Երկուշաբթի, 22 յունւար 2024 թւականին, Թեմական խորհրդի ատենապետ եւ միութիւնների հետ կապ՝ ճրտպ. Նորայր Արամեանը, Հ. Համալս. Ընդհանուր Միութեան յարկի ներքոյ, հանդիպում ունեցաւ Վարչութեան անդամների հետ:
Հանդիպման ընթացքում հակիրճ զեկոյց ներկայացւեց Միութեան ընդհանուր գործունէութեան եւ յատկապէս վերջին ամիսներում կատարւած աշխատանքների մասին: Խորհրդակցութիւն եղաւ նաեւ միութենական աշխատանքներն առաւել արդիւնաւէտ դարձնելու կապակցութեամբ:
Պրն. Նորայր Արամեանը գնահատեց Միութեան գործունէութիւնը եւ միեւնոյն ժամանակ որոշ նկատառումներից ելնելով, կարեւոր համարեց առաւել ուշադրութիւնն ու զգուշութիւնը՝ աշխատանքների բնականոն ու յաջող ընթացքի համար եւ յաջողութիւն մաղթեց միութեան ապագայ աշխատանքներին:
Ազգային Առաջնորդարանի Հանրային կապ