Թ. Հ. Թ. Կրթական խորհրդի Դաստիարակչական յանձնախմբի կազմակերպութեամբ 2016 թւականի դեկտեմբերի 22-ին տեղի ունեցաւ Թեհրանի հայոց դպրոցների 5-րդ դասարանի աշակերտների արշաւը Արարատ մարզաւանում:

Արշաւին մասնակցում էին 125 աշակերտներ, որոնք բաժանւած էին 10 խմբերի: Խմբերի աշխատանքին վերահսկում էին Հ. Մ. Սիփան միութեան Սկաուտական եւ Ուսանողական բաժանմունքի թւով 12 անդամներ:

Արշաւը բացւած յայտարարեց Դաստիարակչական յանձնախմբի ատենապետ Քլարա Աղախանեանը, որը Տէրունական աղօթքից յետոյ բացատրեց արշաւի նպատակը եւ աշխատանքների մանրամասնութիւնը:

Աշակերտների 10 խմբերը երեք մասի բաժանւելով, ամէն խմբի համար 45 րոպէ տեւողութեամբ նախատեսւած էր երեք բնագաւառª մարզանք, գիտելիքների մրցութիւն եւ պարի դասարան, որտեղ աշակերտները սովորեցին մի շուրջպար:

Պարի աշխատանքը այս արշաւին յանձն էր առել Կակաչ պարախմբի գեղարւեստական ղեկավար տկն. Արուս Աւագեանը եւ պարուսոյց Արմինէ Աւագեանը. նրանց օժանդակում էին պարախմբի մի խումբ անդամներ:

Մարզական աշխատանքը վարում էին Մարզական յանձնախմբից Ժենիա Սուքիասեանը եւ Լուդւիկ Նազարեանը: Իսկ գիտելիքների մրցութեան բաժինը վարում էր Դաստիարակչական յանձնախմբի անդամ Նազիկ Բալղչեանը, որին օժանդակում էր նոյն յանձնախմբի անդամ Բեսի Յովհաննիսեանը:

Ընդհանուր աշխատանքներին իրենց համագործակցութիւնն էին բերում Դաստիարակչական յանձնախմբի անդամներ` Ստելլա Ասլանեանը, Քամելիա Շիրւանեանը եւ յանձնախմբին օժանդակող Արմինէ Գրիգորեանը:

Աշխատանքները սկսւեցին առաւօտեան ժամը 10-ին, կարճ դադարի ընթացքում աշակերտները օշարակ եւ խմորեղէն հիւրասիրւելով, աշխատանքները շարունակեցին մինչեւ կէսօրից յետոյ ժամը 3-ը:

Այդ ընթացքում կէս ժամ նկատի էր առնւել ճաշի համար: Աշակերտներին հիւրասիրելու աշխատանքը յանձն էին առել դպրոցների ծնողական խորհուրդների անդամները:

Արշաւին այցելեցին Թ. Հ. Թ. Կրթական խորհրդի ատենապետ Սեւան Դանիէլեանը, Դաւիթ Մարգարեանը եւ Դաստիարակչական յանձնախմբի հետ կապ Նարբէ Աբուլեանը:

Շնորհակալութեան յատուկ խօսք պէտք է ուղղել Կակաչ պարախմբի ղեկավար տկն. Արուս Աւագեանին, պարուսոյց Արմինէ Աւագեանին, պարախմբի օժանդակող անդամներին, Հ. Մ. Սիփան միութեան Սկաուտական եւ Ուսանողական բաժանմունքի անդամներին, Արարատ մարզաւանի պատասխանատուներին եւ յանձնախմբին օժանդակող բոլոր անհատներին:

Արշաւը ինչպէս միշտ աւարտւեց փակման արարողութեամբ եւ խմբային յիշատակի նկարով:

Թ. Հ. Թ. Կրթական խորհուրդ

{gallery}201701/2017011801{/gallery}