«Արտակ Մանուկեան» թանգարանը 2017 թւականի հոկտեմբեր ամսում ունեցել է հետևեալ աշխատանքները՝

- Գնահատանքի է արժանացել Թեհրանի Քաղաքապետարանի Մշակոյթի և Արւեստի Բաժնի կողմից(سازمان فرهنگی-هنری شهرداری تهران) , «Իրանահայ վաստակաւոր արւեստագէտների գործերի ցուցահանդէս»-ին (نمایشگاه آثار پیشگامان ایرانی ارمنی هنر معاصر) ցուցաբերած համագործակցութեան համար:

- Թանգարանում գտնւող վաստակաշատ գեղանակարիչ՝ օր. Լալիկ Թաշճեանի  գործերը տրամադրելով Հ.Մ. «Սիփան» Միութեան, մասնակցութիւն է ունեցել արւեստագէտին նւիրւած ցուցահանդէսին: 

- Թանգարանում գտնւող հայկական գորգերն էլ տրամադրելով Հայ Ուս. Չարմահալ Միութեան, համագործակցել է նաև այդ միութեան յարկի տակ կազմակերպւած Հայ Գորգի ցուցահանդէսին:

Թանգարանի կարևոր այցելուներից են եղել՝

- ՀՀ Մշակոյթի Նախարար՝ պրն. Արմէն Ամիրեանն իր տիկնոջ՝ Նանօ Ամիրեանի հետ և Իրանում ՀՀ դեսպանատնից տիկնայք՝ Եղեազարեանի և Գալստեանի ուղեկցութեամբ այցելել է Թանգարան:

- Հայաստանից ժամանած «Արին-բերդ» պարային համոյթի անդամները, Թեհրանի «Զարթօնք» պարախմբի ղեկավար՝ տկն. Լոռեթա Աւետիսեանի ուղեկցութեամբ թանգարան այցելեցին: