Չորեքշաբթի, 6 դեկտեմբեր 2023 թւականին, Ռուս ուղղափառ եկեղեցու հոգեւոր հովիւ եւ եկեղեցու հաղորդակցութեան բաժնի տնօրէն՝ Դանիալ Գրիգարի Մատրոսաֆը, որը հիւրաբար գտնւում էր Ղոմի Ալմոստաֆայ համալսարանում, պատկան պատասխանատուների ընկերակցութեամբ այցելեց Ս. Սարգիս եկեղեցի եւ Ազգ. Առաջնորդարան: Պատւիրակութեանը դիմաւորեցին Թեմիս Առաջնորդ Գերշ. Տ. Սեպուհ Ս. Արք. Սարգսեանի հրաւէրով Թեհրան գտնւող՝ Հոգեշնորհ Տ. Վիգէն Վրդ. Տալգլըճեանը, Իրանի Իսլ. Խորհրդարանում Իրանահայութեան զոյգ պատգամաւորներ՝ պրն. Ռոբերթ Բեգլարեանը եւ պրն. Արա Շահվերդեանը, Թեմական խորհրդի ատենապետ ճրտպ. Նորայր Արամեանը, Կրօնական խորհրդի ատենապետ Տ․ Մաշտոց քհնյ. Խաչատրեանը եւ ատենադպիրներ՝ Տ․ Գրիգորիս քհնյ. Ներսէսեանսը եւ Տ․ Արիստակէս քհնյ. Շահմիրեանը եւ Ազգ. Առաջնորդարանի դիւանապետ՝ պրն. Զօրիկ Կարապետեանը:
Պատւիրակութիւնը նախ մուտք գործեց Ս. Սարգիս եկեղեցի, որտեղ Տ․ Գրիգորիս քհնյ. Ներսէսեանի միջոցով բացատրութիւն ներկայացւեց եկեղեցու պատմականի մասին եւ ապա Ազգ. Առաջնորդարանի դահլիճում կայացած հանդիպմանը, պրն. Նորայր Արամեանը Սրբազան Հօր ողջոյնները փոխանցելով բարի գալուստ մաղթեց յարգոյ հիւրերին: Նա ամփոփ անդրադարձ ունեցաւ իրանահայ երեք թեմերում, համայնքների եկեղեցական ու ազգային կեանքին նաեւ կառոյցիս ընդհանուր դրւածքին ու գործունէութեանը: Հանդիպման ընթացքում նաեւ մատնանշւեց, Իրանում զանազան կրօնների հետեւորդների խաղաղ համակեցութեանը, փոխադարձ կապերին եւ կրօնների խաղաղ երկխօսութեանն ու յարաբերութիւններին։
Ռուս ուղղափառ եկեղեցու հոգեւոր հովիւը իր շնորհակալութիւնը եւ գոհունակութիւնը յայտնեց ջերմ ընդունելութեան եւ Ազգ. առաջնորդարան այցելելու առիթն ստեղծւելու համար:
Այցի աւարտին յարգոյ հիւրին յանձնւեց Մեծի Տանն Կիլիոյ Ն․Ս․Օ․Տ․Տ Արամ Ա․ Վեհափառ Հայրապետի գրչին պատկանող «Հայոց եկեղեցին» անւամբ գիրքը։
Ազգային Առաջնորդարանի Հանրային կապ
https://www.tehranprelacy.com/9-content-hy/news-hy/4296-2023120901?tmpl=component&print=1#sigProIdaad7c04fea