Երկուշաբթի թւականիս յուլիսի 25-ին, Թեմիս Առաջնորդ Գերշ. Տ. Սեպուհ Ս. Արք. Սարգսեանը, իր գրասենեակում ընդունեց Կրթական խորհրդի ներկայացուցիչներ՝ տկն. Կարինէ Բալըքճեանին եւ տկն. Մելինդա Քարիմ Մասիհին, ովքեր եկել էին Սրբազան Հօր տեսակէտն ստանալու Քրիստոնէական կրօն դասանիւթի դասաւանդման համար նոր ուսուցիչներ համագործակցութեան հրաւիրելու թեկնածուների վերաբերեալ:

Նկատի ունենալով, որ հանդիպման հիմնական նպատակը գլխաւորաբար առնչւում էր կրօնի ուսուցիչներին, Սրբազան Հայրն անհրաժեշտ թելադրութիւնները եւ ուղղութիւնները փոխանցեց եւ յանձնարարեց, որ կրօնի ուսուցիչների նկատմամբ բծախնդիր եւ առանձնայատուկ վերաբերմունք ցուցաբերել:

Հանդիպմանը քննարկւեց նաեւ կրթական ոլորտին առնչւող մի շարք խնդիրներ:

Սրբազան Հայրը գնահատելով Կրթական խորհրդի գործունէութիւնը յաջողութիւն մաղթեց նրանց:

Ազգային Առաջնորդարանի Հանրային կապ