխորհրդի փոխնախագահ Փարւիզ Սորուրիին, նրա խորհրդական՝ դկտր. Աքբար Բահմանիին եւ նրանց ընկերակցող պատւիրակութեանը:

Թ.Հ.Թ. Կրթական խորհրդի նախաձեռնութեամբ թւականիս հոկտեմբերի 24-ին, Հ.Մ. «Արարատ» կազմակերպութեան «Կոմիտաս» սրահում տեղի ունեցաւ «Հայ Մշակոյթի տօնին» նւիրւած գեղարւեստական յայտագրով համեմւած միջոցառում, որի ընթացքում գնահատւեցին 2025-2026 ուսումնական տարեշրջանում հանգստի կոչւած հայոց դպրոցների 12 տեսուչներ, փոխտեսուչներ եւ ուսուցչուհիներ: