Ամանորի եւ Ս. Ծննդեան տօների առիթով` երեքշաբթի 2 յունւար 2024 թւականին Թեհրանի Ս. Աստւածածին եկեղեցի այցելեց Թեհրանի 12-րդ շրջանի քաղաքապետ Վահիդռէզա Անառաքի Մոհամադին եւ իրեն ընկերակցող պատւիրակութիւնը:
Հիւրերին դիմաւորեցին Թեմական խորհրդի անդամ՝ պրն. Հայկազ Շիրւանեանը, Տ. Յակոբ քհնյ. Քեշիշեանը, եկեղեցու Եկեղեցական խորհրդի ներկայացուցիչները, «Արտակ Մանուկեան» թանգարանի վարիչ՝ տկն. Ալիս Շահմուրադեանը եւ «Ակունք» կենտրոնի տնօրէն՝ տկն. Վանուշ Թեւանեանը:
Պատւիրակութիւնը նախ մուտք գործեց եկեղեցի եւ շրջայց կատարեց եկեղեցու տարածք նաեւ այցելեց «Ա.Մանուկեան» թանգարան, որի ընթացքում համապարփակ բացատրութիւն տրւեց իրանահայ համայնքի մասին:
Հանդիպման ընթացքում շրջանի Քաղաքապետը նշելով իսլամ եւ քրիստոնիայ կրօնների միջեւ առկայ ընդհանրութիւններին յայտնեց, որ միաստւածութեան տարբեր հետեւորդները Իրանում երկար տարիներ միասին ապրել են խաղաղութեան եւ բարեկամութեան մէջ եւ ինչպէս անցեալում այսօր նաեւ բարեկամական կապերը դեռեւս ամուր են:
Տ. Յակոբ քհնյ. Քեշիշեանը նաեւ իր հերթին բարձր գնահատեց Քաղաքապետի ներկայութիւնը եւ յայտնեց, որ նման այցելութիւնները մեզ համար ընկերութեան եւ համագործակցութեան նշան է, որն ընդմիշտ վայելել է իրանահայ համայնքը:
Հանդիպման աւարտին հիւրերը հիւրընկալւեցին եկեղեցու խորհրդի սրահում:
Ազգային Առաջնորդարանի Հանրային Կապ
http://www.tehranprelacy.com/news-am/9-content-hy/news-hy/4335-2024011101?tmpl=component&print=1#sigProId8dbaa4503e