Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Ս. Գրիգոր Լուսաւորչի Տօնակատարութիւն

Շաբաթ մարտի 12-ին Ս. Գրիգոր Լուսաւորչի չարչարանքների և Խոր Վիրապ մտնելու յիշատակի տօնն էր:  Սոյն տօնը, համընկնում է Զէյթուն քաղաքամասի Ս. Գրիգոր Լուսաւորիչ եկեղեցու անւանակոչութեան տօնին և այս առիթով, նոյն օրը, համանուն եկեղեցում մատուցւեց եպիսկոպոսական հանդիսաւոր ս. պատարագ: Պատարագեց և յաւուր պատշաճի քարոզեց Թեմիս Առաջնորդ՝ Գերշ. Տ. Սեպուհ Ս. Արք. Սարգսեանը:

Սրբազան Հայրը իր քարոզի սկզբում շեշտեց՝ «Ս. Գրիգոր Լուսաւորիչը Քրիստոսի քաղցրախօս քնարն է, որ երգեց, գովերգեց և իր կեանքով փառաբանեց իր Աստծուն և որպէս այդպիսին, որ Ս. Հոգու միջնորդութեամբ մեղքերի թողութիւն խնդրեց իր ու իր ազգի և ժողովրդի համար» «Նա իր տիրոջ պակաս թողած չարչարանքները կրեց»: 

«Գրիգոր Լուսաւորիչն այն անձն է, որ կարծես ի սկզբանէ ընտրւած էր բարեխօս լինելու մեր ժողովրդին, ի սկզբանէ ընտրւած է մեր ժողովրդի հաւատով հայ լինելու և մեր ժողովրդին առաջնորդելու դէպի լուսաւոր կեանք»: 

Սրբազան Հայրը խօսելով Ս. Գրիգոր Լուսաւորչի 13 երկար տարիներ Խոր Վիրապում տարած չարչարանքների մասին ասաց՝ «Այն ինչ մարդու համար անկարելի է թւում, Աստծու օրհնութեամբ կարելի է դառնում: Սրբի մարմինը չարչարւում է, բայց իր հաւատքով և հոգու զոհութեամբ դիմանում է: Այդ ընթացքին հոգին զտւելով, լուսաւոր էութեան է վերածւում և դառնում է աղբիւր, ուժ և զօրութիւն:  Նա դիմացա, որովհետև հաւատացած էր, որ նա ով Քրիստոսին ընդունում է որպէս իր Տէր և Փրկիչը, նա պիտի լինի յաւիտենականութեան մէջ»: 

Սրբազան Հայրը իր քարոզի միւս բաժնում ասաց. «Հաւատքը, այսօրւայ մեր կեանքում մեզ մղում է և մեզ ուժեղացնում, եթէ անարատ հաւատքով մենք ապրենք և գործենք, լեռնանման դժւարութիւնների կը յաղթենք» «Այսօր մենք էլ չարչարանքների միջից անցնում ենք, դժւարութիւններ ունենում ենք մեր անձնական և ընտանեկան, հաւաքական և ազգային կեանքում, առանց դժւարութիւնների կեանք չկայ, բայց երբ կայ հաւատք, յոյս և սէր, այն ժամանակ մեր այդ դժւարութիւնները կը փարատւեն և աղօքթով մենք կը զօրանանք և կը լուսաւորւենք»: «Մեր եկեղեցին մեր ժողովրդի համար Նոյան Տապան է այսինքն փրկութեան տապան է, ուրեմն որքան մօտ լինենք այդ եկեղեցուն, որքան հարազատօրէն ապրենք այդ եկեղեցու հովանու ներքոյ, այնքան աւելի զօրեղ կը լինենք և մեր եկեղեցիներն էլ աւելի ամրակուռ կը դառնան»: 

Յաւարտ ս. պատարագի տեղի ունեցաւ հոգեհանգստեան յատուկ արարողութիւն եկեղեցու բարերար հանգուցեալ Գրիգոր Մելիքեանի եւ Մելիքեան գերդաստանի ննջեցեալների հոգիների խաղաղութեան համար: 

Արարողութեանը ներկայ էին հաւատացեալների հոծ բազմութիւն, որ մասնակցել էին յիշեալ հոգեպարար արարողութեանը, հաղորդւելու մեր հաւատոյ հօր՝ Ս. Գրիգոր Լուսաւորչի կեանքի խորհրդով:  Ներկայ էին նաև Հայոց Ազգային Արարատ օրդց. դպրոցի աշակերտուհիները, որոնք պատարագի ընթացքին ստացան Ս. Հաղորդութիւն: 

Նոյն օրը, ճաշին, այս տօնի առիթով, Ս. Գրիգոր Լուսաւորիչ եկեղեցու Եկեղեցական Խորհուրդը, եկեղեցու սրահում, ճաշկերոյթ էր կազմակերպել, որին ներկայ էին քահանայ հայրերն ու եկեղեցական խորհրդների ներկայացուցիչները:

 

ՏՕՆԵՐ

Կրօնական Տօների Օրացոյց


Երեքշաբթի 04 Յունիսի 2024;
ՍՐԲՈՒՀԻ ՆՈՒՆԷ ԵՒ ՍՐԲՈՒՀԻ ՄԱՆԷ ԿՈՅՍԵՐԸ

Հինգշաբթի 06 Յունիսի 2024;
ԱՅՍՕՐ ՏՕՆՆ Է Ս. ՍԱՀԱԿ ԵՒ Ս. ՅՈՎՍԷՓ ԿԱՐՆԵՑԻՆԵՐԻ

Շաբաթ 08 Յունիսի 2024;
Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Երեքշաբթի 11 Յունիսի 2024;
Ս․ Կոստանդիանոս կայսերի եւ նրա մօր՝ Հեղինէ թագուհու յիշատակութեան օր

Շաբաթ 15 Յունիսի 2024;
ԱՅՍՕՐ ՏՕՆՆ Է Ս. Գրիգոր Լուսաւորչի ՆՇԽԱՐՆԵՐԻ ԳԻՒՏԻ ՏՕՆ՝ ԳԻԻՏ ՆՇԽԱՐԱՑ Ս․ԳՐԻԳՈՐ ԼՈՒՍԱՒՈՐՉԻ

Երեքշաբթի 18 Յունիսի 2024;
Տօն՝ Սրբոցն Դանիէլի մարգարէին եւ երից մանկանցն` Սեդրակայ, Միսաքայ եւ Աբեդնագովի

Հինգշաբթի 20 Յունիսի 2024;
Տօն Սուրբ թարգմանիչներ՝ Սահակի եւ Մեսրոպի

Շաբաթ 22 Յունիսի 2024;
Տօն Սրբոցն Տրդատ Թագաւորի ու Աշխէն Թագուհու եւ Խոսրովիդուխտի

Կիրակի 23 Յունիսի 2024;
Սուրբ Աստւածածնի տուփի գիւտի տօնը

Երեքշաբթի 25 Յունիսի 2024;
Տօն Սուրբ Զաքարիա մարգարէի

ԸՆԹԵՐՑՈՒՄՆԵՐ

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ