Search
Կապ մեզ հետ
خیابان استاد نجات الهی، شماره 295
تهران 1598873311
No.295, Ostad Nejatollahi Ave.,
Tehran - IRAN
Tel: (+98-21) 88901634, 88901635,
88901636, 88897980, 88897981
Fax: (+98-21) 88892617
Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com
ԱՅՑԵԼՈՒԹԻՒՆ ՍՐԲԱԶԱՆ ՀՕՐԸ
Երկուշաբթի, 29 յունւար 2024 թւականին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց, համայնքիս ազգային եւ գործարար՝ պրն. Յովսէփ Ղուկասեանին, ով եկել էր Նոր Տարւայ եւ Ս. Ծննդեան տօների առիթով իր շնորհաւորանքները եւ բարեմաղթանքները փոխանցելու Սրբազանին:
Պրն. Յովսէփ Ղուկասեանը իր ուրախութիւնը յայտնեց նաեւ Սրբազան Հօր առողջութեան ու ապաքինման կապակցութեամբ:
Սրբազան Հայրը ջերմօրէն ողջունեց եւ իր գոհունակութիւնը յայտնեց պրն. Ղուկասեանի քաղաքավարական այցի համար եւ փոխադարձ շնորհաւորանքները փոխանցեց տօնական օրերի առթիւ:
Հանդիպումն առիթ եղաւ խօսելու երկուստեք հետաքրքրող հարցերի մասին:
Նոյն օրը Թեմիս Առաջնորդն իր գրասենեակում ընդունեց նաեւ, պրն. Սեւան Սոհրային եւ իր տիկնոջը, ովքեր քաղաքավարական այցելութեամբ հանդիպեցին Սրբազան Հօրը:
Պրն. Սոհրային եկել էր խնդրելու Սրբազան Հօր օրհնութիւնը եւ իր պատրաստակամութիւնը յայտնելու համայնքին իր ծառայութիւնը բերելու համար:
Սրբազան Հայրը գնահատեց պրն. Սոհրային եւ յաջողութիւն մաղթեց ապագայ ընտրութիւնների կապակցութեամբ:
Ազգային Առաջնորդարանի Հանրային կապ
بخش فارسی
Հայկական անձնանուններ
Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը: