Լեզու | زبان

Search

Կապ մեզ հետ

خیابان استاد نجات الهی، شماره 295
تهران 1598873311

No.295, Ostad Nejatollahi Ave.,
Tehran - IRAN

Tel: (+98-21) 88901634, 88901635,
88901636, 88897980, 88897981

Fax: (+98-21) 88892617

info@tehranprelacy.com


Թ. Հ. Թեմի Յարաբերական Մարմնի հետ կապւելու համար՝
pr@tehranprelacy.com



Events Calendar

Կրօնական Տօն՝

Saturday, 17 June 2023

Սուրբ Ներսէս Մեծ Հայրապետի տօնը եւ մեր թեմում ՀԱՅՐԵՐԻ ՕՐ է

Սուրբ Ներսէս Մեծ Հայրապետի տօնը եւ մեր թեմում Հայրերի օր է։ Շնորհաւոր հայ «Հայրերի օր»-ը

Ս. ՆԵՐՍԷՍ ՄԵԾ (մօտաւորապէս 329-373 թթ)

Ս. Ներսէս Մեծը՝ Ս. Գրիգոր Լուսաւորչի թոռան՝ Ս. Յուսիկ հայրապետի թոռը, ուսանել է Կեսարիայում: Հայրենիք վերադառնալուց յետոյ Արշակ Երկրորդ թագաւորը նրան նշանակել է արքունի սենեկապետ, այնուհետև, շնորհելով հոգևոր բոլոր աստիճանները, 353-ին ուղարկել է Կեսարիայ՝ ձեռնադրւելու հայոց հայրապետ: Ըստ աւանդութեան՝ այնտեղ նրա հետ ձեռնադրւել է նաև Ս. Բարսեղ Կեսարացին:

Իր աթոռակալութեան ընթացքում Ս. Ներսէսը պայքարեց պարսկական ազդեցութեան դէմ. արգելելով պարսկերէնի ուսուցումը՝ բացեց նոր դպրանոցներ, որոնցով նպաստեց թուլացած քրիստոնէական աւանդոյթների վերահաստատմանը: Նա ամէն կերպ հոգաց, որ Եկեղեցու պաշտօնեաները զինւէն գիտութեամբ և աստւածային իմաստութեամբ: Ս. Ներսէսի օրօք մեծ ծաղկում ապրեց վանականութիւնը. կառուցւեցին բազմաթիւ վանքեր ու եկեղեցիներ, որոնցով լցւեց ողջ Հայոց աշխարհը:

Սուրբ հայրապետը յայտնի էր մեծ աղքատասիրութեամբ. նա երբեք ճաշի կամ ընթրիքի չէր նստում առանց աղքատների և կոյրերի, անդամալոյծների ու ցաւագարների սեղանակցութեան: Եւ սիրում էր անձամբ սպասաւորել ու դարմանել նրանց:

371-ին, երբ պարսից Շապուհ երկրորդ արքան մեծաքանակ զօրքով ներխուժեց Հայաստան, Ս. Ներսէսը ճակատամարտից առաջ քաջալերեց հայ մարտիկներին, որ աներկիւղ և հաւատով զինւած ՝ մարտնչեն թշնամու դէմ: Իսկ ինքը, բարձրանալով Նպատ լեռան գագաթը, ողջ մարտի ընթացքում բազկատարած աղօթեց այնքան ժամանակ, մինչև որ հայոց բանակը լիակատար յաղթանակ տարաւ:

Հայոց կաթողիկոսը սպանւեց՝ թունաւորւելով Պապ թագաւորի կողմից: Ըստ աւանդութեան՝ սուրբը կանխապէս գիտէր թագաւորի դաւադրութեան մասին, սակայն կամովին ընդունեց մահւան հրաւէրը՝ թունաւորւած գինին խմելուց առաջ հանդիմանելով արքային: Այնուհետև իր մահն արժանավայել դիմաւորելու համար պատարագ մատուցեց, իսկ վախճանից առաջ մերձաւորներին պատմեց իրեն տրւած յայտնութիւնը սպասւող իրադարձութիւնների՝ Արշակունիների կործանման, Արևելքի նւաճողների տիրապետութեան, այնուհետև նրանց կործանման և քրիստոնէութեան վերածաղկման, ինչպէս նաև Նեռի գալստեան և աշխարհի վախճանի մասին:

 
 

ՏՕՆԵՐ

Կրօնական Տօների Օրացոյց


Շաբաթ 23 Մարտի 2024;
Ղազարոսի յարութիւն

Կիրակի 24 Մարտի 2024;
Ծաղկազարդ

Երկուշաբթի 25 Մարտի 2024;
Աւագ երկուշաբթի

Երեքշաբթի 26 Մարտի 2024;
Աւագ երեքշաբթի

Չորեքշաբթի 27 Մարտի 2024;
Աւագ չորեքշաբթի

Հինգշաբթի 28 Մարտի 2024;
Աւագ հինգշաբթի

Ուրբաթ 29 Մարտի 2024;
Աւագ ուրբաթ

Շաբաթ 30 Մարտի 2024;
Ճրագալոյց

Կիրակի 31 Մարտի 2024;
Սուրբ Յարութիւն կամ Զատիկ

Կիրակի 07 Ապրիլի 2024;
Կրկնազատիկ եւ Աւետումն Սուրբ Կոյս Մարիամ Աստւածածնի

Հայկական անձնանուններ

Հայ ազգի արժանիքներին լաւածանօթ և նրա արժէքներով հպարտ հայ ծնողի համար մեծ նշանակութիւն ունի իր գալիք սերնդի հայապահպանման գործընթացը, մասնաւորաբար սփիւռքեան պայմաններում:
Ուստի, այս ուղղութեամբ նորամանկան սպասող ընտանիքներին օժանդակելու նպատակով է, որ օգտւելով հայկական եւ եւրոպական տարբեր աղբիւրներից, Թեհրանի Ազգային Առաջնորդարանի կայքէջի վրայ է տեղադրւում Հայկական անձնանունների ցանկը:

ՀԱՅԿԱԿԱՆ ԱՆՁՆԱՆՈՒՆՆԵՐ